لقاء كارثي
لقاء كارثي
ليله….صراحه كنت تستاهلها عملت فيها جامد و صممت تمشي فرحت فيك وانت واقف مبلول كده و عمال تبصلي
عشري….بضحك عارف و من اللحظه دي حطيتك في دماغي كنت ناوي ارخم عليكي و قولت والله لا هربيها
ليله …بضحك كنت خايفه عليك الحق عليا
عشري….بتنهيده و انا كمان حسيت اني فرحت مش عارف ليه مع اني والله كنت عايز امشي بجد بس لما اضطرينا نقعد كان جوايا حاجه مبسوطه.
ليله….طيب وانت امته حسيت اني في دماغك او ايه اكتر حاجه لفتت نظرك ليا غير الخناق طبعاً
عشري….امته حسيت لما اتخانقنا برضوا ولما شوفت في عينك النظره دي اينعم مكنتش طايقك و متغاظ منك بس كنت مبسوط اكتر حاجه لفتت نظري ليكي عندك معايا و خناقك كنت اول مره في حياتي اللقي بنت واقفه قدامي راس براس و عجبتيني غير الخناق بقي
صوتك طريقه كلامك حتي وانتي متعصبه صوتك بالنسبالي في كميه دلع متتوصفش
ضحكت ليله و ضمت ايده اكتر
عشري…..نظره عينك مشيتك لا هو حجات كتير كل حاجه فيكي يا ليله لفتت نظري و اسمك علق معايا اوي برضوا كنت فاكروا دلع بس عجبني لما عرفت انه اسمك الحقيقي من الاخر كلك علي بعض تجنني و الاحلي انك بقيتي بتاعتي
خرجت منها تنهيده تجنن و بصت للسماء و فضلت ساكته ولع سيجاره تانيه خد نفس و بعدين رفع دقنها بهدوء و قرب منها اداها النفس خدته كله و ضحكت و نفخته في وشه براحه ابتسم و ضمها من بطنها اوي و بعدين طفي السيجاره و قام بهدوء
عشري….تعالي
ليله….رايح فين
عشري ….ايه مش عايزه تنزلي يلا انزلي عشان متبرديش
ليله….الجو دافي مش برد
نزل عشري و سحبها بهدوء من رجلها و ضمها وهي قاعده و باسها من بطنها وبعدين شدها لتحت فضلت متعلقه في رقبته و قف بيها
كانت حاضنه جسمه بايدها و مبسوطه بلمسته ليها فضلوا كتير في المايه و في عالم تاني خاص بيهم ساكتين في حضن بعض و هو عمال يحط المايه علي راسها و يمشي ايده علي شعرها
شالها بهدوء و رفعها فوق قعدت و بصت عليه و ابتسمت رفعت رجلها و لفت شعرها تنزل منه المايه و بعدين نامت و هي ضامه رجل وفارده رجل و باصه علي السماء و النجوم قرب عشري و نط براحه علي فوق و هو غرقان مايه و مال بجسمه عليه و ابتسم بصتلوا ليله بنظره تجنن قرب من شفايفها براحه و تاهت معاه شويه و لما حست انه بيتهور
