لقاء كارثي

محمود….تاني لا شكلك رغايه و هتتعبيني

ريهام….بضحك خلاص يا عم متزوقش مفيش شكر حلو كده

محمود…حلو كده

ريهام…ااا عايز حاجه

محمود….عايز سلامتك اااا بس يعني ابقي طمنيني عليكي و عرفيني كده هتيجي بكره ولا لا

ريهام….بابتسامه ماشي هعرفك

محمود….خدي بالك من نفسك ولو عوزتي اي حاجه كلميني انا موجود
و متقلقيش الشغل ماشي تمام يا جناب المديره المريضه

ريهام….بابتسامه ابقي فكرني ازودلك المرتب

محمود…..بضحك ماشي هفكرك يا ستي

ريهام…..يلا باي يا حودا

محمود….بابتسامه باي يا قمر

ابتسمت ريهام و قفلت و فضلت سرحانه و مبتسمه شويه

……………

في المخزن عند نادين و نعيمه نادين طول الوقت كانت ساكته خالص نعيمه مراقبه سكوتها و الحزن اللي علي وشها و عارفه انه بسبب موضوع الشغل فا قررت انها متعلقش عشان مترجعش تفتح الموضوع تاني

خلصوا و بعدين خرجوا بره

نادين….ااا هتيجي معايا زي ما قولتي ولا عايزه تمشي

نعيمه….لا يلا بينا خلينا نروح

نادين….تمام تروحي لمصطفي الاول

نعيمه…ماشي

نادين…اوك يلا اركبي

اتحركوا علي مصطفي الاول .

و اتصلت علي فضل في الطريق طمنتزا عليها عشان في المخزن الشبكه واقعه.

……………..

سمعت ايمي صوت جرس الباب الخارجي من بره..

راحت چوي فتحت الباب

ايمي….چوي في جرس

چوي..yes مدام في حد

ايمي…. اوك شوفي مين كده

خرجت چوي بره في الجنينه و راحت علي الباب الخارجي لقت شاب واقف بموتسيكل و معاه بوكيه ورد قربت چوي منه و وقفت ايمي من بعيد تبص.

چوي….مدام في اوردر

ايمي…..اوك لحظه.

دخلت ايمي خدت محفظتها و طلعت منها فلوس وخرجت علي بره بهدوء.

الشاب….مساء الخير يا افندم

ايمي….مساء النور

الشاب….الورد ده عشان حضرتك
ممكن تمضي هنا استلام

ايمي….تمام

مضت ايمي و خدت الورد

ايمي…..اتفضل

الشاب….الحساب مدفوع بالكامل

ايمي….بابتيامه بسيطه دي حاجه بسيطه

الشاب….ميرسي لذوقك بعد اذنك

مشي الشاب و دخلت چوي علي جوه قعدت ايمي علي التربيزه من التربيزات اللي بره و بصت علي الورد بأبتيامه جميله و مسكت الكارت مكانس مكتوب في اسم او اي حاجه مكتوب فيه بس كلمتين بالعدد يخلوها تعرف مين اللي باعته أسف بحبك

ابتسمت بحب و قربت الورد تشمه و هي ابتسامتها مش مفارقه وشها و فضلت ماسكه الكارت في ايدها