لقاء كارثي

تقي…..ماشي بس انت عارف اننا كنا في مناسبه و بعدين يا عدي انا مش لابسه حجاب انا اصلا بشعري و اكيد ده مش لبسي في العادي

عدي…..يا حبيبة قلبي مش معني انك مش محجبه انك تلبسي اللي علي مزاجك صحيح الحجاب بيلزمك بلبس و طريقه معينه بس مش معني انك مش محجبه انه مباح لبس اي حاجه في حجات يا تقي مينفعش تتلبس في مناسبه وفرحانه و اللي بتتجوز قريبه منك مش صاحبه او معرفه بس كمان منبوظش الدنيا اوي كده شكلك كان ملفت اوي و الفستان كان اوڤر و الشباب كانوا عمالين يبصوا عليكي و انا متقيد مش عارف اعمل اي حاجه و طبيعي اني اضايق بصي يا تقي انا مش رخم و لا عمري ما هعلق علي لبسك او حتي هطلب منك تلبسي حاجه معينه بس عشان خاطري خلي بالك من طريقه لبسك مش لازم اقولك من الاول اعملي ده ومتعمليش ده المفروض اننا فاهمين بعض وانتي فاهمه دماغي فا بلاش نرخم علي بعض في الحاجه اللي عارفين انها هتضايق التاني ممكن

تقي…ماشي ممكن و متزعلش مش هتتكرر تاني صدقني

عدي…..وعد يا تقي

تقي…بابتسامه وعد والله العظيم

عدي….ماشي وانا مصدقك

……………….

عند ليله و عشري كان قاعد بيتفرج علي ماتش و معاه قهوته والسجاير في ايده و هي رايحه جايه في البيت شكلها زي القمر بتظبط الدنيا بتسلي نفسها شويه دخلت المطبخ كان في كام طبق و كوبايه كانت بتنضفهم و بتظبط الدنيا

وهو كل شويه يبصلها بهدوء و هي مش واخده بالها و يبتسم منظرها وهي رايحه جايه قدامه بتظبط البيت و واخده راحتها كان مفرحوا اوي و مخليه حاسس انه متطمن

اول مره دخلت البيت حتي بعد ما هديت كانت لسه مش واخده راحتها اوي لكن الوقت الوضع مختلف بتتعامل علي ان البيت بيتها خلاص بقت زوجه مرتاحه و هاديه و ده باين علي ملامحها جداً

كان عندهم لسه شويه اكل باقي بس زهقوا منه وقفت حطتوا في اطباق و غلفتها لانهم مكانوش هياكلوا منها تاني و كانت بتفكر ياكلوا ايه

قام بهدوء و دخل عليها المطبخ بصتلوا وابتسمت

ليله….عايز حاجه يا سي عشري

ابتسم و قرب وقف وراء ضهرها حضنها وباسها.

عشري……سلامتك يا قلب سي عشري انتي عايزه اي مساعده

ليله…لا يا حبيبي انا تقريباً خلصت خلاص

عشري….طيب ما تيجي تقعدي شويه و ترتاحي

ليله…حاضر هاجي الوقت بقولك ايه الاكل ده احنا مش هناكل منه تاني صح