لقاء كارثي

نعيمه….ولا لسانين و لا حاجه بس هشوفها الغلبانه دي

سلمي…..نوني بالله عليكي بلاش تقولي اي حاجه حرام البنت صغيره و ملهاش ذنب في اي حاجه بتحصلها

نعيمه…..وانتوا يعني اللي ليكم ذنب سلمي انتي متخيله ان ممكن اهل البنت يوصلوا هنا و يودوكم في داهيه

سلمي….هيوصلوا ازاي بس يا نعيمه ميعرفولناش طريق و لو عرفوا كان زمانهم وصلوا من الصبح انا كنت قلقانه يوصلوا عن طريق نمره العربيه بس اطمنت

نعيمه….لو حطوا في دماغهم انهم يوصلوا هيوصلوا با سلمي البت هربانه منهم بسبب مصيبه هما عاملينها و اكيد مش هيدورا عليها شويه و بعدين يستسلموا طول ماهما عارفين ان روحهم في ايدها هيقلبوا عليها الدنيا وهيوصلوا

سلمي….بت انتي بتخوفيني ليه

نعيمه….عشان لازم تخافي انتي واخوكي طول اليوم في الشارع في شغلكم و مفيش غير ايه وابوكي يعني لو حد فيهم عرف طريقها و الله مش بعيد يعملوا فيكم حاجه و ساعتها بقي خلوا البت تنفعكم

سلمي….ايوه يا نعيمه بس هنعمل ايه هنسيبها في الشارع وهي ملهاش حد مش حافظه رقم و موبايلها متدمر و كمان مش معاها فلوس

نعيمه….ادوها فلوس و مشوها يا سلمي و بكده تبقوا عملتوا اللي عليكم و زياده و اهي باتت معاكم يوم تتصرف بقي هي

نادين….يابنتي طب يتصلح موبايلها حتي و بعدين هتتصرف ازاي دي سنها صغير

نعيمه….كنا اصغر منها يا نادين و اتصرفنا انتي اهو من صغرك وانتي بطولك و من وانتي في ثانوي بتشتغلي و بتتصرفي و شايله نفسك و بتسافري و بطولك لا اب ولا ام هي ظروفها مش اصعب من ظروفك

ايه وسلمي بصوا لبعض و بعدين بصوا لنادين.

نادين….بهدوء ماشي يا نعيمه بس انا مكانش عندي مصيبه في حياتي يعني دي واحده ابوها مش في حياتها و امها متوفيه واختها عاشت ظروف وحشه و انتحرت و هي مصدومه في خالتها وجوز اختها يعني اللي بتمر بيه صعب

نعيمه…..مقولتش انه سهل بس يوم ما ابه ولا سلمي و لا اي حد في البيت ده يتأذي بسببها هنلعن اليوم اللي دخلت فيه هنا 22 سنه مش صغيره يا نادين تقدر تتصرف لو مشكلتها في فلوس بسيطه بس تبعد بمشاكلها احنا مش هنفضل في مشاكل طول الوقت كفايه الي عيشنا فيه الفتره اللي فاتت مش كل شويه هنبقي في تعب اعصاب

سلمي…..مفيش حاجه هتحصل ان شاء الله يا نعيمه تامر بس يصلح الموبايل بتاعها و يبقي معاها دليل تتسند عليه و معاها رقم ابوها و بعدها تتصرف