لقاء كارثي

عشري….بصراحه انا زهقت اه و كده كده هنطلب اكل من بره الوقت اتصل علي حودا و اخليه يجيبلنا اكل تحبي تاكلي ايه

ليله…..طيب ما تقولي انت تحب تاكل ايه و انا هعمل كده كده انا قاعده زهقانه و هتسلي يعني

عشري….لا مفيش اكل هيتعمل انتي عروسه يعني راحه تامه و كفايه وقفتك في المطبخ من الصبح

ليله….بابتسامه افت و حطت ابدها علي رقبته وقفتي من الصبح ايه بس انا لسه داخله المطبخ من ساعه او اقل كمان و غير كده انا بصراحه مش واخده علي الدلع والراحه دي

عشري….لا اتعودي بقي

ليله…..ما انت مش فاهم انا طول عمري فراكه القاعده دي مش بتاعتي و لو معنديش شغل لازم انزل انكش في اي حاجه او اقوم انكش في البيت خدت علي كده بقي

عشري…..انتي زهقانه ولا ايه زهقتي مني يابت

ليله…باسته من شفايفه لا مقدرش طبعاً بس بسلي نفسي و انت بتتفرج علي الماتش كده عشان مزهقش

عشري…..ابو اللي جاب الماتش للي بيلعبوا والله اروح اكسر الشاشه و لا اشوفك زهقانه

ليله…..بضحك اعقل يا بلطجي تصدق بالله انا بدأت احس اننا معمولنا عمل علي الشاشه دي
طب انا و مليش في التلفزيون واخري معاه اشغل عليه قران يعني مش فارق معايا انت بقي قالب عليه ليه

عشري….بضحكه تجنن ما انا كمان علي فكره مليش فيه اوي اخري اتفرج علي ماتش او فيلم اكشن لو شدني غير كده مبجيش جنبه انا بقول نكسرها ونخلص

ضحكت ليله و سندت علي كتفه

ليله…..احنا مينفعش معانا جو المتجوزين و الكلام ده و حتي العفش ده مش بتاعنا انا بفكر نقلب البيت

عشري….ازاي بقي

ليله….نشيل كل حاجه من هنا نسيب بس اوضه النوم عشان ننام و الاوضه بتاعت الصلاه و المطبخ و نفضي الشقه ليه بقي

عشري….بأبتسامه ليه بقي؟

ليله….عشان لما نقلب علي بعض منلاقيش حاجه نكسرها و بعدين دي مش دماغنا اصلا احنا نقلبه چيم و لعب و ياريت لو نفرش الارض البازل ده عارفه عشان لما نضرب بعض محدش فينا نتعور

عشري….بضحك ضربها علي دماغها براحه احنا داخلين مصارعه يا بلطجيه

ليله…..بضحك اااااه الحق عليا بفكر لقدام شويه

عشري….بحب باسها طب يلا يا عشان خاطري سيبي اللي في ايدك و تعالي اقعدي شويه بقي

ليله…..طب قولي هتاكل ايه و لا انت مش عايز تاكل من ايدي

عشري…..ما انا كلت من ايدك علي فكره

ليله….لا مكلتش كنت تعبان اصلا و قضيناها مسلوق بس حبيبي الوقت عريس و كويس يعني لازم ياكل و انا بقي عايزه اعمل اكل بايدي مش عايزه اكل من بره