لقاء كارثي
لقاء كارثي
ايه….. ايوه علي الاقل تكون خفت كمان هي تعبانه خالص ولو شوفتيها هتصعب عليكي انا متأكده و الله انا هتجنن عليها من امبارح و طول اليوم ساكته خالص و مش بتخرج من الاوضه ماسكه بس صوره اختها في ايدها و سرحانه
نعيمه….طيب خلوني اشوفها
سلمي….نوني بالله عليكي بلاش تزعليها بكلمه
نعيمه….يا ستي مش هاجي جنبها خلاص قولتلك
نادين….ااا ما تخلوها براحتها احسن عشان متبقاش محروجه
نعيمه….هتتحرج من ايه هنشوفها عادي
سلمي….طيب تعالوا عرفيها يا ايه
ايه….ماشي
قامت ايه بهدوء و دخلت علي الاوضه بتاعتها.
ايه…..نغم
نغم….ايوه يا ايه
ايه….صحابنا بره ينفع يتعرفوا عليكي وتتسلي معاهم شويه بدل ما انتي قاعده كده
نغم….بابتسامه اكيد طبعاً
ايه….تعالوا يا بنات
دخلت سلمي الاول و بعدين نادين و نعيمه قامت نغم بهدوء و قفت و هي مش قادره تحمل علي رجلها اللي بدأت تورم اكتر.
سلمي…..خليكي متقوميش عشان رجليك
نادين….بابتسامه خليكي مكانك
نغم….لا لا عادي
ايه….دي نادين يا نغم بصت لنادين ودي نغم
نغم….اهلا بحضرتك
نادين….بضحكه جميله لا حضرتك ايه انا نادين بس هو انا باين عليا اني كبيره ولا ايه
نغم….بابتسامه لا خالص والله انتي زي القمر و شكلك صغير
نادين….انتي كمان شكلك صغير اوي عامله ايه
نغم….الحمد لله
نادين…الف سلامه عليكي
نغم….الله يسلمك
ايه….ودي نعيمه ل نغم صحبتنا بس خدي بالك هي بتحب نوني اكتر
نغم….بابتسامه جميله اهلا بحضرتك
نعيمه….اهلا يا نغم
سلمي….اقعدي يا نغم عشان رجلك
اقعدوا يا بنات.
نادين …..هي رجليها مالها
سلمي….والله دكتور الاشعه لسه ماشي حالا و هنعرف بعدين بس هو واضح ان في تمزق في الاربطه هي بتقول امبارح وقعت علي ركبتها و كان في حجر و قعت عليه جامد و ورمت
نادين…..لا يكون كسر طيب
سلمي …لا مش كسر لو كسر مكانتش هتقدر تحركها لانها جريت علي رجلها بعد كده و لحد ما جات امبارح كان باين عليها التعب بس لما نامت بقي صحيت تعبانه تقريبا رجليها لما ريحت بدأت تظهر التعب
ايه…..بس امبارح مكانتش وارمه اوي كده انهارده وارمه اكتر
سلمي….طبيعي بس ان شاء الله الدكتور يطمنا .
نعيمه….انتي جيبتي هنا دكتور الاشعه
سلمي….اه مش هتقدر تتحرك عليها و كمان ده امان ليها اكتر
