لقاء كارثي
لقاء كارثي
نادين….مش مهم المهم انها عملت الاشعه و ان شاء الله خير الف سلامه عليكي
نغم….بابتسامه ميرسي الله يسلمك
ايه….بأبتسامه هما دول بقي اللي حكيتلك عنهم يا نغم بس فاضل اتنين مجانين بقي لو شوفتيهم هتحبيهم اوي
نغم….بابتسامه هما زي القمر و علي فكره يعني هي فيها منك شويه
نادين….بابتسامه انا فيا من ايه؟
ايه…بضحك انا قمر كده
نغم…..يعني نفس الروح فيكم من بعض اوي
سلمي….دول الكيوت بتوعنا بس نودي كيوت اكتر من ايه أبه متشرده شويه
ايه…..بضحك حصل
نغم…..بابتسامه لا ايه جميله والله بس فعلا هي شكلها اهدأ منك حبه
نادين…..بضحكه جميله هو ايه حكايه اهدأ اللي بتتقال لاي حد يعرفني دي
سلمي…..بيتخدعوا في برائتك خدي بالك دي مجنونه برضوا
ابتسمت نغم و سكتت كانت محروجه شويه
نادين…..هو انتي دارسه ايه يا نغم
نغم….انا اعلام قسم صحافه
نادين….ماشاء الله بجد حلو اوي
نغم….اه خلصت خلاص
نادين….طيب اشتغلتي او بتشتغلي
نغم….انا اشتغلت حوالي اربع شهور تدريب يعني بس بعد كده كل حاجه وقفت بعد جواز اختي بشويه انا عملت عمليه و وقفت شهر و رجعت نزلت بس كنت بنزل مقطع يعني اسبوع عشر ايام و يحصل حاجه تخليني اقعد و بس بقالي فتره مش بشتغل
نادين….بابتسامه عادي ارجعي تاني انتي المجال بتاعك يجنن و مفتوح و في فرص حلوه اوي
نغم…..اه بس كمان بيحتاج وسايط شويه
نادين…..مش كله المجال بتاعك زي ما قولتلك مفتوح و بتبقي علي حسب شطارتك انتي يعني لازم تكوني مميزه هتنجحي مش شرط الواسطه و لو علي الوسايط خفي انتي بس و قومي علي رجلك من تاني و انا هجيبلك واسكه انا اعرف ناس في المجال ده كتير
نغم….بابتسامه شكراً بجد انا بس مأجله موضوع الشغل ده لحد ما اخلص من المشاكل اللي عندي عشان مرجعش اوقف تاني لاي سبب اكيد ايه قالتلك اني بمر بظروف مش احسن حاجه
نادين…..اه بس عادي متفكريش في اللي حصل او بيحصل انتي لازم تقفي علي رجلك و الشغل صدقيني هيفيدك اوي انا معاكي انك تخلصي من كل المشاكل دي عشان تقدري تهتمي بالشغل بس كمان حاولي تلهي نفسك
نعيمه….و مش بس كده كمان عشان تقدري تعملي فلوس مشاكلك اللي انتي فيها دي هتحتاج فلوس كتير و لازم تبقي عامله حسابك اكيد مش هتعرفي تعيشي من غير فلوس
نغم…..اكيد طبعاً هعمل كده بس الصحافه شغلانه علب قد ماهي حلوه علي قد ماهي مرهقه جدا طول الوقت تقريبا انتي في الشارع و بتعملي مجهود و بتغطي اخبار و حالياً بعيد عن المشاكل اللي معطلاني انا لازم اكون قادره اتحرك وللاسف رجلي موقفاني
