لقاء كارثي
لقاء كارثي
نادين ….تامر محترم يا نعيمه
نعيمه….هو انا قولت انه مش محترم انتي كمان انا بتكلم علي اصول
ايه….و الاصول اننا لما نشوفها في مصيبه نسيبها
نعيمه…هي من بقيت اهلكم ساعدوتها وعملتوا اللي عليها هتعملوا ايه اكتر من كده هتستنوا لما تحصل مصيبه
سلمي….لا نرجعها يا نعيمه و يومين و نسمع خبر عن جريمه قتل و لما نشوف الخبر تصعب علينا و نقول يا حرام في بنت اتقتلت و ياريت لو كنا نقدر نعمل حاجه صح
نعيمه…..انتي بتتريقي
سلمي…اه بتريق يا نعيمه عشان احنا للاسف مش فالحين غير في كده تبقي المصيبه بتحصل قدام عنينا و واقفين نتفرج و نصور و نحكي لبعض شوفتي اللي حصل وده شوفت اللي حصل و منعرفش نتصرف بس لما نقرأ خبر او نشوف جريمه في ڤديو فالحين ننظر بس علي بعض هما ازاي محدش اتدخل ازاي الناس دي واقفه تصور بنبقي حلوين اوي و احنا وراء شاشه بس لما نبقي في الموقف مبنتصرفش
البنت ربنا حطها في طريق اخواتي عشان يساعدوها و خدي بالك انا اول واحده اعترضت و بابا اعترض و البنت سمعت ونزلت بس لما سمعنا بهدوء و من قبل ما نعرف حكايتنا صعبت علينا و تامر نزل جابها و لما عرفنا حكايتها منها بابا اول واحد قالها بيتي مفتوح ليكي لحد ما تقدري تقفي علي رجلك في حجات يا نعيمه غصب عنك بتغلبك فيها العاطفه و بتحطي نفسك من غير ما تحسي مكان الشخص اللي واقع في ضيقه و انا عن نفسي من خوف و زعل ايه عليها حطيت اعتراضي علي جنب و قولت اكيد هي شايفه اللي انا مشفتهوش و لما سمعت عرفت ان ايه كان معاها حق و مش عيب اني اغير رأيي
نعيمه…..خلاص بقيت انا الغلطانه وسطكم
سلمي….انا مقولتش غلطانه يا نعيمه يا حبيبه قلبي انا بس معترضه علي طريقتك مش اكتر
نعيمه…..صح و واقفه تحاسبيني انتي وايه عشان خاطر بت غريبه من الشارع ماشاء الله انا حارقه دمي عشانكم و انتوا واقفين في صفها عليا
سلمي….صف ايه بس اللي بتتكلمي عليه
ايه…..انتي ليه مكبره الموضوع يا نعيمه و صف ايه اللي هناخده عليكي انتي فاهمه كلامك
نادين …نعيمه الموضوع مش مستاهل علي فكره خوفك هما مقدرينه بس هنا بيتكلموا في نقطه تانيه افهمي بهدوء من غير عصبيه هتلاقي ان هما معاهم حق
نعيمه….لا حق و لازفت اعملوا اللي يريحكم انا اصلا غلطانه اني جيت و قلقت عليكم خليها بقي تنفعكم نادين انا ماشيه جايه معايا ولا اطلب اوبر
