لقاء كارثي

نسمه…..ااا سليم هو انا ممكن تطلب منك طلب

سليم…..طبعاً

نسمه….هو احنا ممكن نقوم

سليم….باستغراب ايه ده ليه القالبه دي

نسمه…..لا مش قصدي نمشي يعني ممكن نقعد في العربيه عشان حاسه ان الناس بتبص عليا و حاسه اني متوتره و عامله عامله

سليم….. بضحكه جميله حاضر زي ما تحبي

طلب الحساب و فضلت قاعده متوتره جداً ومبتسمه زي العبيطه.

سليم….يلا

نسمه…اه يلا.
قامت بهدوء لبست الشنطه و بصت لاقته مادد لها كفه

ابتسمت بكسوف داخلين عادي من غير ما يمسكوا بعض بس خارجين بيمدلها كفه

سليم….بضحكه شقيه يلا هاتي ايدك

مسكت ايده بهدوء و هي مبتسمه و خرجوا مع بعض علي بره ركبها وراح ركب.

سليم….حلو كده مرتاحه

نسمه…اه كنت حاسه ان الناس بتتفرج علينا

سليم….بابتسامه لا مفيش حد كان مركز معانا اصلا انتي بس اللي كنتي متوتره صح

نسمه…اااا احمم ايوه

سليم….طب قوليلي بقي عايزه تروحي فين

نسمه…لا هو بلاش نروح مكان خلينا شويه في العربيه و بعدين هروح عشان متأخرش

سليم….حاضر زي ما تحبي

ابتسمت بإحراج واضح و رفعت كفها تحط شعرها وراء ودنها مسك كفها و باسه بهدوء

فضلت باصه قدامها و هي مبسوطه اوي و قلبها عمال يدق و مكسوفه

سليم….بابتسامه تجنن هتفضلي مكسوفه كده كتير

نسمه…..انا مش مكسوفه بس يعني انا متوتره شويه و بعدين هو انت ليه مش متوتر

سليم….بضحك عيزاني اتوتر واتكسف و وشي يحمر و معرفش ابص في عينك وكده يعني لا بصي انا شلبيييي مش بووه

ضحكت نسمه علي كلامه و ريأكشن وشه

نسمه….بضحك مش قصدي والله

سليم….عارف يا ستي و عموما اكيد مش متوتر عشان عارف انا عايز ايه

نسمه….وانا عارفه بس اتوترت

سليم….بس انتي بنت و ده طبيعي

نسمه….اه ممكن

سليم….طب ايه بقي اللي انتي عرفاه

نسمه….يعني ايه

سليم…قولتلك انا عارف انا عايز ايه قولتي وانا عارفه عارفه ايه بقي؟

نسمه……طيب هو انا ممكن الاول قبل ما أرد اسأل سؤال

سليم….أسالي

نسمه….هو يعني انت بتحب البنت تكون جريئه وتقول اللي هي حاسه بيه ولا بتحبها متقولش

سليم….بضحك اكيد يا عبيطه تحب انها تقول اللي جواها و دي مش حاجه وحشه عادي بتوصفي مشاعرك و عايزك لما تكوني حابه تقولي اي حاجه متتردديش ولا تفكري خالص انا هشوفك ازاي و هفهمك ازاي لاني عارف انتي عامله ازاي ماشي