لقاء كارثي

نعيمه….بجد والله ايه انتي مصدقتي انتي كمان تلاقي سبب تغلطيني فيه واقفه معاهم عشان موضوع الشغل مضايقك اوي كده معرفتيش تتكلمي الصبح مصدقتي الموقف ده حصل عشان تغلطيني

نادين….لا يا نعيمه طبعا هو من امته احنا بنخزن لبعض او بنستني لبعض غلطه موضوع الشغل انا مش مستنيه موقف يحصل بينك و بين ايه وسلمي عشان اغلطك او اقف معاهم فيه تنا بس بعرفك انك من الصبح مش تمام قرارك المفاجئ و اللي ملهوش اي سبب يخليني احس ان في مشكله نعيمه انتي جواز ليله ماثر فيكي

نعيمه…..كمان هتطلعي جواز ليله هو اللي ماثر فيا ايه مضايقه مثلا انها اتجوزت و مبسوطه

نادين….انا مقصدش كده انتي ليه بتفهمي الكلام غلط هو مش عيب انك تضايقي علي فكره انا كمان مضايقه بس مش عشان جوازها مضايقه عشان حاسه بفراغ من غيرها جايز اما تخلص اجازه جوازها ومرجع نشوف بعض و نخرج و نشوف شغلنا الموضوع يبقي عادي بس اننا نتاثر ببعدها عننا ده مش عيب

نعيمه…اديكي قولتي اه متاثره لان ليله مش عشره يوم و يمكن اكتر واحده متاثره فيكم

نادين….ده اكيد لان انتي اللي كنتي عايشه معاها طول السنين اللي فاتت في نفس البيت و حقك علي فكره

نعيمه…..اه بس لازم تعرفي ان تأثري بجواز ليله لا هو سبب في اني اسيب الشغل ولا هو سبب في الموقف اللي حصل الوقت موضوع الشغل حاجه خاصه بيا انا مش عايزه اكمل مش حابه الشغل انا حره

نادين….اكيد حره يا نعيمه

نعيمه….اما بقي الموقف المقرف اللي
حصل الوقت انا مش السبب فيه انا نزلت معاكي الشغل رغم اني قولت مش هكمل و كنت تمام روحت معاكي لمصطفي و كنت بضحك وبهزر ووبرضوا كنت تمام ورحنا بعد كده نطمن علي سلامه وريهام و كنت عاديه يعني لاكنت بتخانق ولا عايزه اعمل مشكله هما اللي عملوا حوار ونسيوا اني في بيتهم ده انا لو كنت طولت شويه كانوا طردوني عشان خاطر البت

نادين….انتي بتقولي ايه بس مفيش حاجه من دي سلمي و ايه كانوا بيعاتبوكي عتاب عادي جدا و العتاب علي قد المحبه و سلمي اكدت عليكي اكتر من مره عشان متزعليش البنت و انتي مسمعتيش الكلام و بعدين هما فضلوا ينادوا عليكي انتي اللي مشيتي طرد ايه بقي اللي بتتكلمي عنه معقول انتي تصدقي يعملوا كده عشان اي حد

نعيمه….اه اصدق وعملوا و طريقتهم كانت زي الزفت بس انا اللي غلطانه كلامي معاهم مكانش علي هواهم يا نادين لو ليله ولا ايمي كانوا سكتوا و سمعوا الكلام كمان و شافوا ان معاهم حق بس نعيمه علي طول غلطانه