لقاء كارثي
لقاء كارثي
……….
تقي….مبتردش حلو اوي واضح انكم متفقين عليا بجد
عدي…..خلصتي جنان
تقي….هو انت لسه شوفت جنان يا عدي
عدي…..قافله موبايلك ليه يا تقي من امبارح و انتي عارفه ان الحركه دي بتحرق دمي و فتحي الموبايل اتصلت عليكي كتير و بعتلك رسايل مبترديش ليه مش هنخلص من لعب العيال ده مش هنكبرررر
تقي…..متزعقششش متبقاش غلطان والغلط راكبك من فوق لتحت و كمان بتزعق
ركن العربيه بسرعه
تقي…..عدددددي يخربيتك يا مجنون
عدي….غلط ايه يا بت اللي راكبني من فوق لتحت هااااا
تقي…..بت ! انت بتقولي بت
عدي…ان مش عاجبك ولا ايه
تقي….اا مش عاجبني واتكلم معايا عدل احسنلك متبقاش غلطان و بجح كمان
عدي….انا بجح
تقي…اه و غلطان
عدي….تصدقي و تأمني بالله
تقي…..لا اله الا الله
عدي….انا مشوفتش ابجح منك في حياتي كلها انتي يا بت غلطانه عايزه تلبسيني الغلط
تقي….غلطانه في ايه بقي ان شاء الله
عدي….اااااه عامله عبيطه يعني صح طيب حلو سيبك من حوار الفستان عشان ده لو الدنيا كلها غلطتني انا مش غلطان فيه تمام
تقي…..وانا اعتذرررررت
عدي….مسمعش صووووتك خليني اكمل كلامي انتي اعتذرتي و انا حطيت في بوئي جزمه و قولتلك تمام و عدينا اليوم و فعلا عدينا اليوم وانتي مكانش عجبك تعملي ايه تنكشي فيا فضلت اقولك انا تمام و انا كويس و لسه صاحي و انتي مصممه صوتك متغير لا مضايق و فتحتي في الموضوع من تاني وانا مكنتش ناوي افتحه فا لما اتكلم مترجعيش تزعلي
تقي….و تتكلم ليه بقي ان شاء الله لما انت مكنتش ناوي تفتح الموضوع
عدي….انتي يا بت متخلفه ما انتي اللي نكشتي تقي بقولك ايه متعصبنيش انا علي اخري منك و من جنانك هو ايه اللي بتتكلم ليه لنا انت مكنتش ناوي تفتح الموضوع انتي عايزه تعصبيني و افضل ساكت اااااا كنت مضايق و متعصب و مش طايقك و الفستان كان زي الزفت و عامله شبه الرقاصين و الكل عينه كانت عليكي و انا كنت مجبر مبقاش جنبك عشان حضرتك متوتره حد يلاحظ عيزاني اعمل ايه هااااا
بصتلوا بهدوء و فضلت تبص بطرف عينها
عدي….سكتي ليه القطه كلت اسانك الوقت
تقي…..فضات تحرك عينها شمال و يمين و تلعب في ضوافرها و بعدين بصتلوا انا جعانه
عدي…..بصلها بصدمه و غيظ نعمممم
تقي…..ايه جعااانه منكد عليا من يوم الفرح و من امبارح مكلتش كويس كلت بس عالفطار ساندوتش جبنه و علي الغداء يادوب كلت فراخ مشويه و صباع كفته او اتنين و طبق رز بس مش كبير و في العشاء مكلتش قضيتها حلويات و فاكهه و عصير
