لقاء كارثي

ضحك محمود و بص بصدمه وراهم

بصوا الاتنين بسرعه ولقوا عمر واقف ورافع حاجبه

سليم….اااا انت هنا من امته؟

عدي….ده محمود عايزنا نروح مشوار

عمر….مشوار يا صايع منك ليه سمعتكم بقي عايزين حد يغطي عليكم و التاني فوق عامل فيها عريس و رافع الاريال

عدي…..اهدي يا ابو عمو الكلام اخد وعطي مش عايز تفرح بينا ولا ايه

سليم….هنستقر هنستقر

عمر…تستقر ايه يا صايع منك ليه انت بتثبتني ياض ده انتوا هتقعدوا عذاب اكتر من اللي رافع الاريال فوق ده

سليم…..بضحك لا انت فاااااهم غلط انت قدوتنا في الجواز المبكر

عمر…..ضربه علي راسه انا متجوزتش بدري ده الصايع الكبير

عدي……بقولك ايه يا غالي استجدع معانا مره و مش هننسالك الجدعنه

عمر……جدعنه ايه يا ابن الكلب

عشري الاب….احمممممم

بصوا كلهم علي. عشري و وقف عمر مصدوم.

عدي…..ااا حاضر حاضر ياعم هروح اشوف الكلب اللي داوشك ده عمال يا ابني الكلب يا ابني الكلب هشوفوا حاضر هديه مايه

ضحك محمود وبص لبعيد

عمر…..بابتسامه باس عمر من خده بطريقه مضحكه وخدوا في حضنه
حبيبي حبيبي الجدع ابو قلب طيب اللي بيهتم بالكلام.

عشري الاب….رفع حاجبه وابتسم خير

عمر….ااا خير خير يا باااه ولدك داخل الجنه من اوسع ابوابها

عشري الاب…..والله طيب الحمد لله

عمر….اااا يلا روح يا عدي انت وسليم المشوار اللي وصيتكم بيه

عدي….بضحك حضن عمر حبيبي اي غالي الله يسترك

عمر….بهمس عد الجمايل

عدي….بهمس وهو بيضحك لا عدها انت انا قدمت السبت في الاول وانقذتك من ضربة عصايه كانت ممكن تجيبلك ارتجاج

عمر…..ولد حلال والله حبيبي يا عدي تعرف بدعي ولدي يصير كيفك

سليم و محمود كانوا فطسانين من الضحك و عدي معاهم و عشري واقف يبص عليهم و ساكت.

عمر…..يلا يلا روحوا عشان متتأخروش استني خد الفلوس دي عشان تخلص مشوارك علي خير

سليم….بضحك انا عندي مشوار علي فكره انا كمان

عمر….يا حبيبي مش خساره فيكم والله

محمود….بهمس مسموع و هو ميت من الضحك تمن السكوت

عدي….بابتسامه ماشي يا كبير تسلم

سليم….وهو ميت من الضحك سلام عليكم.

محمود….بضحك عليكم السلام

عمر….بالسلامه يا حبايبي

عشري الاب….من بعيد طب ويا ابني الكلب مش هتشربوا يا ابو قلب رحيم منك ليه

عدي وسليم و محمود كانوا هيقعوا من الضحك علي منظر عمر اللي كاتم ضحكته