لقاء كارثي
لقاء كارثي
ضحكت امينه عليها ..
امينه….مكسوفه من اخواتك
ليله….بضحك مش كده بس جو العروسه ده مش بتاعي يعني يجوا البيت عندي في التجمع تمام انما وانا عروسه كده صراحه الموضوع يكسف فا انا عيزاكي معايا يعني تتكلمي معاهم تفتحوا مواضيع انا مش عارفه خالص وبصراحه بقي ابنك موترني وهو قاعد عامل فيها عريس كده
ضحكت امبنه من قلبها و كانت مصدومه من طلب ليله
امينه…ايوه يا بتي بس اخواتك جايين ليكي خليكي معاهم عشان ميتكسفوش
ليله….ماهو انا اللي هتكسف كده يا امونه مش عارفه اعمل فيها ست بيت وارحب الكلام ده اعملوا قبل جوازي او بعد جوازب بس قدام شويه انما و انا لسه متجوزه كده مش عارفه اطلعي بقي والنبي و بعدين هو انتي مش بتقولي اني زي بنتك يا امونه سيباني ليه بقي
امينه…..بضحك وسعاده انتي بتي مش زي بتي انا بس سيباكي تفرحي و تتهني مع جوزك
ليله…وفرحت واتهنيت و قاعده الوقت حاسه اني عامله عامله اطلعي بقي انقذي الموقف افتحي اي مواضيع شكلي خيبقي اهبل اوي وانا مكسوفه
امينه….بضحك حاضر يا ست البنات من عيوني هطلعلك الوجت
ليله…..اوعي تتأخري طيب
امينه…..والله حالا هكون عنديكي
ليله…..بابتسامه ماشي مستنياكي باي
قفات مع امينه و دخلت تاني علي جوه كانت مكسوفه و متوتره و مضايقه انها عامله كده كل شويه يبصولها و يبتسموا وفرحانين بيها بس نظراتهم كانت موتراهم و جو كسوف العروسه ده مكانتش حباه عشان عارفه ان عشري هيطاعها مسرح عليه.
وقت بسيط و طلعت امينه مع فاطمه الشغاله بتاعتها اللي بعتتها لليله قبل كده سمعت ليله صوت الجرس قامت.
عشري…..استني انا هفتح
قام عشري و خرج علي بره لقي امينه و معاها فاطمه ابتسم ابتسامه واسعه.
عشري…..الله الله يا ست الكل نورتي الدار يا غاليه
امينه….بحب حضنتوا منوره بصحابه يا عريس كيفك يا جلب امك
عشري…باس كفها زين بشوفتك يا ست الناس ادخل كيفك يا فاطمه
فاطمه….الحمد لله مبروك
عشري…..عقبالك ادخلي ايه المفجأه الحلوه دي
خرجت ليله و ابتسمت بسعاده وقربت منها
امينه…..زغرطي يا بت يا فاطمه لعروستنا
زغرطت فاطمه و ضمتها امينه بحب
ليله….بابتسامه عامله ايه يا قلبي
امينه….طمنيني انتي عليكي زينه
ليله….بابتسامه شقيه زينه و بقيت زينه اكتر عشان متأخرتيش عليا
عشري…..خير انتي عارفه ان امي جايه
