لقاء كارثي
لقاء كارثي
نعيمه….حبيبتي يا حنون ده نورك والله الف سلامه علي ريهام و سلامه
حنان….الله يسلمك يارب ايه اللي انتوا جايبينوا ده تعبتوا نفسكم ليه
نعيمه….متقوليش كده دي حاجه بسيطه والله و انتي يا ست ريهام ايه اللي عمل فيكي كده
ريهام….بضحك خدت علقه محترمه من سلامه الله يسامحه
سلامه…..و انا مالي سلامه ايه و بعدين ليه ميكونش انتي اللي عدتيني
عسال….اهو هيقفشوا في بعض
نعيمه…..بضحك علي فكره رشيد كمان تعب بس مش زيكم كده
عسال….اه صوته كان باين بس قاي انه دور برد بسيط هما كانوا سخونيه و دور شديد بس احسن
نعيمه….الحمد لله عدت علي خير
حنان….الحمد لله اطمنتوا علي ليله يا بنات
نعيمه….بابتسامه اه الحمد لله بخير و مبسوطه اوي
حنان….ربنا يسعدها يارب طيبه وجميله و تستاهل كل خير هي و عشري
نعيمه…ر.بنا يسعدهم يارب عقبال ما تفرحي بالاشرار دول و تريحي دماغك منهم بقي
سلامه…..تريح دماغها ايه احنا علي قلبها ولا ايه يا حنون
حنان…..طبعا يا حبيبي وانا اقدر استغني عنكم ربنا يخليكم ليا و تفضلوا علي قلبي ديماً
سلامه….حبيبتي
ريهام….انتوا روحتوا لمصطفي الاول
نعيمه….بضحك اه بس اخوكي مصيبه والله موتني من الضحك
سللمه …فضحتيه في المكان
نعيمه….بضحك والله قولتلوا هطفشلك الزباين بس هو مش ساكت عسل والله بحبه اوي
حنان….تسلم رجليكم يارب
نعيمه….حبيبتي يا حنون ده اخونا انا والله كنت عايزه اروحلوا بس انتي عارفه يوم الافتتاح كنت مسحوله مع ليله في حوار ابن اختها و بعد كده الفرح و الفساتين و فرش البيت عندها معرفتش
حنان……عارفه والله و هو عارف
عسال….بس ايه رايك في المكان
نعيمه ….لا ماشاء الله تحفه بصراحه انا قولتلوا يجنن و شيك هو مش استايلي خالص لاني مليش في القارءه و الحو ده بس عجبني مريح اوي و يخليك تحس انك عايز تقعد فيه كتير
سلامه …بضحك كتبتيلوا علي الحيطه
نعيمه….بضحك انا فضحته كانت فقره انا مبعرفش اكتب الحجات دي بس والله فكره حلوه اوي ربنا يوفقه يارب
سلامه….اللهم امين المغرور بتاعك عامل ايه كان مكلمني من شويه
نعيمه….كويس الحمد لله ماهو عارف اني جايه
حنان……بهدوء نودي مالك يا قلبي ساكته ليه اوعي تكوني تعبانه
ريهام….اه صح مالك يا نودي
نادين….بابتسامه هاديه لا مفيش كويسه الحمد لله
