تعاهدنا

اي حاجه عشان الحب ده يعيش بس انتي مستسلمه

ياعهد فاكره ان اللي حاصل ده هيخلص لو سكتي

وأستنيني بس للاسف كل ثانيه بتعدي انتي بتضيعي

مني فاهمه يا عهد بتضيعي مني

عهد…بقهر هو لما اخاف امي تغضب عليا ابقي ضعيفه

ومستسلمه لما احاول ارضيك وارضيها ابقي بضيعك

من ايدي انا عيزاك يا أدهم لكن من غير خساير

ادهم….عشان نوصل للأحنا عيزينه ياعهد في الدنيا دي

لازم نقدم تنازلات كتير في الدنيا دي ياعهد مفيش حد

بيطلع كسبان كل حاجه لازم نخسر حاجه

عهد…بدموع وانا ايه اللي عملته وحش في حياتي

عشان اخسرك او اخسر مامي يا ادهم انا طول عمري

بعمل كل حاجه صح عمري ما زعلت حد ليه يتحكم عليا

اني اختار بينكم ليه مطلعش كسبانه في الدنيا دي بيكم

أدهم….عشان هي الدنيا كده ياعهد مبتديش كل حاجه.

اختاري ياعهد ولو باقيه عليا تعالي الوقت وهنتجوز

ونحطها قدام الامر الواقع وهي مع الوقت هتوافق

عهد…مش هقدر يا ادهم صدقني مش هقدر دي خطوه

عليا اوي .

ادهم…بحزن تمام يا عهد خليكي معاها اسمعي كلامها

اتجوزي عاصم سبيني يا عهد

عهد….بدموع ادهم انا….قاطعها ادهم بكلامه..

ادهم…تليفوني هيفضل مفتوح يا عهد عشان افضل

ديما قد العهد اللي بينا لكن مش عايز اشوف رقمك

عليه غير لو غيرتي رأيك وحسيتي انك قادره تسيبي

الدنيا عشاني لو حسيتي انك قدرتي تستغني عن

الضعف والسلبيه لو قدرتي تدافعي عن حبنا يا عهد

طول عمري مستعد اعمل اي حاجه عشان حبنا يكمل

وكنت اتمني ان القرار يكون في ايدي مكنتش هاخد

وقت عشان انفذ لكن للأسف هو في ايدك انتي

وانا مش هيأس يا عهد هستناكي تنفذي ولو محصلش

ياعهد يبقي خلصت….سلام يا احلي عهد في حياتي

قفل ادهم الموبايل ونزلت دمعه سريعه من عينه بتجري

بسرعه رهيبه كأنها قذيفه محمله بالحزن والوجع.

……………………………

مر يوم ورا يوم ورا يوم

عهد وادهم كل واحد فيهم غارق في أحزانه ودموعه

حاسين انهم بيضيعوا من بعض كل وتحد فيهم مستني

امل يتحقق عهد عندها امل سهام تغير رأيها وتوافق

وأدهم عنده امل ان عهد تسيب كل حاجه وراها وتجري

عليه..

سهام…كل يوم بيعدي احساس الوجع عندها بيتضاعف

جزء كبير من الذنب شيلاه جواها ومش قادره تتحمله

مش قادره تشوف عهد وادهم متعذبين مش قادره

تصدق ان بقالها كذا يوم مش بتشوفها.

اما ساره فكانت مبسوطه وسعاده الدنيا جواها انها