لقاء كـ،ـ،ـارثي

سلمي……هو حضرتك معاك حق لو من اسبوع يبقي مكنتش مركزه بس اكيد هو فعلا مكانش ملفت للنظر او منتشر اوي كده باختصار يعني حصل موقف من وقت بسيط لمجموعه كبيره من الكلاب و انا معايا ناس و شوفنا اللي حاصل ده كنا قريبين منهم جداً شوفناهم لمسناهم و الحقيقه ان في حاجه غريبه حصلت بعدها اربعه مننا فقدوا الوعي من غير اي سبب

مش عارفه صح ولا لا بس انا ربطت الموضوع بتاع الاغماء ده بموضوع الكلاب انا عارفه انه في حاجه بتتسمي عدوي نفسيه ان اكتر من شخص يتصابوا بالاغماء مع بعض بس الحقيقه انا مستغربه لاني شوفتها بنفسي و الاعراض كانت واحده و انا مش فاهمه اي حاجه حاولت اعمل اسعافات اوليه بسيطه الحمد لله عدت علي خير بس انا سؤالي الوقت هل فعلاً موضوع الكلاب ده ليه دخل ولا لا يعني لو ليه دخل فا هما كده في خطر عليهم الاغماء اللي حصل ده هل ممكن يكون ليه مضاعفات تانيه يعني حضرتك تنصحني بأيه مجتاجين بتعرضوا علي دكتور او نروح بيهم مستشفي لان كمان احنا للاسف مش في القاهره احنا موجودين حالياً في الجونه و الجو هادي جداً و الوضع بره مش احسن حاجه و انا قلقانه و لو موضوع الكلاب ملهوش علاقه فا فعلاً اللي حصل ده عدوي نفسيه و لا ايه بالظبط.

شريف……طيب تمام جداً بصي يا دكتور اولاً انتي دكتوره اسنان صح

سلمي….ايوه انا تلميذه دكتور مدحت

شريف….تمام جداً بصي اول حاجه بعيداً عن موضوع الكلاب و العدوي النفسيه و كل ده هما حالياً عاملين ايه ؟ حالتهم كانت ايه اصلا وقت الاغماء او بعد الاغماء

سلمي…..هما حالياً بخير جداً يعني مش باين عليهم اي اعراض طبيعيين اول ما فاقوا بس كان في دوخه الم في الراس صداع الم بسيط في منطقه الصدر بس الوقت كله راح وقت ما حصل الاغماء هو تقريباً حصل في حوالي دقيتين تلاته يمكن اقل مش فاكره بس كل ده حصل وراء بعض واحد وقع بعده بدقيقه اتنين مع بعض و في الاخر في واحده وقعت الاعراض اللي حسوا بيها صداع شديد زغلله كمان لما قيست الضغط كان واطي جداً الاخف شويه كانت 90/60 و اقل حد فيهم كان 80/50 تقريباً

شريف…..قليل جدا

سلمي…اه و ده اكتر حد خد وقت في الافاقه بصراحه و كنت متوتره انه ينزل اكتر من كده بس عدت

شريف…..حالياً هما بخير يعني شايفه ان وضعهم طبيعي زي العادي