لقاء كـ،ـ،ـارثي
في فرضيه تانيه بتقول
ان يكون في ماده كيميائيه في الهواء زي تسريب غاز او مبيد حشري قوي او ابخره مصانع بس دي مش هتحصل في كل البلاد مع بعض يعني لو بلد واحده هنقول بيتجرب فيها حاجه لكن تأصيرها مش هيمتتد لكل البلاد دي بس خلينا نمشي للاخر و دي تأثيرها بيكون تخدير عصبي او فقدان لاي رد فعل عند الحيوانات او هدوء مرعب و في الفرضيه دي وارد بردوا ان اي انسان يفقد وعيه بسبب المواد الكيميائيه دي عادي.
الفرضيه التالته ممكن تكون مجال مغناطيسي مفاجئ.
ممكن يبقي بسبب برج إرسال او تحربه عسكريه او شبكة كهرباء ضخمه تحت الارض الكلاب بتحس بالمجالات دي بقوه فا تأثيرها بيكون
تسنج تيبس وقوف من غير حركه يعني بتبقي حاله جماعيه نادره في سلوك الحيوانات او رد فعل غريزي موحد بيبقوا حاسين بخطر جاي فا بيحصل تجمد تلقائي ميبقاش في رد فعل انهم يهربوا يتخبوا .
في فرضيه اخيره و دي الناس بقي اللي بتقولها حالياً و انتي اكيد عارفه ان العلم بعيد كل البعد عن عالم الماورائيات والكلام ده و احنا الدكاتره مش بنقتنع بالفرضيه دي
زي ان الكلاب او الحيوانات شايفين حاجه الانسان مش شابفها ظل طيف مخلوق عشان كده يعني لا بتهرب ولا بتنبح وباين عليها الخوف و دي طبعاً خرافات احنا دكاتره و عايزين نوصل لسبب علمي مقنع.
سلمي….بابتسامه اكيد طبعاً
شريف….بالنسبه لأسباب الاغماء عند اغلب الناس علمياً و نفسياً و ده التحليل الخاص بيا انا و الدكاتره بتوع المخ والاعصاب عموماً دي صدمه عصبيه فجائيه و ده بيحصل بسبب خوف شديد منظر غير مفهوم خلل مفاجئ في الاعصاب ومراكز الاحساس تأثيرها علي الجسم انخفاض ضغط الدم فجأه ضربات قلب سريعه جداً او بطيئه جدا الدم ميوصلش للمخ لثواني و ده غالباً اللي حصل مع الحاله اللي قولتي خدت وقت في الافاقه
بصت سلمي لفضل .
شريف….فا الاغماء بيحصل فوراً و زي ما قولتلك بيبقي السبب ان الشخص ده حساس عصبياً مش نفسياً لان في فرق مراكز الاعصاب عنده بتتأثر بشكل ملحوظ فا بيحصل اغماء او لو في رهاب من الحيوانات او من اي شئ غير مفهوم للأنسان او كمان لو الشخص مى بتجربه او صدمه قبل كده من وقت بسيط فا بيبقي لسه العقل تحت تأثير قوي للصدمه دي فا بيتأثر بسهوله .
كلهم بدون استثناء بصوا لليله و ابتسموا
