لقاء كـ،ـ،ـارثي
عشري….بهمس الموضوع ورانا ورانا مش هيتقفل خدي بالك
ضحكت ليله بهدوء و سندت علي كتفه.
شريف….بيحصل بقي تنفس سريع دوخه تنميل غثيان فقدان وعي فا زي ما الكلاب او الحيوانات اتأثرت بطريقتها الانسان كمان اتاثر بطريقته
اغلب الحالات قالت ان وقت الاغماء حصل صداع زي ما قولتي حصل دوخه شديده حسوا انهم مش شايفين زي عمي مؤقت و بعدين فقدوا الوعي كمان في منهم وصف حالته بضغط قوي علي راسه بودنه لدرجه انهم مكانوش سامعين
بصتلهم سلمي بسرعه.
سلمي….ايوه ايوه صح هما قالوا شافوا سواد علي عينهم و مكانوش سامعين حاجه قبل الاغماء بثواتي بسيطه
شريف…..بالظبط يبقي دي اعراض منتشره عند الاغلبيه انا بس حابب اطمنك متقلقيش هما بخير الاعراض طبيعيه جداً لو حابه بعد ما ترجعوا تعرضيهم عليا او علي اي دكتور مخ واعصاب براحتك طبعاً مش حابه اطمني هما بخير كل الدراسات اللي بتحصل الاسبوع ده بتأكد ان الاشخاص اللي حصلهم اغماء بخير و مفيهمش اي حاجه خالص مجرد بس تفاعل بسيط للاسباب اللي شرحتهالك
سلمي….طيب هما كده يا دكتور لو شافوا المنظر ده تاني ممكن يحصل معاهم نفس اللي حصل
شريف…..احتمال و احتمال لا لان العقل خلاص مر بالتجربه دي مره فا ممكن المنظر اللي عرضوا للصدمه دي ياخد عليه او يكون مالوف بالنسبه ليه فا ميحصلش اغماء ولا يتأثر زي بالظبط لما بتشوفي فيلم رعب اول مره بتخافي و بيفضل عاملك رعب فتره لو عدي وقت او لو رجعتي شوفتيه تاني خوفك المره الاولي و تفاعلك معاه مش هيبقي بنفس النسبه للمره التانيه فهمتني فا جايز ميحصلش و جايز يحصل بالاخص للاشخاص اللي عندها رهاب يتكرر تاني معاهم عادي بس مفيش خطر و زي ما قولت الي الان مفيش فرضيه اكيده قدام الظاهره دي و لا حاجه معلنه كل الكلاب و القطط و الحيوانات بره اللي حصل معاها كده بمرجد ما بترجع تاني بترجع لطبيعتها تاكل و تشرب و تتفاعل عادي كأن مفيش حاجه حصلت فا انتي قدام اكتر من فرضيه تاخدي منها اللي يعجبك و تقتنعي بيه و تسيبي منها اللي مش مقتنعه بيه
بس عشان اطمنك زياده لا في وباء ولا في مواد كيماويه مسربه يعني احنا في امان من ناحيه البيئه لكن وارد حدوث زلازل اعاصير رياح مجال كهرومغناطيسي كمان الظواهر الغريبه اللي بتحصل و الانسان مش بيبقي فاهمها طبيعي انها تنشر طاقه سلبيه تسبب اكتئاب خوف ضيقه كلامي ده علي الناس عموما مش بس اللي اتصاب بالاغماء يعني الحاله دي ممكن تنتشر بين كل الناس مؤقتاً عادي واهو ادينا بنكتشف مع بعض
