لقاء كـ،ـ،ـارثي

هزوا راسهم بهدوء

شريف…..جميل و بكده احنا ماشين صح اغلب الحالات اللي اتسجلت اغماء من اواخر العشرينات لاواخر الثلاثينات طبعاً لسه النتيجه دي مش مؤكده ميخ في الميه بس كل الحالات دي مفيش فيهم اعمار اكبر مفيش فيهم اطفال مثلاً مفيش كبار سن

سلمي….ايوه بس اغلب الموجودين معايا من نفس الاعمار تقريباً و مفيش غير اربعه بس اللي حصل معاهم كده

شريف…..مش بالضروره ان كل الاعمار دي تتصاب و الا كنا خلال الاسبوع ده هنشوف ذعر حقيقي في البلد او في كل البلاد اللي اتكلمت عن الظاهره دي يعني كل اللي في اواخر العشرينات و الثلاثينات كنا هنلاقيهم فاقدين للوعي هي اعمار مؤكده بس خلينا نقول انها حالات فرديه يعني لو في مرض منتشر مثلا بيصيب الاطفال من عمر خمس سنين لعشره هل كل الاطفال دي ممكن تتصاب مش شرط طبعاً كمان لما حصلت الكرونا و عرفنا انها بتصيب بالاخص اللي مناعتهم ضعيفه الحوامل اللي عندهم مشاكل في الجهاز التنفسي دي كانت حقيقه بس في من الناس دي مجاتلهمش اصلا ولا مره مع العلم انهم احتكوا بناس عندهم كرونا وكانوا خايفين تتنقلهم العدوي بس لما عملوا تحاليل النتيجه كانت سلبيه

سلمي….تمام فهمت حضرتك بس هل اللي اتصاب ده كان بيعاني مثلا من حاجه او ليها علاقه بالمناعه

شريف….سؤال حلو بصي يادكتور
يمكن لحد الوقت اللي حصل معاهم اغماء مفيش سبب واضح ليه بس خلينا نقول ان اغلبهم اشخاص حساسه عصبياً او عندهم رهاب او مروا بتجربه قويه او صدمه نفسيه فا الطبيعي انهم يتأثروا او حاجه تانيه خالص ان حصلهم صدمه بسبب الظاهره الغريبه اللي اول مره يشوفوها.

نعيمه ….بهمس ابتسمت انت انهي واحد في دول

فضل…..بابتسامه حساس اكيد

ابتسمت نعيمه و سكتت تاني

سلمي…..تمام فهمت حضرتك يعني حالياً اهم سؤال هو انهم مفيش اي خطوره عليهم صح كده

شريف……خالص مش عايزك تقلقي كل الحكايه انهم اتأثروا بشكل مفاجئ مش اكتر و بصفتي دكتور مخ و اعصاب فا دي حاجه طبيعيه جداً احنا بنتفاعل مع الكائنات بشكل واضح و صريح

يعني زي ما في شخص يقدر ينقل طاقه سلبيه لشخص غيره كمان الانسان يقدر يكتسب اي طاقه من الحيوان او بالاخص الكلاب و القطط يعني لو طاقتهم الايجابيه عاليه و بيلعبوا هناخد منهم الطاقه دي لو طاقتهم السلبيه مرتفعه بتأثر علينا جداً و ده كلام علمي بحت.