لقاء كـ،ـ،ـارثي

سلمي…..هو بعيداً خالص عن موضوع الكلاب علمياً اه بتحصل ان اكتر من شخص يفقدوا وعيهم في نفس اللحظه و دي بتبقي اسمها عدوي نفسيه يعني مجموعه ناس في نفس المكان حد فيهم بيعانب من توتر جامد او صدمه نفسيه او خوف شديد اول واحد بيفقد الوعي فيهم اللي حواليه يتوتروا نفسه يضطرب ضغطه يوطي يفقد الوعي و تتكر في ثواني

واكيد في اسباب تانين انا معرفهاس بصراحه زي مثلاً سبب بيئي او سبب عصبي نادر والسبب العصبي ده ممكن يبقي بسبب ضوء شديد صوت قوي صدمه عصبيه في لحظتها زي مثلاً في تجمعات الحفلات الزحمه بيبقي فيها صوت قوي مع اضاءه عاليه فا كل الحجات دي غلط علي الاعصاب فا طبيعي ان اكثر من شخص يفقدوا وعيهم في نفس الوقت

بس انا حقيقي فكرت في كلام محمود و يمكن ده موترني شويه لان لو ده صح يبقي لازم نعرف الاغماء اللي حصل ده كان ايه سببه

او خلينا نقول لازم نعرف اصلا الكلاب دي ايه اللي بيحصلها بتتعرض لايه احما منعرفهوش لان لو لقينا سبب علمي هنعرف وقتها ده ليه تأثير علي الانسان ولا لا خطر ولا لا يعني هل هتتوقف علي الاغماء و لا الاشخاص اللي اتعرضت للاغماء اتأثرت بحاجه اخطر

عسال……لا لحظه يعني لو زي ما بتقولي كده ممكن اللي اتاثروا يحصل معاهم حاجه اكتر

سلمي….ماهو ده هيتوقف علي تفسير حاله الكلاب دي

عشري….طيب يعني ايه بردوا مش فاهم هما كده محتاجين دكتور او مستشفي و لا ايه

سلمي…..بصتلهم اااا عسري صدقني انا مش عارفه بس يعني هو انا عايزه اعرف كلكم حسيتوا بنفس الاعراض اللي فضل حس بيها دوخه و بس و لا حصل اي حاجه

فضل……هو انا حسيت بصداع الاول و بعدها دوخت جامد و هو عموما يعني انا مش مصدق حوار الكلاب ده بس بصراحه انا قلبي اتقبض من منظرهم و حسيت اني تعبت لما قربت منهم

ليله…..انا كمان و قولتلكم بره ان قلبي مقبوض من منظرهم و في طاقه سلبيه مش حلوه انا فجأه حسيت بصداع بردوا بس قبل ما يغم عليا انا حسيت ان الدنيا بتسود و دني اتسدت حتي لما شوفتكم بتجروا علي فضل في الاول حسيت اني مش سمعاكم

سليم…..صح انا حسيت باللي ليله بتقولوا ده انا فعلاً مكنتش سامع اي حاجه حسيت ان ودني اتسدت فجأه صوتكم اختفي لحظه كده قبل ما يغم عليا

نادين…..بخوف اااا علي فكره وانا كنت شيفاكم بس مفيش صوت في ضغط جامد علي ودني و بعدها معرفش ايه اللي حصل.