لقاء كـ،ـ،ـارثي
تامر….يا ايه لحظه كمل بهمس يا نهار اسود
سلمي….بهمس في ايه؟
تامر…..سلامه مات
حطت ايدها علي بوئها
حسان….في ايه مالكم مين مات
سلمي…..الكلب بتاع ايه مات
حسان….الصغير
سلمي….اه
سلامه….ميلو ولا سلامه
سلمي…..سلامه دي هتعمل مناحه
سلامه….مات ازاي بسبب اللي حاصل يعني
سلمي….معرفش هو قال لتامر
تامر….هو مش عارف بيقولي لاقيته نايم من شويه علي الارض و شكلوا غريب قرب منه لقاه مخشب و مات
ليله….دي هتتجنن الوقت كنت قولتلوا ميقولهاش
تامر….هي ادتني فرصه و انتي صوتك عالي ليه يارب ما يقولها بقي .
سلمي…..انا اتخضبت علي بابا
ايه…..بجد كويسين
احمد…..ااا اه كويسين و بيلعبوا
ايه…..طب احلف برحمه ماما ان سلامه و ميلو كويسين
احمد….اااا هو انا لازم احلف عشان تصدقيني بقولك بيلعبوا قدامي اهم
ايه…..طب معلش احلف كده اقولك اقفل وهتصل عليك حالاً ڤديو كول خليني اشوفهم
ايمي…..بهمس احييييه
احمد….احممم طب بصي انا مش عايزك تزعلي بس انتي عارفه ان سلامه كان تعبان بقالوا كام يوم من قبل حتي ما تسافري و لحد ما كلمتيني الصبح كان كويس والله بس انا لاقيته من شويه مات يا ايه
حطت ايه ايدها علي وشها و فضلت تعيط في صمت
ليله…..غمضت عينها ااااه ابوكي قالها يا سلمي دي مش هتسكت
عشري….هو ده الكلب اللي سلامه جابوا مش بتاعها صح
ليله…..اه هو
قرب سلامه منها حط ايده علي راسها و فضل يمشي ايده عليها
سلامه…..يويو عادي خلاص هنجيب غيره
ايه……طب مات ازاي طيب؟
احمد…..والله ما اعرف لاقيت ميلو عمال يهوهو جامد خرجت علي صوته لاقيته جنبه ميت
ايه…..بعياط طيب شوفوا والنبي يمكن لسه عايش
احمد….والله العظيم شوفتوا و اتأكدت كذا مره بس هو مات صدقيني و غالباً مات عشان تعبان مش عشان اللي حاصل و اللي تامر قال عليه ده
فضلت تعيط معاه علي التليفون
سلمي…..والنبي ما تعيطي عشان خاطري
سلامه……ايه هنجيب غيره والله
ايه…..بدموع انا مش عايزه غيره انا عايزه سلامه
رشيد….بابتسامه ما سلامه اهو ده احلي
ايمي…..بابتسامه والنبي ده وقت هزار
احمد…..طب هتفضلي تعيطي كده و تزعليني منك انا مكنتش عايز اعرفك غير لما ترجعي عشان منكدش عليكي
ايه……طيب انت وديتوا فين ؟
احمد….ولا مكان لسه قدامي اهو انا لسه شابفه قبل ما تامر يتصل بيا عشر دقايق
