لقاء كـ،ـ،ـارثي

سلمي…اه كويسين انا قيست الضغط تاني الحمد لله فيهم اللي بقي طبيعي و فيهم اللي بدأ يرفع بشكل ملحوظ يعني افضل و مش حاسين خلاص بأي اعراض

شريف……تمام خلينا بقي نرجع لسؤالك بصي يا دكتور زي ما قولتلك الموضوع منتشر بقاله حوالي اسبوع و علي فكره هو مبدأش عندنا اصلا بدأ في اكتر من دوله اجنبيه و عربيه.

انا اعرف دكاتره يعني متخصصين في علوم البيئه و في الكيمياء العضويه والكيمياء الفيزيائيه و الچيولوچيا والچيوفيزياء
و الحقيقه عرفت منهم ان الموضوع بيتعمل عليه ابحاث من وقت ما الظاهره دي انتشرت و ليا واحد فيهم مقرب انا بتابع معاه اللي حاصل عشان افهم خليني اقولك ان الوضع حالياً غير مفهوم يعني هي ظاهره العالم بيواجهها زي اي ظاهره في الدنيا بتحصل و الطبيعي ان لما بيكون في حاجه غير مفهومه بيتعمل عليها ابحاث و بنحاول نفهم في ايه عشان نقدر نفهم الناس و نطمنهم

سلمي….بس كلتم حضرتك معناه ان اللي حاصل لسه مش فهموم عشان الناس تقدر تطمن

شريف…..دي حقيقه بس خليني ابسطلك الموضوع بشكل علمي و يطمنك اكتر اولاً بالنسبه للجزء الخاص بسؤالك عن الناس اللي معاكي هل في خطر عليهم ولا لا اطمني مفيش اي خطوره عليهم الا لو انتي شايفه ان في اعراض غريبه والحقيقه ده اللي انا و الدكاتره بنحاول نفهمه و نجمع اكبر قدر من المعلومات عنه عشان نوصل لنتيجه مقنعه للي بيحصل بنسبه كبيره خليني اقولك ان الاغماء اللي حصل ليه علاقه بموضوع الكلاب وبردوا تقدري تقولي ليها علاقه بالعدوي النفسيه الاتنين هنا مربوطين ببعض

ليه بقي ليها علاقه بالكلاب؟ لان اكتر من حاله اغماء اتسجلت بعد ما شافوا منظر الكلاب فا هنا احنا قدام اول نتيجه مثبته بالدليل تقنعنا ان الكلاب ليها دخل بالاغماء.

محتاجين نتايج تانيه زي مثلاً اننا نعرف الناس دي بعد حاله الاغماء بيحصل معاها حاجه غريبه بتفضل تعبانه زي مثلا الضغط بيفضل واطي
ضربات القلب بترجع طبيعيه و الحقيقه ان كل الناس اللي حصل معاهم اغناء بخير و طبيعين و رجعوا زي ما كانوا فا كده دي حاجه مطمئنن ان مفيش اي اعراض او مرض او وباء اتنقل ليهم

كمان في حاجه تالته بنحاول نحصرها عشان نتأكد اللي بيحصل ده بيصيب انهي عمر يعني الاعمار اللي حصلها اغماء عندك قد ايه

سلمي…..بصتلهم و بصت لسيلم اااايعني من الثلاثينات كلهم صح