لقاء كـ،ـ،ـارثي

سلمي…..انا بجد مش عارفه اقول ايه لحضرتك يا دكتور علي وقتك اللي ادتهولي ده يعني اطمنت و فهمت و ارتحت جداً بجد شكراً لحضرتك تعبتك معايا و ازعجتك

شريف…..انا تحت امرك بالعكس ده شرف ليا و كمان ده في مصلحتنا عموما اننا نأكد علي بعض الحالات وتأثيرها و اعمارها فا انا تحت امرك اي وقت

سلمي…..الامر لله و بجد ميرسي جداً لحضرتك واكيد لو حصل اي حاجه هتصل عليك

شريف…..ان شاء الله

سلمي…..ميرسي يا دكتور فرصه سعيده مع السلامه

شريف…..سلام

قفلت سلمي و بصتلهم و ابتسمت

سلمي…..ايه يا ميدو اطمنت

عسال….بابتسامه الحمد لله

نعيمه…..ده اني امي بتحبني و دعيالي عشان مخرجتش معاكم من الاول كان زماني مرميه زيهم انا بخاف من الحيواناااات

رشيد….اه والله كويس انك مخرجتيش بس الحمد لله اطمننا

حسان…..هو احنا اطمنا بس زي ما قال هما لسه موصلوش للسبب

عشري…..بس اهم حاجه ان مفيش خطر عليهم

حسان….اكيد طبعاً

حنان… الف حمد وشكر ليك يارب

ايمي…..سبحان الله حقيقي زي ما قال مهما عاش الانسان و اتعلم هيموت جاهل

سلمي…..دي حقيقه في ناس اتجننت من تعمقها في العلم و اللي قدروا يوصلوا ليه قدام عظمه ربنا والكون نقطه في بحر

سليم….و نعم بالله احنا عايشين عشان نتعلم و نكتشف هنموت و بردوا وصلنا بس للي ربنا عايزنا نقدر نوصلوا هو زي ما الدكتور قال بالظبط الكون ده عباره عن معجزه اكتشافها لوحده صعب علي عقليتنا

سلمي…..اكيد انا بجد مبسوطه اوي اني اطمنت الحمد لله مبسوطه اكتر ان الاطفال مش بتتأثر لحد الوقت ولا كبار السن

سلامه….انا كنت هموت من الضحك لما كلهم بصوا لليله

عشري….ااااه بقي كل ما نقفل الموضوع يتفتح حتي الدكتور اللي منعرفهوش لمح عليه

ليله….بضحك انا مالي انا في نيتي يتقفل انت اللي حظك وحش

رشيد….يا ستي ادينا فهمنا بقي الحمد لله المهم بقي محدش فيكم يخرج ولا يقرب منهم تاني لا هنا ولا لما نرجع زي ما قال ممكن تتاصروا تاني و ممكن لا فا بلاش مجاذفه

عشري….لا بلاش خلينا كده حلوين انا قلبي وقف بسببهم

سلمي…..احنا كده هنسافر بكره الضهر بردوا صح

عشري…..بعيداً عن كل ده اه كده احسن النهار بردوا اضمن

عسال…..اه كده افضل احسن يبقي في كلاب علي الطرق يخبطهم ولا يفاديهم و تحصل مصيبه