لقاء كارثي

ريهام…..29 انا يعتبر قد ميدو هو اكبر بشهور يعني داخله علي 30 خلاص

ليله….اتفرج بقي بنت عندها ثلاثين سنه و حياتها متوقفه علي اربع اشخاص سيبك من الجواز اصلا انتي لازم يكون ليكي دايره علاقات

امنيه….بابتسامه طيب سؤال يعني لو مش عايزه تجاوبي عادي

ليله….لا اسألي اكيد

امنيه…..انتي في العلاقات عموما كان ليكي علاقات كتير

عشري….ايه يابت مش مكفيكي انا ولا ايه

امنيه…..بضحك لا والله مش قصدي مجرد فضول اصلي حاسه ان ليله عندها خبره عموما في كل حاجه

ليله…..بابتسامه كلتم في سرك يعني انا طلعت في اخواتك بس انا مكانش ليا في حياتي دي كلها غير علاقتين اول علاقه الشخص اللي اتخطبتلوا و تاني علاقه كانت عشري و دول اللي عرفتهم في حياتي كلها اللي اتخطبت ليه ده قعدت معاه قرب السنه و بس كنت في اخر سنه من دراستي و بعدها سافرت و سيبنا بعض

امنيه…..طيب يعني كنتي 21 سنه بردوا متعرفتيش خالص علي اي حد بعده قبل ما ترتبطي بعشري

ليله….بضحكه هاديه خالص والله ليه بقي انا لما سيبته سافرت في التوقيت ده انا كنت قررت اني مش هرتبط ولازم اركز في شغلي انا امي ماتت و ابويا مات و اصلا حتي لو عايش مفيش بينا علاقه فا بقيت معنديش مصدر اعيش منه غير شغلي اكبد اخواتي البنات مش هياخدوا من اللي متجوزينهم و يدوني مع انهم متجوزين رجاله بجد و اتعرض عليا منهم حجات كتير مصاريف و اني اعيش معاهم و رفضت و طبعاً وليد مكانش هيأثر بس بالعقل ده واحد متجوز كان وقتها معاه تقي و رقيه كنزي دي مكانتش جات يعني كان شايل بيت و ولاد و بصراحه انا مصاريفي كانت كتير مستحيل كان هيقدر عليها و في نفس الوقت انا طول عمري اموت ومطلبش او امد ايدي لحد حتي لو اخويا لاني كمان اشتغلت وانا صغيره و كنت شايلن نفسي ودراستي عشان اخف العبئ عن امي فا طبعاً بعد ما هي ماتت و انا قررت اني اسافر كنت مسافره يادوب بفلوس تقضيني حاجه بسيطه اوي لحد ما ابدأ اخد مرتب من شغلي و بس قررت اني احط الحب و الارتباط ده علي جنب لحد ما اقف علي رجلي فضلت كذا سنه و الحمد لله قدرت اعمل فلوس كويسه و رجعت هنا تاني وقت الكرونا و وقتها انا والبنات بدانا البيزنس بتاعنا فا بردوا مكانش في بالنسبالي وقت لاخب والارتباط خالص كنت بنجح و بعمل فلوس و بحقق نفسي و بامن حياتي و مستقبلي مكانش عندي وقت اني ادخل في علاقه يمكن اصلا ملاقتش الشخص المناسب بس كمان مكانش في دماغي لحد ما قابلت الاستاذ صدفه

امنيه….بضحد بس كانت صدفه حلوه

ليله….بضحك اااااا يعني مش اوي

ضحك عشري و مسكها من رقبتها

عشري…..وحياة امك

محمود…بضحك اتحول عليك اهو

امنيه….انا من كلامك تخيلت انك كان عندك علاقات كتير

ليله…..خالص والله بصي انا عموما مش بحب اني افضل ارتبط و اسيب و بصراحه انا ضد ده لانها بتتحسب علي البنت بصراحه اينعم انا مش بيهمني كلام ولا راي الناس لانهم في كل الاحوال بيتكلموا و بينظروا بس بردوا انا عايشه في مجتمع مش بيرحم و بيشوفوا ان كتر العلاقات للبنت فيه غلط من البنت صدقيني انا ولا بيفرق معايا بس كمان انا بحب اخلص و ادي العلاقه حقها و خدي بالك يمكن لو كان خطيبي ده قدر يفهم مشاعري و الضغط اللي كنت بمر بيه و وافق اني اسافر او حتي اقنعني اني اقعد بطريقه مختلفه فيها احتواء كنت كملت معاه بس هو مفيش نصيب و انا محاولتش اخد الخطوه دي و سيبتها علي ربنا و بجد انا لما سافرت مع البنات و هما كمان مكانش حد فينا عارف ان السفريه هتختم بالشكل ده هو نصيب صدقيني المهم انك تختاري صح و تميزي الوحش و الحلو

عشري….طيب انا عندي فضول اعرف راي حنون يا ريهام في الموضوع ده يعني هي كمان رايها من رأي اخواتك

ريهام…..بأبتسامه بالعكس خالص ديماً تقولي اشتغلي و انزلي و اتعاملي و لما كان سلامه يرفض كانت بتزعل منه اقولوا خليها تشوف ناس و ناس تشوفها خلبني افرح بيها و اطمن عليها لا بص ماما زي ليله كده عندها نفس الرأي لان شايفه اني حقيقي داخله اهو علي تسع سنين مفيش علاقات مفيش حد بيشوفني مفيش معارف ديماً بسمعها تتكلم مع سلامه و تقولوا سيبها مش عيزاها تبقي زيي مش عبزاها تبقي بتتوتر و تخاف من الناس و تبقي خجوله و معندهاش معارف زيي و يمكن ماما اصلا من النوع اللي بتحب قعدة البيت زيي و اكتر هي بيتوتيه جداً بس بتخرج عشاني و خد بالك ماما لما عرفت بموضوع السفر ده هي وافقت عشاني لان هي قالتلهم في الاول خدوا ريهام و مصطفي بلاش انا مش هقدر علي السفر فا سلامه رفض قالها لا مش هنسيبك كلنا و نسافر فا عشان كده هي وافقت لان هي عارفه اني مش بخرج

عشري…..لا ده عايز شاده كبيره من ودنه

مجمود….بس بيتهيألي عسال اهون منه شويه

ريهام….كتير ميدو يمكن ليه وجه نظر زي ما قال كده انه بيخاف عليا بس انا عارفه اني لو روحت قولت لميدو اني مثلا عايزه اشتغل مش هيرفض عكس سلامه اللي ممكن يغلبني لحد ما يوافق و ممكن ميرضاش

ليله….لا تفكير غلط الخوف الزياده مش بيحمي

محمود….بصي امنيه كانت بتشتغل بس هي و عمرو كان في بينهم كلام واتفاق عن موضوع الشغل بس هو بصراحه مأجبرهاش و لا كان شرط بس تقدري تقولي ان دي اصلا رغبه امنيه هي طول الوقت بتقول انا لما هتجوز مش هشتغل لانب مش هقدر و طبيعي كل واحد عارف قدراته فا هما متفقين

ليله…..بص يا محمود لو دي رغبتها فا هي حره في النهايه زي ما قولت دي قدرات و حاجه كويسه انها توصل لنقطه انها تبقي عارفه ان بعد الجواز مش هتقدر توفق بين البيت و الشغل و دي حاجه احترمتها في امنيه هي واثقه انها مش هتقدر تشيل الاتنين و حابه تركيزها يكون في مكان واحد بس في فرف بين اننا نتناقش و تقنعني عن انك تجبرني و تحط شرط لعلاقتنا

محمود….بصراحه لا مشرطش عليها خالص هو اه مكانش حابب الشغل بس ثالها لو انتي عندك رغبه تفضلي عمري ما هحسسك اني مضايق بس هي قالت لا انا مواققه ودي رغبتي اصلاً بس زي ما قالت ليله الخوف الزايد ده مش بيحمي يعني طول عمر ابويا يقول انصح و اوجهه و اعلم الاصول و اسيب البنت تشوف حياتها زيها زي الولد و طول ما هي خارجه من البيت معاها ثقه و معاها نصايح عمرها ما هتغلط و كمان النصايح هتخباها تقدر تحمي نفسها من اي حاجه تقابلها بره

عشري….بأبتسامه ابوك دماغ يا حودا بجد راجل جميل اوي

محمود…..ابويا يجنن و الله يا عشري صاحبي الوحيد من وانا صغير علاقتنا اصلا جميله كلنا

ليله….حماده ده مفيش زيه والله جميل و طيب و عنده خبره في الحياه فظيعه

عشري….ربنا يديله الصحه هو زوزو

قرب عسال و هو معاه طبق في بطاطس و ابتسم

ابتسمت نادين لما شافته و بعدت عينها عنه

عسال….القمر بتاعي

عشري….بضحك وانا اقول اختفيت فين

ليله……طبعاً عصافير الحب بيعملها اكل انتي نايمه ولا ايه

نادين….لا صاحيه بسمعكم

عسال…..امسكي يلا كلي

نادين…..شكرااا

عسال….بضحك طب انا بصالحك

عشري…ابه ده انت مزعل اختي ياض

عسال….بضحك والله ما زعلتها بس شكلها كده واخده موقف مني بسبب كلام ليله عن ريهام

ليله…..انا طب ليه

ريهام…..بضحك جدعه يا نودي

ابتسمت نادين لريهام و سكتت

ليله….في ايه يابت في ايه يا ميدو

عسال…..و الله انا مش عارف هي زعلت من ايه بالظبط بس واضح انها فهمتني غلط

عشري….زعلتي ليه يا نودي

نادين…..مزعلتش يا عشري بس يعني حسيت كده ان في تناقض

عسال……تناقض دي كلمه كبيره خدي بالك بس لو همشي معاكي للاخر انا كلامي كان واضح في موضوع ريهام كل اللي قولته اني معنديش مانع بس ده يمكن خوف عليها و حب مش اكتر لس هي قدامك اهي أساليها لو انا وحش معاها

ريهام….بصراحه لا والله يا نودي و لو سمعتي يعني الكلام اللي قولناه الوقت انا قولت ان ميدو اهون كتير من سلامه

نادين…..انا مش زعلانه من كده بس انا مستغربه تفكيرهم عموما و تفكير ميدو بالاخص يعني اه بيحبك و بيخاف عليكي بس هو كما اتعرف و حب بنت زيك فا اللي هو ازاي يعني انت مش قابل علي ريهام اللي ممكن تقبلوا عليا

عسال….اااااه لا استني بقي عشان واضح انك فهمتي غلط خالص

محمود…..بضحك في علاقات بتبوظ بسببك يا ريهام

ريهام….بضحك ياعم انا غلبانه والله ما عملت حاجه

ليله….بت بلاش غباء ميدو مكانش قاصد ده هو قال انه واثق في نفسه مش واثق في اللي ممكن هي تتعرف عليه

نادين….وهو ايه اللي عرفه ان اللي ريهام هتتعرف عليه هيبقي مش قد الثقه

عسال…..حبيبي اسمعي اولاً شيلي من دماغك خالص فكره ان اللي ممكن اقبلوا علي اي بنت ارفضه علي ريهام عشان هي اختي يعني دي اخر مره تفكري بالطريقه دي

ثانياً انا اتمني ريهام تتجوز و تحب و تعيش حياتها زي ما هي بتتمني و زي ما انا بتمني خوفي علي ريهام عشان انا عارف ريهام نفسها عامله ازاي شخصيه ريهام مش اي حد ممكن يركب معاها كل لما تعرفيها اكتر هتفهمي كلامي ريهام طفله من جواها نضيف اوي بريئه جداً مينفعش معاها راجل يكون قوي و شديد مينفعش معاها راجل توكسيك او نرجسي مينفعش معاها راجل متسلط لسبب واحد شخصيه ريهام مش اللي ممكن تكتشف العلاقه السامه دي و تاخد قرار انها تبعد ريهام ممكن تخبي علينا احنا هي عايشه ازاي و تفضل مكمله و دي اختي وانا عارفها كويس

فيها منك كتير يا نادين و انا لما شوفتك و اتعرفت عليكي و عرفت شخصيتك قولت مستحيل انتي كمان تبقي مع اي شخص ميقدركيش ميحافظش علي البراءه و الطيبه و الهبل اللي انتوا عايشين فيه ده مش عشان انا مفيش مني لا خالص بس عشان انا حبيتك بكل تفاصيلك و قررت بيني و بين نفسي اني احترم شخصيتك دي زي ما هي

وانا عشان واثق من نفسي اني مش شخص متسلط و لا شديد و لا توكسيك و لا نرجسي كنت معاكي جاد و العهد اللي خدته نفذته يا نادين و بقيتي مراتي مكنتيش بالنسبالي مجرد بنت عجبتني هستغل فيها برائتها و طيبتها انا قررت اني احافظ عليكي بالنسبه لريهام اتمني من كل قلبي ان يوم ما ربنا يوقعها في شخص و تحبه يكون من جواه قادر يحافظ عليها و علي قلبها زي ما انا حافظت و هحافظ عليكي فا اوعي تفكري ان اللي رضيته عليكي مرضتهوش علي ريهام عشان مثلا بحبها اكتر عشان اختي لا خالص و كمان انا مستحيل اوافق ان ريهام تتجوز جوازه كده عاديه او جوازه صالونات بالعكس انا نفسي والله اشوفها مبسوطه و بتحب بس انا عايزها تعرف تختار صح تعرف تفرق بين الكويس و الوحش ريهام اي حد تعرفوا بتقول عليه طيب و كويس من قبل ما تتكلم معاه او تعرف شخصيته و علي سبيل المثال لما اتعرفنا علي بعض و رجعنا و انا وسلامه حكينا عنكم اتفرجت علي الصور بتاعتنا

ريهام من الصور قالت عليكي انتي والبنات طيبين ومحترمين و هي متعرفكمش اصلا

ضحكوا كلهم علي ريهام

ريهام…..بضحك مش بيقولوا سماهم علي وجوههم

عسال….بابتسامه اهي اديكي شايفه و ده اللي انا بخاف منه لازم نتعامل و نعرف الناس و نبدأ بعدها نقول حكنا عليهم