تعاهدنا

ليها هتكون محفوظه.

عاصم….انا مش هتأخر علي عهد في اي حاجه الشبكه

بتاعتها هتيجي من احسن مكان في العالم

طبعا حضراتكم عارفين اننا عايشين كلنا في القصر

بتاعنا واتمني عهد توافق تعيش معانا فيه بس في مقابل

انها توافق هضمنلها حقها في سكن خاص بيها عشان

لو حبت انها تعيش بعيد عن القصر هكتبلها

ڤيلا التجمع باسمها وهكتبلها ڤيلا المنصوريه باسمها

هتكتبلها مؤخر عشرين مليون ومهر زيهم فرحها

هيكون في احسن مكان في مصر.

كل طلباتها هتكون مجابه انا مش عايز من عهد اي

حاجه حتي شنطه هدومها مش عايز اي حاجه عايزها

هي وبس. والمهم تكون مبسوطه.

كان الجميع بيسمع الكلام ده بصدمه وعيونهم مسلطه

علي عهد اللي مش معاهم وعلي ادهم اللي عيونه حمرا

من شده الغضب عروق وشه ورقبته كلها بارزه بشكل

مرعب..قربت رقيه ايدها من ايد ابنها مسكتها بخوف

تحاول تهديه وتطمنه كان عندها امل بمجرد ما عاصم

واهله يمشوا هيتكلموا مع سهام ويعرفوها ان ادهم

طالب ايدها وكانت واثقه ان سهام هتغير رأيها بسرعه

لانها عارفه ان ادهم عندها غالي .

حسن….كل اللي بتقوله ده حلو جدا يا عاصم ويبين قد

ايه انت شاري عهد…لكن كمان انا قولتلك ان عهد بنتي

و مسؤوله مني واي حاجه ماديه تخص عهد انا متكفل

بيها .

عاصم…صدقني مش هنختلف خالص يا حسن باشا

وطبعا انا مقصدش اني اعفيك من اي حاجه لكن كمان

صدقني كل حاجه هتطلبها لعهد انا موافق عليها وملتزم

بيها واكتر كمان من البي هتطلبه عهد تساوي الدنيا كلها

مجرد كلمات عبر بها عاصم عن ما بداخله لعهد

ولكن كانت هذه الكلمات جمر يقذف في قلب

ادهم من انت حتي تساوي عهد بالدنيا من انت حتي

تقول كل كلمات الغزل هذه الي معشوقتي

انا من كان عليه إلقاء كل هذه الكلمات ليس انت

اقسمت بالذي خلقني لو لم اكن اخاف علي سمعتها

من الكلام لكنت وقفت امام الجميع وصرخت بكل ما فيا

من قوه واقول عهد لي انا فقط عهد حبيبتي انا فقط

ولكن منعني عقلي من تهور قلبي الذي ينزف عشقا

لهذه المخلوقه… ولكن ما بها كيف لها ان تجلس في هذا

الصمت اهي حقا موافقه ام أجبرتها سهام وما هذا السبب

الذي اجبرتها عليه سهام..

كان ادهم حاسس انه هيتجنن مش قادر يسكت ولا حتي

قادر يتكلم قطع تفكيره كلمات منير

منير…خلاص يبقي اتفقنا نقرأ الفاتحه والخطوبه

تكون اخر الاسبوع الجاي.

سهام…معلش انا عندي بس طلب اتمني توافقوني عليه