تعاهدنا

ادهم….عهدددددد ردي عليها وقولي حاجه قولي انك

مش هتتجوزي حد غيري قوليلها ان مفيش راجل لسه

اتخلق يكتبك علي اسمه غيري انا قوليلها ان انتي جوه

قلبي يا عهد عرفيها اني عمري ما عملت اي حاجه غير

اني اسعدك وبس.

نزلت دموع عهد في صمت الكابوس بيتملك منها اكتر

ومش قادره تنطق

ادهم…ساكته ليه يا عهد موافقه عاللي هي بتقوله

قوليلها انك هتختاريني انا يا عهد قوليلها انك

كنتي طايره امبارح من الفرح واحنا جايين نفاتحها

تعالي معايا ياعهد نحقق حلمنا وننفذ العهد اللي اتعاهدنا

عليه مع بعض تعالي عشان اكتبلك تم تنفيذ العهد

غمضت عهد عينها بقهر.

ادهم…بصدمه ساكته ليه ياعهد قولي اي حاجه هتيجي

معايا ياعهد ولا هتسمعي كلامها

رقيه…بدموع سيبها الوقت يا ادهم اللي بيحصل ده

غلط بتخيروها ما بين ايه انتوا الاتنين انتوا اكيد اتجننتوا

ادهم…ردييييي علييا

سهام…اظن الرد وصلك يا ادهم.

بصلها ادهم بصدمه.

قام حسن وقف بحزن….احنا هنمشي يا سهام واتمني

تراجعي نفسك في القرار ده ولو غيرتي رايك احنا موجودين

ولو صممتي اي اتفاق اتفقته مع عاصم انا هكمله ومش

هرجت في كلامي يلا يا ادهم.

ادهم….عهد بصيلي ارجوكي

حسن… يلا يا ادهم..

ابتسمت ساره ابتسامه نصر.وخرجت مع ادم.

وخرج الجميع وراهم ركب ادهم عربيته وخرج من الڤيلا

بأقصي سرعه ومستناش حد ولا قال رايح فين.

وبمجرد ما خرجوا جريت عهد علي اوضتها وطلعت

بصت من الشباك شيفاه وهو بيسوق بجنون.

سندت أيدها علي الشباك وانهارت وفضلت تصرخ بكل

مافيها وكان الصمت اللي دام كتير جواها كان بدايه انفجار

اما سهام انهارت بمجرد ما خرجوا وبمجرد ما سمعت

صراخ عهد وانهيارها.
……………………………

وللحديث بقيه