تعاهدنا

وكل كيانها وفضلته عن كل رجال العالم ازاي تقدر تعدل

كفه الميزان وتطلع كسبانه …كانت معادله صعبه جدا

اول مره تتحط عهد تحت ضغط نفسي رهيب من يوم

وفاة والدها. اول مره تتحط وسط مقارنه بين شخصين

صعب انها تفاضل ما بينهم…بعد تفكير كتير واسئله

اكتر مقدرتش توصل عهد لاي إجابه عقلها وقف تماما

افكارها خلصت الرؤيه عندها اصبحت مشوشه

في داخلها صراع و دوشه وكان اصوات العالم بتتردد

جواها و بتصرخ مُعلنه الرفض لكن ليس بيدها اي شئ

خرجت عهد من تحت المياه لبست هدومها وراحت وقفت

قدام الشباك حطت كفها علي الزجاج و سندت جبهتها

وفضلت عينها معلقه علي باب الڤيلا منتظره حكم الاعدام

وبعد وقت بسيط حست عهد بقبضة قلبها لما لمحت

عاصم داخل بعربيته ووراه عربيه تانيه. وفي عربيتين

تانيين وراه تيقنت عهد فورا ان دول عربيات الجارد

بتوعه…عاصم كان من اكبر رجال الاعمال واغناهم

حتي ان ثروته تفوق ثروه عائله الشامي. بمراحل

وكأن العهد اللي خدته سهام علي ساره انها هتجوز

عهد من احسن واغني راجل في الدنيا صدقت فيه.

وقفت العربيات نزل منها عاصم ووالده ووالدته والعربيه

التانيه اخوه واخته وجوزها. وفضل الجارد واقفين علي

الباب.. شافت عهد والدتها خرجت لاستقبالهم بترحيب

كبير و بادلها الجميع نفس الترحيب وبعدها اختفوا

دخلوا بداخل الڤيلا.

فضلت عهد علي نفس وقفتها عشر دقايق وفجأه الباب

خبط ودخلت سهام شافتها واقفه سانده علي الشباك

قلبها كان بيتقطع علي عهد لكن كانت بتحاول تثبت

العكس…وتتظاهر بالقوه

سهام…عهد الناس جم تحت يلا عشان تنزلي تقابليهم

عهد…من غير ما تبص حاضر هنزل وراكي

سهام….تمام متتأخريش انزلي علي طول

هزت عهد راسها من غير اي كلمه تاني

…………………..
سهام….نورتوني يا جماعه والله.

فاتن والده عاصم….ميرسي يا سهام البيت منور بأهله

منير القاضي والد عاصم.

امال فين عروستنا ؟

سهام…جايه ورايا حالا حضرتك عارف بقي يا منير

باشا العرايس

منير….طبعا طبعا وعهد مش اي عروسه دي هتبقي

عروسه الغالي.

ثواني ونزلت عهد بخطوات حزينه و متثاقله.

كانت لابسه فستان بسيط جدا مش لايق علي

مناسبه اتفاق علي زواج بدون اي مكياچ هي في

العاده مابتحبش المكياچ ملامحها تنافس ملامح

ملكات العالم..واكتفت برفع شعرها علي هيئه ذيل حصان

ورغم انها معملتش فيه اي تسريحه لكن كان مغري