لقاء كـ،ـ،ـارثي
لقاء كارثي
أميره أسامه
صاحبة البطل الواحد
. البارت الثاني و السبعين .
…………………….
ايه كانت بتمر بأسوء لحظه في حياتها عاشت تجربه لحظه طلوع الروح من الجسد بس وهي عايشه
خدت قرار كانت مقتنعه بيه و شايفه انه هو ده الحل بس لما نفذته مكانتش عارفه انه وجعه هيبقي مؤلم اوي بالشكل ده صوت سلامه و نظرته و هو بيقولها انتي هتسبيني
دمروها اكتر ما هي متدمره كسرته اللي شافتها في عينه بعد ما قالها الكلمه دي و هي ردت و قالتله اه لاني مش هقدر اكمل في حياتها مش هتقدر تنساها التوهان اللي حس بيه بعد ما قالت كل كلامها
زودوا وجعها الضعف كانت حاسه انه مش معاها و لا حتي عرف يقولها لا و مش هتبعدي ولا هسيبك صدمه سلامه كانت كبيره مكانش متوقع ولا كان يجي في باله ان ايه تخلصها بالطريقه دي هو كان جاي و حابب يراضيها اتوجع لما شافها كانت معيطه اول ما دخل عشان كده مهانتش عليه و قرر يبدأ كلامه بإعتذار و شرح للموقف من الاول عشان تستوعب وجهة نظره هي سمعته بس اللي خلاه في حالة صدمه ان هي سابته يتكلم بس كانت مقرره انها تسيبه.
كان فاكر لما اتكلمت وقالت ان هي مش هتقدر تحط حدود بعد العمر ده ولا هتقدر تغير طريقه التعامل انها بتشرحلوا صعوبه موقفها كان بيسمعها و مستنيها تخلص عشان يلاقوا حل مع بعض بهدوء دموعها و زعلها كانوا واجعينوا و طول ماهي بتتكلم كان بيفكر في حل مؤقت
بس اتصدمت لما نهت كلامها بقلعها للخاتم في اللحظه دي كل الكلام اللي كان جواه اتبخر لا قدر يمنعها ولا قدر يشرحلها قرارها ده ممكن يعمل فيه ايه خد صدمته و ملقاش كلام يقولوا ..
فضلت ايه باصه علي ايدها من غير الخاتم و حاسه ان اللي حصل ده مكانش حقيقي اتمنت تكون بتحلم حلم سخيف او كابوس مزعج انهيارها مكانش طبيعي كانت واقفه تغسل في وشها و تعيط بوجع كانت حاسه بألم مش طبيعي في قلبها.
نفسها مش بيطلع بسهوله وفي ضيق تنفس و احساس ان الدنيا بتضيق عليها كان مرعب.
فضلت تعيط لحد ما استكفت غسلت وشها كتير و فضلت سانده علي البانيو و بعدين حطت الكاب بتاع السويت شيرت علي شعرها و خرجت بهدوء و مشيت مكانش معاها العربيه كانت مع تامر و ملبستش الاسكيت حطته في الشنطه و علقتها علي ضهرها و قفلت المكان ومشيت علي رجلها حاولت علي قد ما تقدر تهدأ مكانتش عايزه اي حد يتكلم معاها او يسألها سؤال واحد لانها مكانش عندها حاجه تقولها.
بعد وقت مش طويل اوي و صلت ايه تحت البيت ركبت الاسانسير و طلعت بهدوء خبطت علي الباب.
احمد…..ايوه جاي اهو فتح لقاها في وشه ابتسمت علي طول اهلا
ايه….احممم اذيك يا حبيبي
احمد….الحمد لله وشك متلج
ايه….اه الجو برد
احمد…..انتي ناسيه مفتاحك ولا ايه
ايه….اااا لا معايا بس في الشنطه
احمد….طيب يا حبيبتي جعانه طبعاً ربع ساعه بالظبط و يكون الاكل جاهز
ايه….ااا لا يا حبيبي انا كلت و شبعانه خالص
احمد….كلتي ايه و بعدين ما انتي راجعه علي البيت مستنتيش تاكلي معانا ليه
ايه…معلش بقي كنت جعانه اوي و طلبت اكل و مش قادره
احمد…..سابها وهو رايح علي المطبخ انا عارف بتاكلوا ازاي من اكل الشارع ده هو في احلي من اكل البيت
غمضت ايه عينها و هي بتتحامل علي نفسها قلعت الكوتشي و مشيت علي اوضتها و قبل ما تدخل فتحت سلمي باب اوضتها.
سلمي….يويو و حشتيني
ايه…..بابتسامه وانتي كمان
سلمي….ايه ده انتي مالك فيكي حاجه
ايه….لا مالي
سلمي….مش عارفه شكلك معيط او تعبان
ايه…لا خالص بس كان في شغل كتير و شعر الكلاب تعبني
سلمي……طيب بقولك ايه تعالي اختاري معايا البس ايه بكره انتي عارفه اني هروح مع حسان البطوله بتاعت هنا و مامتها و جوز مامتها هيكونوا هناك وانا محتاره تعالي و النبي ساعديني
ابتسمت ايه بهدوء
ايه…..طيب يلا
دخلت ايه معاها و قعدت علي حرف السرير بابتسامه هاديه و مصطنعه
سلمي….بصي بقي انا المفروض هخلص معاهم و بعدين هروح علي العياده و اكيد مفيش وقت ارجع علي البيت و بصراحه محتاره يعني مشوار للنادي و بدري محتاج لبس كاچوال و في نفس الوقت مش حابه اروح بلبس كاچوال علي العياده انا فكرت البس البنطلون ده و الچاكت ده و بصي الطقم ده كمان وشوفي ده بردوا انا هقيسلك وانتي اختاري
ايه كانت بصالها و مبتسمه و عماله تهز راسها و تعمل نفسها مركزه و تبص علي اللبس بس هي كانت غايبه خالص عن الوعي مش مع سلمي اصلاً
سلمي….انا حاسه اني عامله زي الهبله في الطبيعي مش بركز اوي علي اللبس بس مش عارفه ليه حاسه اني متوتره يمكن عشان هشوف طليقه حسان و لا انا باڤور
انتي ساكته ليه ما تردي انا جيباكي تسكتي
ايه…بهدوء ده حلو احممم و مناسب
سلمي…..طيب ايه رأيك اقيسه الاول و قرري
ايه هزت راسها و فضلت شارده و باصه علي الارض.
سلمي…..وهي بتغير بصراحه انا مكنتش حابه اروح يعني حاسه انها مناسبه عائليه بس مقدرتش ارفض لان هنا اللي طلبت اروح و كمان حسيت ان حسان عايزني اروح مرضتش ازعلوا و فنفس الوقت حاسه اني متوتره و مكسوفه يعني جوز مامتها وضعه زيي بس كمان هو متجوز مامتها الوقت و هنا عايشه معاهم فا الموضوع مش محرج بالنسباله زيي و المشكله ان دي اول مره هشوفها و بصراحه مش عارفه المفروض اتعامل ازاي حاسه اني هبله صح
ايه كانت في دنيا تانيه
سلمي….هو انا بكلم نفسي ردي عليا
ايه….معاكي يا سلمي خليكي طبيعيه و متتوتريش عادي يعني و كويس انك هتشوفيهم في مناسبه زي دي يعني لما تكون مناسبه عائليه احسن كتير ما تكون رسميه
سلمي….صح انتي معاكي حق انا موتره نفسي ليه اصلاً طب قوليلي ايه رايك
ايه….حلو اوي
سلمي….طيب معلش انا عارفه اني تعبتك و عايزه تروحي تغيري هقيس ده كمان و قولي رأيك
ايه….بابتسامه لا عادي فرجيني.
راحت سلمي تغير الطقم وصل تامر بره و راح لابوه المطبخ سلم عليه و سأل علي اخواته و عرف انهم في الاوضه.
راح بهدوء خبط خبطه و فتح علي طول من غير ما حد يأذن ليه زي ما هو متعود و بمجرد ما ايه لمحتوا سلمي راحت بسرعه علي جنب و ايه بصتلوا بغضب تلقائي من غير ما تحس بنفسها.
ايه….انت عبيط يا تامر اختك بتغير
تامر…..انا خبطت علي فكره
ايه….خبطت و فتحت مستنتش حد يقولك ادخل و بعدين انت واقف لسه ترغي بقولم امشي سلمي بتغير
تامر…..طب براحه امسكي مفتايحك كنت جاي اديهالك
حدفلها المفاتيح و خرج و سحب الباب وراه.
سلمي…..بهدوء مالك يابت طلعتي فيه كده ليه
ايه….هو ايه اللي طلعت فيه انتي واقفه تغيري
سلمي….طيب بس براحه شويه انتي عارفه ان تامر واخد علينا
ايه…..لا يبطل ياخد علينا بقي بعد كده
بصتلها سلمي باستغراب و سرحت شويه
ايه…وقفت بغضب و توتى اااا سلمي انا راحه اوضتي و الطقم الاول احلي و مناسب اكتر
سلمي….ايه انتي كويسه؟
ايه….اه يا سلمي كويسه الحمد لله
سلمي….امال انا ليه حاسه ان فيكي حاجه
ايه….قولتلك مرهقه و تعبانه و عايزه انام
سلمي….تنامي ايه مش هتاكلي ده انا اللي عامله الاكل
ايه….مش قادره والله يا سلمي انا كلت في الشغل جوعت و لاقيت نفسي هتأخر طلبت اكل يلا انا داخله اوضتي
سلمي….طيب يا قلبي ادخلي ارتاحي
ايه….بابتسامه هاديه اوك
خرجت ايه بهدوء و ىاحت علي اوضتها علي طول قفلت الباب و وقفت وراه و هي دموعها نازله
………………….
في منزل حنان
سلامه كان و ضعه نفس ايه كان قاعد مع اخواته و امه و مبتسم بس علي غير العاده هادي خالص
ريهام…..بضحك الراجل صوته مرعب و بيمشي نفس المشيه بتاعت العفريت اللي كان في فيلم اسماعيل ياسين
مصطفي….بمناسبة العفريت بقي انهارده حصل معايا موقف حسيت ان شعري وقف
حنان….ايه طلعلك عفريت و الله يبقي طلع لقضاه
مصطفي….استني بس بتكلم جد انهارده وانا نازل الصبح الاسانسير كان عطلان فا نزلت عادي علي السلم و انا نازل حسيت اني سامع صوت بصيت ورايا ملقتش حاجه قولت يمكن قطه نزلت كام سلمه سمعت نفس الصوت بس حاسه مش بعيد عني كأنه ورايا بالظبط
ريهام……استني السلم بتاعنا
عسال….بضحك منك لله دي فيها شهر صياح من ريهام
ريهام….ياعم استني انت بتهزر صح؟
مصطفي….ههزر في عفاريت انتي كمان المهم حسيت ان قلبي اتقبض فا قولت انزل بسرعه شويه و بعدين السلم مضلم و ساكت فا اول ماسرعت حسيت ان الصوت بيسرع معايا و ركزت في الصوت حسيت انه خطوات و صلت في الدور الرابع لمحت قدامي قطه سوده قولت بس في حاجه غلط كده وانا احساسي صح ده عفريت وش بقيت عمال اقرأ قران في سري نزلت كام سلمه و عايز اعدي من جنب القطه و الله والله حسيت و انا بروح علي الحيطه و بلزق في السلم عشان ابعد عن القطه اني لمست جسم بني ادم بس مش متشاف في الوقت ده انا قلبي كان هيقف مش عارف اطلع اجري علي فوق ولا اخدها جري علي تحت جسمي اتشل و لاقيت نفسي بقرأ قران بصوت عالي كام ثانيه كده لاقيت القطه جريت علي تحت بقيت انزل بسرعه و انا عمال اقرا بصوت عالي لحد ما لمحت مدخل العماره و النور ظاهر قدامي و الناس بتتحرك عادي قدام البيت جريت علي بره و بس صحيت من النوم.
ضحك سلامه غصب عنه ضحكه هاديه
عسال….حدفه بالمخده يا شيخ انعل ابو شكلك اندمجت معاك
ريهام…..والله يا مصطفي انت ما شوفت تربيه قامت من مكانها تضربه و هي متعصبه منه هو انت فاكر يا حيوان بعد ما قولت انه حلم انا هفكر انزل من السلم اصلا
عسال…..بضحك انا قولتلك فيها صياح
مصطفي….بضحك طب والله انا مكدبتش في حاجه بس هو كان كابوس ابن جزمه كويس اني صحيت منه قبل ما اغرق السرير
عسال….بضحك ياريتك ما صحيت عشان كنت زفيتك
حنان….طب ليه يا ابني كده هي الهبله دي حد يقول قدامها الكلام ده حتي لو بهزار دي بتخاف من خيالها
عسال….بص لسلامه و ضحك عاجبك كده
سلامه…..بابتسامه وهو ساند راسه و مربع ايده والله فكرته بيتكلم جد اصل الصبح فعلا الاسانسير كان واقف شويه لما نزلت قبلك و قولتلك هروح اجيب سجاير لحد ما تخلص كنت عمال ادوس و لاقيته فاصل الشاشه مكانتش منوره
مصطفي….بااااس يبقي الحلم اتحقق و لما كنت بحلم كان الاسانسير عطلان بجد دي اشاره
عسال….يا ابني اسكت البت هتموت جنبك
ريهام…..والله العظيم ما عارفه ازاي هنام في اوضتي لوحدي
عسال….عاجبك كده عارفه يا ريهام ده عقابه ايه
ريهام….بابتسامه خوف ايه
عسال….ناخده نطلعه بره و نرميه علي السلم
ريهام….صح
حنان…..والعفاريت هتعمل بيه ايه ده هيزهقهم في عيشتهم
سلامه….بابتسامه طيب انا هسيبكم بقي مع عفاريتكم عشان فصلت علي الاخر
مصطفي…..قول هكلم ايه مش لتزم فصلت والكلام ده عيب
حدفه سلامه بالمخده و بص لحنان
سلامه….خدي بكره اجازه من الاكل و التنضيف و ربيه شويه
حنان….بضحك وده يوم هينفع معاه بردوا
ابتسم سلامه بهدوء.
سلامه…..تصبحوا علي خير
الجميع….وانت من اهله
حنان…..انا كمان هقوم اريح شويه في الاوضه لحد الفجر
ريهام….انا جايه معاكي
حنان….يا بت اعقلي و اكبري
مصطفي….بضحك وانتي بتنامي علي السرير هتلاقي العرفيت نايم جنبك
ريهام….انا جايه معاكي
عسال….بضحك ابو شكلك يا شيخ
حنان….اقول عليك ايه يا مصطفي الله يهديك يا ابني دي نومها وحش
هنام معاها ازاي دي
مصطفي….بضحك.يلا تصبحوا علي خير
عسال…بضحك ما طبعاً خلصت مهمتك يا جزمه
ضحكوا و قاموا كلهم عشان يناموا مشي عسال في الكرقه و راح خبط علي اوضه سلامه.
سلامه….ادخل يا ميدو
عسال…..بص عليه بابتسامه هاديه انت شايفني ولا ايه
سلامه…..بابتسامه لا عارف خبطتك
عسال….خلاص هغيرها و اخبط زي مصطفي
سلامه….طب و ده بيخبط و يستني ده بيدخل زي الثور
عسال….هتقولي ده بيدخل عليا و يفتح النور و يقلب في حاجتي ولا كأني نايم
سلامه….بصلوا بهدوء هو بيفتح كده علي ريهام وهي نايمه
عسال….لا طبعاً لا ريهام ولا ماما كنت حدفته من فوق هو عايش بالدراع معايا انا وانت بس المهم قولي انت مالك
سلامه….مالي زي الفل
عسال…..عيب عليك طيب بلاش انا ده انا حافظك
سلامه….مفيش صدقني مزاجي مش رايق بس و معرفش من ايه
عسال….انت من الصبح و انت كده اصلاً متخانق مع يويو ولا ايه
سلامه…لا خالص كله تمام
عسال….ماشي يا عم عموماً انا مش هضغط عليك بس انت عارف يعني لما تحتاج تتكلم هتروح لمين
سلامه…..بابتسامه اكيد هجيلك متقلقش بس صدقني انا تمام يمكن عشري واحشني و عايز اطمن عليه بعد ما عمل العمليه يمكن رشيد كمان حاسس اني مفتقده حسان ملخوم اليومين دول شكلي كده وحشني قعدتنا
عسال….والله العظيم وانا كمان عشري واحشني اوي بس ان شاء الله قريب نتجمع كلنا المهم فك عشان دمك تقيل و مش بحب اشوفك كده و الغلبانه اللي في رقبتك دي ملهاش ذنب تشوف بوزك ده
ابتسم سلامه بهدوء و هو بيحاول يداري الحزن اللي جواه
سلامه….ماشي يا عم ميدو
عسال….يلا تصبح علي خير يا سلامه
سلامه….وانت من اهل الخير يا حبيبي
خرج عسال بهدوء و راح علي الاوضه بتاعته و فضل سلامه قاعد جواه حزن الدنيا كله لا عارف يقول لاي حد المشكله اللي حاصله بينه و بين ايه ولا حب يقول انها وصلت ان ايه تسيبه و خد قرار من جواه انه ميقولش لحد ما يعرف هيحصل بينهم ايه او يشوف هي هتعمل ايه او تقول ايه مكانش حابب يدي مساحه لاي حد انه يتدخل بينهم لانخا كمان مكانتش مشكله عاديه دي مشكله كبيره ولو محدش قدر يفهمه صح هيفتح علي نفسه نار من كل الاتجاهات اولاً هيبقي في شرخ بينه و بين اهلها مكانش حابب يخسر احمد لان احمد بيحبه بحد و علاقتهم كانت تجنن مكانش حابب سلمي لو عرفت تزعل في النهايه ده اخوها و جايز لو حسان عرف يأيده و تأيده ده لوحده ممكن يزعل سلمي من حسان و كده مش هيبقي زعلهم منه او خسرهم او عمل شرخ بس ده كمان ممكن يوتر العلاقه بين سلمي و حسان مكانش حابب يخسر علاقته بتامر او يوترها رغم انه مضايق منه جداً و لا كان قادر يقول قدام اهله عشان علاقته بعسال متتوترش خاف ان عسال ياخد الموضوع عليه خاف انه يمشي من البيت مكانش عنده استعداد يخسر اخوه مهما حصل او حتي يلمح في عينه انه الموضوع بيسمه هو كمان.
دماغه كانت عامله زي المكنه مش بتقف موجوع من تصرف ايه و مصدوم و مش متوقع ابداً انها تخلص كده و عقله كان عمال يعيد مشاهد كتير بين ايه و تامر و بدأ يراجع كل حاجه حصلت قدامه من تامر سواء مواقف كلام ضحك هزار حتي نظرات عينه بقي يفتكرها وبقي عمال يهز في راسه برفض عايز يفوق و عايز يوقف تفكير
محسش بنفسه غير و هو بيمسك الموبايل و بيتصل علي ايه كان عارف انها مضغوطه و خدت قرار متسرع بس عارف كمان انها بتحبه كان زعلان منها انها بسهوله كده اتخلت عنه بس قرر يعاتبها بعدين
اتصل عليها رن جرسين و بعدين كنسلت عليه اتصلت تاني كنسلت
بعتلها رساله..
سلامه….ردي عليا عايز اطمن عليكي ردي و بطلي شغل العيال ده انا صحيح زعلان منك اوي عشان هونت عليكي بس احما متفقين لو انا اللي زعلان هصالحك ولو انتي اللي زعلانه هصالحك بردوا اعمل ايه بحبك…
بعتلها المسدچ و بمجرد ما شاف انها شافت واستلمت الرساله اتصل تاني و اداله مشغول بص بتركيز و رجع اتصل اداله مشغول
سلامه….بصدمه مستحيل يا ايه تكوني عملتي كده.
بعتلها تاني علي الواتس
سلامه….اوعي تقولي يا ايه اني هونت لدرجه البلوك
شافت الرساله وهي منهاره من العياط و مردتش عليه عملتلوا بلوك علي الواتس كمان
بعتلها رساله تاني
سلامه….ايه ردي عليا انتي عملتيلي بجد بلوك يعني كده خلاص بتخرجيني من حياتك بالسهوله دي
بعت المسدچ وعلمت قدامه علامه واحده عرف ان هي عملتلوا بلوك كمان علي الواتس صدمته بقت صدمتين حس كأنه اتخبط علي دماغه مكانش مستوعب و لا فاهم ان ايه بالسهوله قفلت الموضوع بينهم.
فضل قاعد باصص للموبايل و هو في حاله من عدم الاستيعاب.
…………….
اليوم مر بهدوء علي بعض و سعاده علي البعض و وجع علي البعض..
و مع بداية نهار جديد صحيت أيه بدري كانت عايزه تنزل علي الشغل قبل ما حد يصحي مكانش ليها مزاج او نفس تتكلم خالص ولا كانت قادره تمثل انها كويسه قضت الليل كله عياط و حزن و وجع.
خرجت بره بهدوء لمحت تامر لابس و قاعد معاه ورق كتير اوي بيرتبه و بيجهزه.
ايه….صباح الخير
تامر…..صباح النور انتي نازله بدري كده ليه
ايه….عندي شغل و المحل محتاج ترتيب شويه فا قولت انزل اجهزه قبل ما ابدأ
تامر….طيب استنيني ربع ساعه و اوصلك
ايه….لا لا انا هنزل بقي عشان الحق اخلص انت محتاج العربيه و لا عريتك اتصلحت
تامر….لا لا هاخد اوبر عربيتي هاخدها انهارده
ايه…..طيب خد عربيتي امسك المفتاح انا مش محتجاها
تامر….لا شكراً مش عايز
ايه….ده ليه يعني؟
تامر….عادي مش بتكلم معاكي اصلاً
ايه…ليه؟
تامر….عشان طريقتك معايا امبارح
ايه….اااااه طيب وانت شايف اني غلطانه مش انت يعني اللي غلطان
تامر….ياستي حتي لو غلطان انتي مشوفتيش كنتي متعصبه ازاي و بعدين انا اول مره يعني اتعامل معاكم كده يعني انتي عمرك ما اعترضتي و علي فكره انا خبطت
ايه….لا بس يعني هي مكانتش قاعده عادي كانت بتغير هدومها و انت المفروض تخبط و تستني لما نقولك ادخل
تامر….تمام يا ايه حاضر حلو كده
ايه….طب امسك المفتاح وبلاش شغل العيال ده
تامر….بابتسامه علي فكره انا لما زعلتك صالحتك يعني المفروض تصالحيني
ايه….بابتسامه خير عايز ايه
تامر….في لاب توب من ابل نازل جديد وانا كنت عايز اجيب واحد عشان شغلي
ايه…اااه اللي معدي ال100 الف ده
تامر…..بضحك مش خساره فيا اكيد
ايه….بابتسامه ان شالله عنك ما اتصالحت و خليك زعلان و هاخد كمان عربيتي
تامر….بضحك لا لا خلاص هاتي المفتاح متبقيش رخمه
ايه….وفين الكرامه
تامر…..بضحك يعني شغل بمشي حالي عشان اتصالح
ايه….طب امسك و قولي عايز ايه غير اللاب توب طبعاً
تامر….بضحك لا يا ستي انا بهزر مش عايز حاجه و بعدين انتي لاقيه تاكلي
ايه…..لاقيه اكل ده انا اوزنك فلوس يالاااا
تامر….قد الدنيااااا
ايه….يلا باي
تامر…..طب اربطي الشوز يا هبله
ايه….كده كده هقلعوا تحت عشان البس الاسكيت
تامر….ماشي يا ستي يلا علي مهلك
ايه….باي.
خرجت ايه ركبت الاسانسير و نزلت علي تحت خرجت بره المدخل و راحت علب عربيتها عشان تسند عليها و تلبس الاسكيت سابت الشنطه بتاعت ضهرها و لسه هتوطي و تقلع الشوز سمعت صوت فرمله قدامها
بصت لقت سلامه وقفت اتسمرت في مكامها كان واقف مستنيها من الساعه تسعه الصبح عشان يلحقها لانه كان هيتجنن
وقفت تاني و مكانتش عارفه تعمل ايه تمشي من قدامه بسرعه وتاخدها مشي ولا تطلع علي فوق ولا تفضل في مكانها و الحقيقه انها وقفت في مكانها مقدرتش اصلا تتحرك و خافت من الغضب اللي كان في عينه
نزل سلامه وقرب منها بغضب..
بصتلوا و حضنت شنطتها و هي عينها رايحه جايه
سلامه…..اركبي
ايه….ااا لا مش هركب
سلامه….اركبي عشان مفقدش اعصابي و اصحي الناس كلها
ايه….ايه انت عامل فيها بلطجي عايز مني ايه امشي يلا و بعدين انت واقف هنا بصفتك ايه اصلا انت مبقتش خطيبي
سلامه….طب اركبي يا ايه و اتقي شري
ايه…..طب مش راكبه واللي عندك اعملوا
سلامه….اللي عندي اعملوا ده هكسر عضمك و عضم اهلك و عضم اللي يتشددلك انتي يا بت اتهبلتي في دماغك انتي بتعمليلي انا بلوك
ايه….ااا اه عادي هو احنا مش سيبنا بعض يعني خلاص مبقاش في بينا حاجه
سلامه…..طب و العيش و الملح و الايام الحلوه اللي عيشناها مع بعض كا صحاب قبل ما نكون حبايب و في بينا ارتباط كل ده عندك عادي و لا انا اللي عندك رخيص يا ايه
بصتلوا ايه بهدوء و بصت في عينه
سلامه…..ايه انا بجد حاسس اني مخبوط علي راسي مستحيل تكوني انتي ايه اللي حبيتها ازاي انا طلعت عندك رخيص كده و ازاي انتي طلعتي بتستغني بسهوله كده دي تقريباً اول مشكله بينا و انا البي صح مش انتي بس انا عشان مقدر الموقف اديتك عذرك و جعتيني لما قلعتي خاتمك بسهوله كده بس قولت معلش هسيبها شويه اتصدمت و معرفتش اقولك اي حاجه بس عشان انا مش زيك يا ايه مهونتيش عليا اتصلت بيكي و بعتلك رسايل و انتي عملتي ايه بلوووك ياريت حتي رديتي قبلها لا ده بلوك علي طول
بس انا مضطر اني اكون عاقل و معملش عقلي بعقلك لاني لو صغرت عقلي يا ايه انتي اللي هتزعلي بس انا لحد الوقت بقنع في نفسي اني بتعامل مع عيله صغيره لما بتزعل و تتقمص بتعمل بلوكات زي المراهقين
ياريت تركبي و تعقلي و خلينا نروح نتكلم زي اي اتنين عاقلين و امسكي
طلع من جيبه الخاتم بتاعها البسي في ايدك و بلاش هبل
ايه….سلامه احنا خلصنا كلامنا امبارح و بعدين انتي مشيت يعني وافقت علي اننا نسيب بعض جاي زعلان ليه الوقت
سلامه….انا مشيت عشان لو كنت قعدت قدامك كنت هقتلك يا ايه مشيت عشان فجأه الكلام اختفي من لساني و اتصدمت من رد فعلك السهل و السريع ملقتش حاجه اقولها لما لاقيتك بالسهوله دي بتقلعي الخاتم معرفتش المفروض اعمل ايه او اقولك ايه لان دي كانت اخر حاجه اتوقعها منك ايه انتي محاولتيش حتي تتناقشي معايا بهدوء و تقنعيني او تدوري معايا علي حل مع اني يعني اديتك الحل و طلباتي كانت بسيطه و التغيير يجي منك انتي و من غير ما نعمل مشكله او حوار او حتي نضايق تامر
بس لا انتي استسهلتي و شوفتي قدامك رخيص و بعدين انتي مطلعتيش قد كلمتك يا ايه انا كنت علي اخري اول امبارح و قولتلك سبيني هتزعلي مني قولتيلي مش هزعل قولتلك لا هتزعلي و هتركبيني الغلط و بلاش نتكلم واما مضايق قولتي لا مستحيل و انا صدقتك و قولتلك اللي مضايقني كله بس انتي عملتي ايه زعلتي و خدتي موقف و مطلعتيش قد كلامك و مع ذلك قولت حقها هي بردوا غصب عنها بس توصل انك تقلعي الخاتم و تنهيها ببلوكات يا ايه
ايه…..عشان خلصت كلامي يا سلامه عشان قولتلك كل اللي عندي عشان مهما قولت انت مكنتش هتقتنع و لا هتوافق و لو عملت كده هيبقي غصب عنك و مع كل موقف يجمعنا بتامر هيبان عليك و حياتنا هتبقي نكد في نكد
سلامه…..يا غبيه تامر انا بقيت اشوفه اكتر ما بشوفك و لما بيكون فاضي في اي وقت و قريب مني او من حد من الشباب بيروح و بيسلم حتي لو انا مش موجود تامر لحد امبارح بعد المشكله انا شوفته و قعدنا مع بعض شويه و بعدين سيبته مع ميدو و جيتلك يعني لو كان في اي رد فعل او سوء نيه من ناحيتي ليه كان قالك او كان حس و سألني ليه بتتعامل معايا كده بس انا معملتش كده يا ايه ولا هعمل
ايه….طب انت عايز ايه الوقت يا سلامه
سلامه….اركبي عشان نتكلم مع بعض شويه
ايه…..معنديش كلام اقوله يا سلامه انت هتفضل مقتنع اني صح و انا كمان هفضل مقتنعه اني صح و بعدين يعني الموضوع خلص وانا اتكلم مع بابا و مع اخواتي و عرفوا اننا سيبنا بعض
سلامه….بصلها بصدمه يعني ايه ؟
ايه…..يعني خلاص الموضوع خلص و الكل عرف
سلامه….كل مين اللي عرف يا ايه اذا كان انا مش طايقك و معرفتش مخلوق لاني اعتبرت اللي عملتيه ده لحظه غضب و رد فعل اهبل بس انتي ماشاء الله سرعه في انهاء العلاقه سرعه في اذاعه الخبر سرعه في البلوك مش بقولك طلعت رخيص اوي يا ايه و خدت قلم منك مخدتوش في عمري كله من اي مخلوق.
بصتلوا ايه بحزن عينه كانت كلها لوم و عتاب و وجع و كسره.
نزل في الوقت ده تامر و قرب منهم
تامر…..انتي لسه هنا انا كنت جايلك المحل خدي موبايلك يا مسطوله نستيته سلااامه صباح الفل
ابتسم سلامه بهدوء و سلموا علي بعض .
تامر….بابتسامه ايه واقفين كده ليه و بعدين مالكم انتوا زعلانين ولا ايه؟
بص سلامه علي ايه باستغراب
ايه….ااا لا هو بس متعصب مني عشان موبايلي مقفول من امبارح
سلامه بصلها بهدوء و سكت و عرف انها لا قالت ولا عملت و بتضحك عليه
تامر….ياعم الموضوع بسيط بلاش نكد بقي علي البت و بعدين زعلان انه مقفول اهي كانت نسياه
سلامه….بأبتسامه عشان مسطوله زي ما قولت
تامر….بابتسامه فك يا عم بقولك ايه اوعي تزعلها هتدبسك في عزومه اسمع مني
سلامه….بضحكه هاديه اه ما انا عارف مفتريه تزعل نصالح تزززعل بردوا نصالح
تامر…..ياعم تعيش و تزعل احنا لينا غيرها
سلامه….بهدوء لا طبعاً
تامر…..بقول ايه انا هطير انا بقي عشان عندي شغل مش هوصلك بردوا بعربيتك واكسب فيكي ثواب
سلامه….لا خليها عليك المرادي انا هوصلها روح انت شغلك
تامر…..ماشي ياعم سلامه يلا يومكم جميل سلام يا يويو
ايه….بابتسامه باي
راح تامر علي العربيه بصلها سلامه بهدوء بصت بسرعه بعيد و هي بتضيق عنيها.
سلامه….ايه مش كنتي لسه من ثواني بتقولي انك عرفتي الكل اركبي
ايه….ااااا مش راكبه و امشي من قدامي و اللي بينا انتهي
سلامه…..بهدوء طيب يا ايه خليني اشوف اخرتها معاكي
ايه….سلامه لو عايز الموضوع ده يخلص بجد فا انا عندي شرط عشان يخلص
سلامه….شرررررط حلو كمان بتتشرطي عليا عشان ست الحسن توافق انها تفضل معايا خير ايه شرطك
ايه…..كل الكلام العبيط اللي قولته ده تنساه خالص و ترجع زي ما كنت و متدخلش في علاقتي بتامر لانه اخويا بمزاجك او غصب عنك هو اخويا يا سلامه نهزر بقي نضحك نعمل اي حاجه مش هتيجي بعد العمر ده كله و تخليني احط حدود بيني و بينه زي ما انا مش بتدخل في اي حاطه تخصك بينك و بين اهلك انت كمان متدخلش في حاجه تخصني بيني و بين اهلي و مش بس كده لو صادفت و اتقابلنا اتجمعنا تكون عادي و ميبانش علي وشك اي اعتراض و تتقبل حياتي زي ما هي قولت ايه
سلامه…..مش عايزه حاجه تاني مع الاوردر
ايه….انت بتتريق
سلامه….ده اقل واجب و احسن كتير بدل ما اقتلك الوقت في ايدي بصلها بغضب انا مش بس طلعت رخيص في عينك يا ايه ده انا طلعت خــ…..
بصتلوا ايه بصدمه و اتوترت
سلامه…ايه؟؟ الاريال قدامك مظبوطه ولا عايزه ظبط زوايا هو انتي بجد يا ايه ممكن تحترميني لو وافقتك علي شروطك دي ؟
طيب انتي متخيله اني عشان ارضيكي ممكن اعمل كده تفتكري انا هحترم نفسي لما اقبلها عليكي لا يا ايه انتي للاسف فهماني غلط خالص اسمعيني كويس اللي قولته هيتعمل و بكل هدوء و هتحطي حدود بطريقه ترضيكي و ترضيني و متجرحش تامر و بما انك مقولتيش لحد يبقي انتي لسه جواكي حاجه ليا و انا ياستي هعتبر نفسي مسمعتش اي حاجه عشان بس طلعتي جدعه و متكلمتيش في الموضوع انا هسيبك يا ايه تفكري و تفكري بعقل مش بغباء و خلي يا ستي البلوك زي ما هو تمام و انا مستني يا ايه قرارك و اتمني انك متصغرنيش لدرجه ان ابوكي يعرف منك انك مش هتكملي و ميعرفش مني لان انا دخلت بيت الراجل ده بالاصول و حقه عليا لو هسيبه بردوا يكون بالاصول اتمني كمان تفكري بعد كده قبل ما تتكلمي لانك لو فكراني الراجل اللي يقبل بالغلط و يقبل بشروط مش مقتنع بيها تبقي غلطانه و يوم ما اعملها لازم تتأكدي اني لا بحبك و لا بخاف عليكي و لا بغير فكري و مستني ردك سلام يا ايه ..
سابها وراح ركب عربيته و مشي بغضب في لحظه من قدامها.
وقفت ايه باصه عليه و هي بتاخد نفس طويل و بعدين بصت للسماء
و مسحت دموعها بسرعه و بعدين راحت علي المحل
………………
علي الساعه اربعه العصر قابلت سلمي حسان و راحوا مع بعض علي النادي مكانتش حاسه براحه لان طبيعه سلمي علي قد ماهي عشريه بس كمان مش بتعرف اوي انها تاخد علي اي حد و توترها كان اكبر لانها هتقابل علا طليقته لاول مره كان في بالها طول الوقت كلام احمد معاها لما قالها هتقدري تتأقلمي علي وضع حسان هتقبلي انه يكون لسه علاقته بطليقته مستمره عشان بنته
مش هتحسي بالغيره منها و يحصل بينكم مشاكل بسببها
كانت طول الوقت بتفكر في الكلام ده كله و من جواها الموضوع لا كان غيره ولا عدم قبول لطليقته قد ما كانت حاسه ان المقابله الاولي بالنسبالهم هتبقي حاله غريبه اول مره تعيشها.
حسان….حبيبي يلا وصلنا
سلمي….بابتسامه اوك يلا
نزل حسان بهدوء و هي فتحت و نزلت قفل العربيه و حط النضاره علي عينه و مدلها كفه
مسكته بهدوء و دخلوا علي جوه
سلمي….هي هنا هتبدأ امتي ؟
حسان….الماتش بتاعها الساعه خمسه يعني كمان ساعه الا ربع بالظبط ايه عايزه تمشي من الوقت
سلمي….لا خالص بسأل بس
حسان….انتي المفروض تكوني في العياده امتي؟
سلمي….سبعه يعني انا عندي من سبعه لعشره انهارده او تسعه ونص حسب يعني
حسان….طيب لسه شويه هنكون خلصنا باذن الله
سلمي…..تمام يا حبيبي
مشيوا علي المكان اللي هتتعمل فيه البطوله و دخلوا.
حسان…..علا وشادي هناك اهم
مشيوا ناحيتهم و دخلوا عليهم
حسان….مساء الخير
شادي….اهلااااا ازيك يا محمد
حسان…..بخير يا حبيبي انت اخبارك ايه.
شادي….زي الفل
حسان….ازيك ياعلا
علا…..هاي يا محمد انت عامل ايه
حسان….بخير الحمد لله اعرفكم علي سلمي بص لسلمي علا و شادي
شادي…..اهلا بالعروسه اخبارك ايه؟
سلمي…..بابتسامه ميرسي انا تمام الحمد لله
علا….هاي يا سلمي اخبارك ايه
سلمي….هاي يا علا تمام الحمد لله بالتوفيق لهنا ان شاء الله
علا….ميرسي مبسوطه انك جيتي هنا هتفرح اوي واضح انها بتحبك جداً
سلمي….ياروحي انا كمان بحبها اوي ربنا يخليهالك و تقومي بالسلامه
علا….ميرسي يا سلمي عقبالك انتي ومحمد ان شاء الله
سلمي….بابتسامه حبيبة قلبي تسلمي
شادي….تشربوا ايه احنا بنشرب نسكافيه
حسان…..تشريي ايه يا سلمي ؟
سلمي…اااا اوك نسكافيه
حسان….وانا قهوه
شادي….بص علي العامل اللي عمال يلف كل شويه و نادي عليه و طلب منه و بعدين قعد ايه الاخبار
حسان…كله تمام ايه هنا مش باينه يعني
شادي….كان معانا قبل ما توصلوا بعشر دقايق
علا….الكوتش بتاعها نادي عليها تقريباً بيعرفها بقي تعمل ايه و بيتكلم معاها يعني سألت عليك من بدري فين بابي هو بابي اتأخر ليه
حسان….والله ما اتأخرت انا يادوب صحيت و روحت جبت سلمي و جينا علي طول المهم طمنوني هي كويسه ولا متوتره
شادي….بابتسامه متوتره جداً
علا…..اه اوي و كل شويه تقولي بطني بتوجعني.
حسان….يا عمري هي عشان اول مره اكيد خايفه طيب هي مش هتيجي تاني ولا خلاص كده
علا….والله مش عارفه بس هي عارفه احنا قاعدين فين يعني ممكن تيجي قبل الماتش بتاعها عشان تطمن حتي انك جيت انت و سلمي
ابتسمت سلمي بهدوء وكان كل اللي شاغل بالها ازاي حسان انفصل عن علا كانت زي القمر و ست حلوه جداً مفيهاش غلطه
شادي….بابتسامه علي فكره هي مسألتش عنكم بس هي طول الوقت تقول جدو احمد هيجي ولا لا
سلمي…..بضحكه هاديه يا عمري والله هو باعتلها السلام
علا….علي فكره هنا حبيته جداً و هي عموما مش بتجسب سيرة حد كتير الا لو بتحبه
سلمي…..بابا كمان بيحبها اوي والله هو كمان باله طويل اوي مع اللطفال و هنا ماشاء الله عليها تجنن فا بيلعبوا مع بعض بقي .
شادي…دي علمتني سحر كمان علي فكره و قالتلي جدو اللي علمني
سلمي….بضحك اه كان بيلعب معاها
حسان….هما يجننوا مع بعض و هنا اندمجت معاه جداً
علا…..ربنا يديه الصحه و يخليه ليكي
سلمي…..امين يارب انتي قربتي خلاص
علا….بابتسامه اه خلاص هانت كلها اسبوعين واولد
سلمي….ربنا يقومك بالسلامه انتي و البيبي يارب
حسان….بابتسامه ايه يا شادي لسه مسستقرتوش علي الاسم
شادي….بضحك بننتك مجننانا معها كل يوم تطلع باسم و مصممه هي اللي تسمي اختها
سلمي….هي مبسوطه اكيد
علا…..اه جداً و متحمسه اوي بس انا بصراحه متوتره يعني مش عارفه هيكون رد فعلها ايه
سلمي….لا عادي هتبقي فرحانه و بعدين هنا ماشاء الله كبيره يعني لا هتحس بغيره ولا هتحس ان البيبي خدتك منها
علا….هي لحد الوقت متحمسه معرفش بقي رأيها.هيتغير بعد ما تشوفها ولا لا
سلمي…لا لا اكيد مش هتغيرأ رأيها
علا….انتي دكتوره يا سلمي صح
سلمي….ايوه دكتورة اسنان
علا….براڤو و ناويه تكملي اكيد بعد الجواز
سلمي….بابتسامه يعني اكيد ده شغلي
شادي….يعني تبقي دكتوره قد الدنيا و هتقعد
علا….بابتسامه اكيد لا بس معرفش هي و محمد متفقين علي ايه
حسان….ولا اي اتفاق طبعاً ده شغلها و كيانها و مستحيل اشجعها انها تسيبه اصلاً كمل بضحكه تجنن و بعدين هقرف مين في العياده كل شويه
شادي….بضحك ااااه مين قدك مراتك هتبقي دكتوره يعني رايح جاي براحتك علي العياده
علا….بصراحه انا بترعب من دكاترة الاسنان
سلمي….بابتسامه والله الناس واخده عن دكاترة الاسنان صوره مش حلوه بسبب الادوات انا معاكم انها مرعبه و مزعجه بس ادينا مش تقيله اوي
حسان….علي فكره سلمي شاطره جداً و اديها خفيفه اوي
شادي….لا معلش احنا عايزين حد يحكم بجد و يبقي غريب انا مليش في التطبيل
حسان….بضحك لا والله مش بطبل انا اصلا بترعب بجد من دكاترة الاسنان و عملت معاها من فتره بسيطه حشو عصب و محستش بأي حاجه
علا…..لا ادام محمد قال اديها خفيفه تبقي خفيفه هو حقيقي بيخاف اوي
حسان….بابتسامه اهو شوفت
شادي…..طيب يبقي نجرب بقي
سلمي….بابتسامه تنورني طبعاً
فضلوا يتكلموا و يهزروا بس غصب عنها حست بالغيره من كلام علا انها عارفه انه بيخاف غيرتها كانت مش في محلها اوي بس هي ست في النهايه و الغيره اساس الحب و فكرة اني اشوف ست كانت مرات حبيبي و عاشت معاه و نامت في حضنه و علي سريره مجرد التفكير فيها بيخلي الست تغير بالرغم من انها كانت شايفه علا لذيذه جداً شادي كمان كان مرح و اجتماعي و الاهم ان علاقتهم بحسان فعلاً هاديه وعاديه و غير معتادة كانت معاهم بس عقلها عمال يروح و يجي و مش شاغلها غير ان حسان ازاي سابها و ليه هي باين عليها لذيذه غير انها زي القمر ازاي علاقتهم حلوه اوي كده كأمهم صحاب و اهل و لما كانوا متجوزين كان في بينهم برود و مقدروش يكملوا.
كل ده كوم و نظرات علا ليها كانت كوم تاني سلمي كانت حاسه ان علا طول الوقت مش بتشيل عينها من عليها كل ما تبص ناحيتها تلاقيها باضه عليها و تبتسم و هي تبتسملها
سلمي….كانت حاسه بتوتر بس حاولت علي قد ما تقدر انها تتأقلم مع الجو شويه.
حسان….بهدوء ايه يا حبيبي ساكته ليه
سلمي….بأبتسامه خالص معاكم
حسان….حاسس انك مش مبسوطه
سلمي….بالعكس والله اصلا جو التمارين و البطولات وحشني اوي افتكرت زمان لما كنت بتمرن سباحه انا و تامر و ماما تيجي معانا و تفضل قاعده قدامنا
حسان….بابتسامه ربنا يرحمها
سلمي….يارب
حسان…..طب ايه روق يا قمر و بلاش نفتكر حاجه تزعلنا
سلمي….بضحكه جميله لا والله خالص انا مش زعلانه بالعكس انا حنيت للايام دي مش اكتر و بعدين انت عارف اني مش بحب الدوشه فا بقالي كتير مقعدتش في مكان زحمه و دوشه كده بس مبسوطه والله
هنا…..بااااااابي سلمييي
حسان…..ياعمري انا علي احلي بطله في الدنيا ايه الحلاوه دي.
سابته هنا و خرجت من حضنه وقربت من سلمي حضنتها
حسان….بضحك شايفين هربت بسرعه ازاي ملحقتش اخد حضن انا علي فكره
سلمي….بضحك لا خلاص بقي هي جات عندي وحشتيني قد.الدنيا
هنا…..انتي كمان وحشتيني اوي و مبسوطه انك جيتي
سلمي….مش انا وعدتك يعني اكيد هاجي قوليلي بقي متحمسه و مستعده
هنا…..ايوه
سلمي….طب ايه خايفين ؟
هنا…..ايوه خايفه
سلمي…اوعي تخافي ابداً في بطله تخاف
هنا…..لا بس انا مش بطله لسه
سلمي….بس لو عايزه تكوني بطلع لازم متخافيش الابطال مش بيخافوا عشان كده لو عابزه تكوني بطله مينفعش نخاف
هنا….بس في ناس كتير اوي و انا بطنؤ بتوجعني
سلمي….ياعمري لا خالص الناس دي كلها هتشجعك و هتشجع زمايلك اللي هيلعبوا و بعدين انتي لازم تكوني قويه و متخافيش خالص و اوعي تبصي علينا عشان تعرفي تركزي
شادي…..بضحك سمعتي يا هنون من بدري بقولها كده لان هي علي طول في وسط تمرينا تلف و تبص تتأكد احنا قاعدين ولا لا
حسان….لا هنا اوعي تبصي علينا عشان تفضلي مركزه و بعدين احنا مش هنتحرك من هنا خالص اتفقنا يا بطله
هنا….اوك اتفقنا
سلمي….علي فكره في هديه حلوه جداً مستنياكي بمناسبة اول بطوله دي
هنا…..طيب ولو مكسبتش
حسان….بضحك انتي بتضمني حقك
سلمي….ولو مكسبتيش بردوا هتاخديها عشان كنتي قويه و مخوفتيش و بعدين علي فكره مش مهم نكسب اول مره المهم المحاوله و المهم اننا كنا شاطرين صح
هنا….صح
حسان….انا عايز اتفرج علي ماتش حلو
هنا….حاضر مامي انا جعانه
علا….اوووف لا مش وقته بصي احنا اتفقنا هناكل بعد الماتش زي ما الكوتش قال بس يعني ممكن ناكل تفاح او نشرب شويه من العصير ايه رأيك
هنا….اوك
حسان….اه بلاش اكل عشان بطنك متوجعكيش اكتر
هنا….بابي حضرتك هتتغدا معانا صح
حسان….مش هقدر يا هنا عشان لسه هوصل سلمي العياده هي جايه معايا مش بالعربيه
هنا….عشان خاطري يا بابي حضرتك وعدتني نحتفل يوم البطوله و نتغدي سوا
حسان…ايوه مكنتش اعرف ان سلمي عندها شغل
هنا….سلمي كمان هتتغدي معانا
سلمي….بابتسامه والله ياريت بس في ناس تعبانه و مستنياني ينفع اسيبهم اكيد هنعوضها صح
هنا….اوك بس بابي خليك عشان خاطري
حسان….طيب ممكن نركز الاول في الماتش و متفكرش في اي حاجه و نبقي نتكلم في موضوع الغداء بعدين
هنا….اوك
علا….بأبتسامه يا يلا قلب مامي خدي التفاح بتاعك بسرعه
هنا….هو انا ينفع اخده معايا الكوتش قالي ارجعي بسرعه
علا….اوك اكيد ابقي حطيهم في شنطتك
هنا…..اوك بابي باي
حسان….باي يا عمري
هنا…..باي يا سلمي
سلمي….باي يا روحي علي مهلك.
نزلت هنا و مر الوقت بسرعه بدأت المباراه و لعبت هنا هي و الفريق اللي معاها و استمر الماتش حوالي ساعه و انتهت بفوز الفريق بتاعها
طول الماتش حسان و علا و شادي متحمسين حتي سلمي كانت مبسوطه و بتشجعها و كانت فرحانه بيها شايفها من بعيد صغنونه و المضرب اكبر و اطول منها.
خلصت وجريت عليهم اتصوروا مع بعض و احتفلوا بيها
حسان….براڤو يا قلب بابي كنتي تجنني
هنا….بسعاده لعبت كويس
حسان….جداااااا
سلمي…..كنتي شطوره جداً و تجنني
علا….بسعاده مبروك يا قلب مامي
شادي…..مبروك.يا هنون مش قولتلك هتكسبي انتي والفريق بتاعك
هنا….ايوه صح ممكن بقي نروح ناكل انا جعانه
علا….حاضر يا عمري
حسان….هنا حبيبة بابي انا لازم امشي مع سلمي هي قدامها وقت بسيط و لازم تكون في العياده
هنا….بزعل عشان خاطري خليك
حسان….هنأجلها يوم تاني وعد والله
بصتلوا هنا بزعل و سابته وراحت وقفت جنب علا و شادي و حضنت علا بزعل
سلمي….بهدوء حسان خليك معاها متزعلهاش ده يومها و حقها تفرح وانت معاها
حسان…..مش هينفع تروحي لوحدك هنا طيب ايه رايك بكره اجي اخدك و نتغدي سوا
هنا هزت راسها بلا و زعلت ببراءه فظيعه
شادي…..طيب هو انتي يا سلمي مينفعش تفضلي
سلمي….صعب والله جداً عندي كذا حاله و في منهم بيكملوا شغل
علا….هنا ممكن نسمع الكلام و بعدين بابي و عدك خلاص
حطت هنا وشها في حضن علا و عيطت
علا….هنا بتعملي ايه
شادي….اوبااااا القمر.بتاعي بيعيط شالها و حضنته هنا من رقبته وفضلت تعيط بهدوء
سلمي….حسان مش هينفع انا همشي خليك معاها متزعلهاش هنا يا قلبي بابي هيفضل خلاص متعيطيش عشان خاطري
حسان….بهدوء سلمي هتروحي ازاي
سلمي….هروح بأوبر عادي يعني هنون ممكن طيب اسلم انا عليكي
شادي…..يلا روحي لسلمي عشان تسلمي عليها طيب
نزلها بهدوء و قربت منها سلمي نزلت علي رجلها باستها و مسحت دموعها
سلمي…..القمر ده ينفع يعيك و هو بطل كده افرحي بقي بابي هيقعد معاكي و وعد مني انا هشوفك قريب عشان اجيبلك الهديه و نتغدي مع بعض كمان
هنا…..مع جدو
سلمي….بابتسامه مع جدو وايه و تامر اتفقنا
هنا….اتفقنا
سلمي….ممكن تديني حضن كبير بقي
حضنتها هنا و بعدين قامت وقفت
علا….ياريت كان ينفع تقعدي معانا
سلمي….اكيد هتتعوض بأذن الله و مبروك لهنا
علا….الله يبارك فيكي مبسوطه اني اتعرفت عليكي يا سلمي
سلمي….انا اكتر والله اتشرفت بحضرتك يا استاذ شادي
شادي….بابتسامه لا شادي بس
سلمي….بابتسامه ماشي شادي بس
شادي….انا اسعد والله و ان شاء الله نفرح بيكم قريب
سلمي….ميرسي
حسان…..هنا ممكن اروح طيب اوصل سلمي
هنا….طيب هاجي معاكم
علا….هنا خليكي انتي عشان تغيري بابي.هيوصلها ويجي
شادي….بضحك هي بتأمن عليه عشان ميمشيش
علا….لا هي عارفه ان بابي مش بيضحك عليها
هنا….خليني اروح طيب مع بابي نوصل سلمي
سلمي…خلاص سببوها معايا نرغي شويه انا وهي يلا
هنا….يلا
حسان….بهدوء ابتسم يلا يا ستي هاتي ايدك
شادي….هنخرج بقي و نستناك بره
حسان…..تمام هنوصل سلمي و نرجع.
خرجوا و سابوهم يخرجوا من باب تاني و مسكت هنا في ايد سلمي .
حسان….بهدوء ليه قولتي اني هقعد
سلمي….عشان مينفعش تمشي البنت عيطت و بعدين يعني تبقي واقفه حاضنه جوز مامتها وانت تسيبها وتمشي معايا
حسان…كنت هعوضها يا سلمي او كنت هوصلك و ارجع اخدها اخرجها شويه بس هتروحي ازاي لوحدك
سلمي….بهدوء وانا صغيره يا حسان هركب و اروح علي العياده عادي
حسان….طيب امسكي خدي العربيه انا مش عايزها هبقي اعدي عليكي بليل اخدها
سلمي…مش هاخدها يا حسان و انت مش هتعدي عليا انت عندك شغل كتير في البيت يعني يادوب تخلص مع هنا و تروح تعمل اللي وراك
حسان….سلمي اسمعي الكلام عشان مبقاش قلقان عليكي
سلمي….متقلقش و بعدين هكلمك خلي العربيه معاك
حسان…..حقك عليا والله العظيم انا مخنوق و مش عايز اعمل كده
سلمي….انت بتهرج يا حسان حق ايه خليك مع بنتك و متزعلهاش و احتفل معاها و بعدين انت كده كده كنت هتوصلني و تمشي مش هتقعد معايا يعني
حسان…بهدوء طيب كلميني
سلمي….اكيد مسكت تليفونها طلبت اوبر كان قدامه ست دقايق و يوصل علي ما وصلوا للبوابه كان داخل عليهم
يلا اهو وصل هنا يا عمري هتوحشيني لحد ما اشوفك
هنا….وحضرتك كمان
حضنتها سلمي و بعدين قامت وقفت بصت علي حسان كان واقف بيتكلم مع سواق اوبر و بعدين قرب منها
حسان….يلا يا حبيبي اركبي و متحاسبيش اوك
سلمي….اوك حاضر
حسان…..حبيبي متزعليش
سلمي….بابتسامه اكيد مش زعلانه يلا خد بالك منها و مبروك يا عمري لهنا
حسان….بابتسامه تجنن الله يبارك فيكي بحبك يا سلمي
سلمي….بهدوء و انا بحبك يلا باي
حسان…..خلي بالك من موبايل عشان هتصل عليكي
سلمي….حاضر باي يا هنا
هنا…باي
ركبت سلمي و فضل حسان واقف لحد ما العربيه اتحرك و بعيدن بص لهنا وابتسم
حسان….اعملي ايه بقي في البكاه اللي مغلباني دي شالها و دخل بيها تاني و فضلت هنا تضحك.
رجعوا تاني و قعد معاهم و طلبوا الاكل و بمجرد ما طلبوا اتصل علي سلمي و فصل معاها علي التليفون طول الطريق لحد ما وصلت العياده
سلمي كانت مبسوطه لانه اهتم و حسسها انها معاه و مسابتهوش و لا لحظه سمعاهم و هما بيتكلموا و هما بياكلوا شويه يرد عليهم وشوبه يتكلم معاها بهدوء .
……………….
في المساء بعد ما روحت سلمي حكيتلهم اللي حصل احمد كان لاول مره يبقي عنده فضول يعرف حاجه بس كان يهمه يشوف رد فعل سلمي و هي بتحكي تامر وايه كانوا قاعدين هما كمان بس ايه كانت شبه مش معاهم مستمعه و ساكته.
احمد…..يعني انتي مرتاحه
سلمي….جداً بس بصراحه مش قادره اقتنع بعد ما شوفت علا ان علاقتهم كانت بارده بصراحه هي لذيذه جداً طولوالوقت بتفتح كلام و بتحاول تخلي الجو حلو زي القمر بجد مش كلمه هي حقيقي قمر علاقتها بحسان حلوه جداً و بتتكلم معاه و واخده عليه في احترام بينهم بس اقصد ان في حوار كمان و جوزها لذيذ بصراحه.
احمد….لازم تعرفي يا سلمي ان الراجل اكيد بيهتم بالشكل بس الشكل مش كل حاجه جايز اوي علاقتهم في الجواز مكانتش مستقره علاقتهم اللي انتي شيفاها حلوه دي الوقت ناتجه عن احترامهم لبعض قولتلك قبل كده في بينهم بنت يعني لو هما علاقتهم مش كويسه البنت هتضيع وسطهم كمان يمكن الوقت هما قادرين يكونوا كويسين اكتر بكتير ما كانوا متجوزين و جايز علاقتهم في الجواز لا كان فيها كلام ولا نقاش جايز لو كانوا قاوحوا وكملوا حتي الاحترام اللي بينهم كانوا فقدوا.
سلمي…..ممكن طبعاً بس اللي اقصدوا ان هي حد جميل و زي القمر عشان كده حاسه ان عقلي عمل ايرور
تامر….طب ما انتي قمر فين المشكله ايه مش واثقه في نفسك
سلمي….ملهاش علاقه بالثقه بس هو مجرد استغراب
احمد….اخوكي معاه حق شوفي انتي لتقولي عليها ايه شيفاها ست جميله و شيفاها ذوق و لذيذه و مع ذلك لا هي ولا حسان قدروا يكملوا مع بعض العلاقات الزوجيه بتختلف يا سلمي و اكيد اللي انا واثق منه ان حسان اكيد شاف فيكي اللي مقدرش يشوفوا في طليقته الموضوع مش حلاوه او اسلوب كويس وبس لازم يا حبيبتي الارواح تتقبل بعضها
في وسط ماهما بيتكلموا تامر حس ان ايه ساكته فا حب ينكشها بهدوء
حط دراعه علي كتفها و ضمها بهدوء.
تامر…..ايه يا ام نص لسان ساكته ليه عايزه تنامي
ابتسمت ايه بهدوء و حست بتوتر فظيع بمجرد ما امسها وضمها و الشعور ده نفسه كان موترها و مضايقها جداً مستغربه ازاي لمسة تامر ليها بقت تضايقها بالشكل ده و الحقيقه ان هي كل ما كانت تحس الاحساس دن تضايق من سلامه اكتر و تحس ان هو السبب في التشويش اللي حصلها و القبضه اللي بتحصلها لما تامر يقرب منها عادي.
ايه…بهدوء اه والله مصدعه و هقوم انام خلاص
تامر….بقولك ايه مفتاح عربيتك متعلق في بتاعت المفاتيح
ايه….عربيتك خلصت
تامر….اه خلصت و جيبتها كمان و علي فكره حطتلك بنزين كمان اي خدمه
ايه….شكراً يا عم مش عارفه اودي جمايلك دي كلها فين
تامر…..بابتسامه لا يا ستي كفايه انك بقالك يومين سيبهالي
ايه…..بابتسامه شكراً يا عم اردهالك في فرحك
تامر….بضحك ايه هتحطيلي بنزين
ايه….او اسوق انا وازفك
تامر….بضحك تزفيني للاخره اكيد انهارده و انا عند الميكانيكي صحيح بيقولي بشوف الانسه ايه في العربيه بحس انها بتتخانق معاها جرستينا
ايه….بضحكه هاديه هو مراقبني ولا ايه
تامر….لا بس انتي اللي سواقتك مصيبه بتمشي تتخانقي مع العربيه فعلاً
ايه….عشان مش بحب السواقه اوي انت عارف
تامر…خلاص انا اوصلك بدل ما نحيبلنا مصيبه و بلاش تسوقي
ايه….ايه هتشتغل سواق ليا
تامر…..بابتسامه عيوني
ابتسمت ايه بهدوء وبقت حاسه ان كل كلكه تامر يقولها بتوترها
ايه…..اااا بقولكم ايه انا هروح انام مش قادره تصبحوا علي خير
سلمي….وانتي من اهله يا يويو
احمد….وانتي من اهل الخير يا حبيبتي
دخلت ايه و قفلت الباب غمضت عينيها ثواني و بعدين حطت ابديها علي المفتاح بهدوء و قفلتوا براحه جداً عشان محدش يسمع و راحت نامت علي سريرها و فضلت صاحيه شويه التفكير كان هيموتها.
مش عارفه تعمل ايه او تفكر ازاي تشيل لسلامه البلوك ولا خلاص قرارها ده مينفعش ترجع فيه و انه كان اسلم قرار يريحها و يريحه
نزلت دموعها بحزن كبير كانت حاسه انها تايهه وضايعه بين تفكيرها و وجهة نظرها وبين كلام سلامه كانت مضايقه و متلغبطه من شعورها تجاه تامر بعد ما سلامه اتكلم معاها مبقتش عارفه تحس انها علي راحتها معاه لا قادره تضحك ولا تهزر ولا تتفاعل حتي في الكلام معاهم زي الاول و خصوصا مع تامر ..
حست بخنقة وتقل رهيب علي صدرها محتاجه تتكلم مع اي حد و بدأت تفكر لو هتتكلم تتكلم مع مين.
تامر اكيد مستحيل انه يعرف طيب احمد جايز لو عرف الموضوع يكبر و نفس الكلام عند سلمي في التوقيت ده بالذات فكرت في ليله و ايمي
بس ليله مع عشري و لسه متقابلوش واكيد لسه مصفيتش من ناحيتهم ايمي مسافره نادين مستحيل تتكلم معاها لانها ممكن تقول لميدو و تبقي مشكله نعيمه كمان مش هتحل و وارد تسخنها علي سلامه اكتر ما هي سخنه من ناحيته كانت محتاجه حد عقلاني لانها مكانتش حابه تخسر سلامه زي ما قالت
فكرت في زوزو و حماده بس علاقتهم القويه بأحمد خلوها استبعدتهم و قالت ممكن حماده يتكلم مع احمد و هترجع لنفس النقطه و وارد احمد يزعل جداً
كانت تايهه و مش عارفه تعمل ايه تكلم حنان و تحكيلها بس كمان مكانتش لسه علاقتها بيها قويه للدرجه دي ولا كانت عارفه رد فعلها هيكون ايه هتأيد سلامه ولا هتزعل منه لان علاقتها بميدو قويه جداً و هتضايق من سلامه و تفكر انه بيتعامل بنفس الطريقه مع ميدو
طيب تكلم حد من الشباب علاقتها بيهم كلهم كانت كويسه جظاً بس علاقتها اقوي بعسال و رشيد و بعدهم عشري بس عسال صعب و رشيد مش موجود و عشري كمان في دنيته مع ليله غير انه تعبان
فضلت تعيط بوجع فظيع فجأه الدنيا ققلت في وشها و مفيش اي حلول قدامها ولا في حد تتكلم معاه وتاخد رأيه كمان كانت واثقه انها لو اتكلمت مع حد من الشباب جايز يتكلموا مع سلامه عشان يحلوا الموضوع و هي شافت ان سلامه متكلمش زيها يعني اكيد مش حابب حد يتدخل.
لكن كانت واثقه ان الموضوع كبير و اكبر منها و من عقليتها و اكيد لازم حد يتدخل فيه بس بنصيحه برأي محايد يكون صريح اتمنت للحظه ان اللي حصل مع ليله ده مكانوش عملوا لان ليله الوحيده اللي كانت هتتكلم معاها براحتها و كانت هتصارحها اتمنت ان ايمي متكونش مسافره لان هي كمان مكانتش هتقول قدام اهلها ولا الموضوع هيوصل لاحمد و اخواتها.
مسحت دموعها و قررت انها تنام و تفصل شويه عشان تقدر تفكر
و فعلاً نامت بس وهي تايهه
……………….
في غرفة سلمي.
سلمي….جرالك ايه يا حسان هتفضل شايل همي وزعلانه كده انا مشيت و روحت العياده و خلصت شغل و رجعت فك بقي
حسان…..انا تمام والله بس حاسس بالذنب
سلمي….ليه كل ده بس يا حبيبي انت ليه مكبر الموضوع
حسان….عشان هو كبير و مكانش ينفع اسيبك تروحي لوحدك و مكانش معاكي عربيتك فا الموقف رخم
سلمي….الموقف كان هيبقي رخم بجد لو كنت سيبت هنا في يوم زي ده خصوصا بعد ما عيطت انا كبيره و فاهمه و اكيد مش هزعل منك اصلاً انا اللي قولتلك خليك لكن هي مستحيل تنسي لما تكبر انك سيبتها في اول بطوله ليها و حتي لما عيطت مقعدتش معاها صدقني والله مكانتش هتنسي ده انا افتكر و انا صغيره في بطوله دخلتها و كمان مكانتش اول بطوله ليا بابا مكانش معايا هو كان ديماً بيجي معانا اصلا بس المره دي ماما راحت لوحدها و هو كان عنده شغل زعلت منه جداً ولا فكرت في شغل ولا قدرت ظروفه لاني كنت طفله الاطفال متعرفش ظروف يا حسان و تخيل انا زعلت من شغل و لما كبرت فهمت لكن هنا بقي حتي لو كبرت و عرفت انك سيبتها عشان تيجي معايا هتزعل منك و هتفضل فكرهالك مهما كنت معاها اب تجنن فا ياريت بقي متفضلش شايل ذنبي و زعلان كده
حسان….بأبتسامه ماشي اقنعتيني
سلمي….بضحكه جميله طبعاً لازم اقنعك شاكك في قدراتي ولا ايه
حسان…..لا طبعاً مش شاكك في قدراتك ولا حاجه كمل بابتسامه هاديه قوليلي بقي مش حابه تتكلمي في اللي حصل انهارده
سلمي….من ناحية ايه؟
حسان…يعني دي كانت اول مره تشوفي ماكت هنا و اكيد كان عندك تساؤلات كتير في علاقتي بيها هي و شادي قبل كده و انا رديت عليكي بس عايز اعرف رأيك بعد ما شوفتيها.
سلمي….هي لذيذه جداً و زي القمر يعني مش هنكر اني في الاول كنت حاسه بتوتر و عدم راحه مش من اي حاجه بس هشوف ناس اول مره اشوفهم غير اني عارفه هي كانت في حياتك ايه فا اكيد الموضوع مكانش مريح بس لما شوفتها هي وشادي جوزها و شوفت علاقتكم حسيت اني مرتاحه و مش هكدب عليك انا كان عندي احساس كبير انك هتحاول تتلاشي الكلام الكتير معاها و تخلي كلامك اكتر مع شادي
عشان يعني انا معاك و يمكن كنت خايفه ده يحصل لاني كنت هضايق و هحس انك بتعمل حاجه مش شخصيتك بس اتبسطت اوي لما لاقيتك بتتعامل عادي و قدرت اشوف طبيعه العلاقه بينكم و اتأكدت من كلامك
حسان…بأبتسامه ايه كنتي شاكه في كلامي ولا ايه
سلمي….لا والله بس اتأكدت اكتر لما شوفت بنفسي
حسان…..اكيد انا قولتلك الحقيقه و اكيد كمان مكنتش همثل قدامك اني حاطت بيني و بينها حدود او هحاول اتكلم مع شادي اكتر ما اتكلم معاها لان ده لو حصل الوقت و قدرت اعملوا بعد الجواز هتحسي بفرق و وقتها و هيبقي ليكي حق تضايقي بس دي حقيقي طبيعة علاقتي بيها
سلمي….بابتسامه هاديه بس انا عندي فضول يا حسان بجد و يعني مش عارفه ينفع اقول كده ولا لا بس الفضول هيموتني
حسان….قولي يا حبيبي
سلمي….حسان علا شخصيه حلوه اوي و بجد لذيذه جداً و زي القمر ست جميله فعلاً ازاي مقدرتش تكمل معاها و بعدين انت قولت ان علاقتك بيها في الجواز كانت بارده بس مش قصدي والله اللي شوفته منكم انتوا الاتنين علاقه حلوه اوي
حسان…..معاكي حق انا لما كنا في دهب قولتلك ان ام بنتي ست حلوه و محترمه و بنت ناس زفيها صفات حلوه كتير بس افتكر كمان اني قولتلك ان علاقتي بيها بعد الانفصال كانت افضل بكتير من علاقتي بيها وقت الجواز انا وعلا كان في بينا حب و عيشنا اول فتره حلوين اوي بس انا لحد الوقت مش عارف ايه اللي وصل علاقتنا للبرود و الفتور ده
مكانش في حاجه تخلينا نتمسك ببعض حتي هنا و كان افضل حل يريحنا احنا الاتنين هو الإنفصال
لان انا شخصياً حسيت ان الحب ده مكانش قوي من البدايه يعني مقدرتش اكمل بيه كتير و لازم تعرفي حاجه مهمه مش كل ست حلوه يقدر الراجل يلاقي نفسه معاها و الا مكانش في ست حلوه انفصلت ابداً كمان اهلها ناس محترمه و هي بجد متربيه وذوق يعني زي ما قولتي مفيهاش عيب العيب الوحيد اني مقدرتش احبها يا سلمي فهمتي
سلمي….بابتسامه فهمت
حسان…..و بعدين انا امي دعيالي شكلي مش بقع غير في الستات الحلوه بس المرادي حظي كان احلي حبيت اوي و من قلبي بجد و الحب المرادي مختلف جداً و بنوته زي القمر مشوفتش في حنيه قلبها و جمالها و جمال شخصيتها يعني مش هعوز اكتر من كده
سلمي…..بابتسامه اااا ماشي
حسان….بضحك ايه اتكسفنا ولا ايه
سلمي….بضحك لا ويلا امشي بقي عايزه انام
حسان….لا مش ماشي مالك وشك احمر ليه اول مره احب فيكي
سلمي….بابتسامه لا بس اااا يعني وترتني شويه
حسان…..بحبك يا لومي
سلمي….وانا كمان بحبك اوي ممكن يلا تروح تنام بقي عشان انت تعبت انهارده و لسه بكره عندك حجات كتير
حسان….طيب انتي مش هتنامي
سلمي….لا هنام خلاص والله
حسان….ماشي يا عمري تصبحي علي خير يا احلي سلمي في الدنيا
سلمي…..و انت من اهل الخير يا قلبي باي
حسان….باي يا حبيبي.
……………….
في صباح يوم جديد
علي الساعه ثلاثه العصر خرج عدي من الكافيه راح وقف بعيد عشان يشرب سيجاره و يرتاح شويه
قعد و ولع سيجاره و فضل يلعب في الموبايل و كلم كام واحد من صحابه كانوا متصلين عليه و بعدين ساب الموبايل من ايده و ولع سيجاره تانيه لمح العربيه بتاعت الشغل اللي بتنزل الفاكهه وقفت
كان المفروض يوم بعد يوم تقي بتودي الفاكهه و الخضار عشان تبقي الحاجه فريش ابتسم لما افتكر تقي و جنانها و وقف يراقبها من بعيد عارف انها هتنزل تشتغل معاهم عشان تجري.
بس ملقهاش كان موجود ادهم و تمارا بس وفقوا يضحكوا مع محمود و سليمان و يستلموا منهم الشغل.
قبل ما يمشوا راح سلم عليهم و وقف معاهم شويه و سألهم عن تقي قالوا ان هي قالت مشغوله انهارده.
سلم عليهم و مشيوا و بعدين مسك موبايله اتصل عليها كان متردد شويه بس قرر ينكشها.
تقي….الووو
عدي…..اهلاً استاذه تقي
تقي….بأبتسامه ازيك يا عدي
عدي….الحمد لله طيب يعني حتي نسلم نسأل ولا هو لازم يكون الموضوع في علقه
تقي….بضحك لا والله
عدي…..طيب امال ايه بقي مجتيش ليه مع ادهم و تمارا توصلي الشغل
تقي…..ليه هو الشغل في حاجه مش مظبوطه
عدي…..لا انا مش بتكلم عن الشغل انا بسأل بس ليه مجتيش زي كل مره
تقي….بابتسامه والله في واحد طلب مني نقطع العلاقات و قالي مشوفكيش تاني
عدي…..بضحك ايه مصدقتي يعني و بعدين انا كنت بهزر علي فكره اتقمصتي زي العيال الصغيره ولا ايه
تقي….بضحك لا والله انا كمان بهزر اكيد مزعلتش واكيد عارفه انك بتهزر
عدي….امال مجتيش ليه؟
تقي…مفيش والله بس كان عندي جامعه الصبح و بعدين خلصت المحاضره اللي عندي و روحت جبت ورق انا حتي انهارده مروحتش خالص لبابا المزرعه و لا ساعدته في الشغل تمارا وادهم اللي خلصوا معاه بعد المحاضره و بس عندي تحاليل المفروض اروح اعملها علي الساعه ثمانيه كده
عدي…..تحاليل ايه انتي تعبانه
تقي….لا عادي بس كنت عند الدكتور الاسبوع اللي فات و طلب مني تحاليل عاديه و المفروض هروح بكره و لسه معملتش كل ده التحاليل ولازم اروح انهارده
عدي…..ايوه يعني بتشتكي من ايه
تقي…..يعني معدتي مش مظبوطه و اي اكل بيتعبني جايز من توتر الدراسه مع مجهود الشغل مش حاجه كبيره اوي المهم يعني ايه مفتقد لساني الطويل ولا ايه
عدي…..بضحك بصراحه اه و بعدين متكلمتيش امبارح خالص وانهارده مشوفتكيش مع تمارا و ادهم قولت اسال انا بقي
تقي….اه ما كان في واحد بردوا قالي هيبعت الاكونت بتاعه بس واضح انه طنش
عدي…..اااااه لا والله انا نسيت علي فكره
تقي…..حقك يا عم اللي واخد عقلك
عدي…..بأبتسامه مفيش والله بس الشغل بقي و الدربكة بتاعته مش اكتر
تقي…..ربنا معاك يارب
عدي….طيب قوليلي انتي قولتي رايحه امته و مين هيجي معاكي
تقي….اممم انا هروح علي سبعه كده و هروح لوحدي
عدي…..هتروحي تعملي تحاليل لوحدك وليد و ماما محدش هيجي معاكي
تقي….بضحك لا مانا اتفطمت من زمان بقي ماما وبابا ايه يا عدي كبرنا خلاص علي الكلام ده حتي الدكتور بروح لوحدي
عدي…..بضحك لا مش قصدي بس يعني قولت لا تكوني زي البنات اللي بتخاف من التحاليل و الجو ده
تقي….لا متقلقش مش بخاف
عدي….طيب وليه بتروحي للدكتور لوحدك
تقي…..ماما عشان اخواتي مش بتقدر تسيبهم لوحدهم خصوصا كنزي الصغيره و بابا مشغول طول الوقت فا بروح انا اوقات تمارا لما بتكون فاضيه بتيجي معايا في مشاوير زي الدكاتره اجيب لبس مثلاً لكن اغلب الوقت بروح عادي لوحدي كبرنا بقي
عدي……بابتسامه امممم طيب تمارا جايه معاكي ولا لا
تقي…..لا انا مقولتلهاش اصلا هي من بدري صاحبه رزحنا الجامعه و بعدين كملت الشغل و عندها تلخيص لسه مخلصتهوش فا مرضتش اعرفها حرام بقي يومها كان طويل
عدي….اممم طيب انا علي الساعه سبعه هبقي واقف تحت و هستناكي
تقي…..تستناني فين ليه ؟
عدي….هاجي معاكي
تقي…بضحك هو ايه اللي هاجي معاكي راحه الملاهي انا
عدي….بضحك والله فكره بس نخليها مره تانيه عندنا معاد تحاليل
تقي…..بضحك هو ايه اللي عندنا معاد تحاليل وانت مالك يا حشري اصلا
عدي….بضحك والله انتي طلعتي عليا لقب حشري وانا رضيت بيه اتحملي بقي و بعدين انتي مش قولتي رايحه لوحدك خلاص انا جاي معاكي
تقي….ايه فاضي؟
عدي…..بابتسامه اه فاضي وقولت ارزح اسلي نفسي شويه معاكي
تقي…..لا مش هتيجي انت مالك اصلا انا ممكن اخد حدوته معايا
عدي….هو ايه اللي اخد حدوته معايا لا حدونه ولا قصه انا جاي هستناكي علي سبعه تحت البيت يلا امشي
تقي….بضحك استني هنا مفيس الكلام ده
عدي….سبعه بالدقيقه هكون تحت البيت سبعه و دقيقه هطلع احدفك من فوق اتفقنا
تقي….بابتسامه ماشي اتفقنا
عدي…..بضحك ايه الادب ده
تقي….بضحك اعمل ايه ابن اختي شبطان فيا مش هعرف اخلع منه
عدي…..انا اللي ابن اختك صح طب حلو اوي الكلام ده لما اشوفك لينا حساب مع بعض
تقي….ماشي يا سيدي بس بقولك ايه متبقاش ترجع تقولي مش عايز اشوفك تاني و نقطع علاقتنا انت اهو اللي جيت انا مطلبتش
عدي…..بضحك ماشي مش هقول و بعدين انا بصراحه عايز ازود الجمايل عليكي
تقي…..ايه عايز تجمعهم و تكسب جميل كبير
عدي….يعني حاجه زي كده
تقي…..يبقي شكلك شايلني للتقيله قول متتكسفش محتاج ايه
عدي….بضحك لا هجمع الاول لحد ما اعرف عايز منك ايه
تقي….بابتسامه ماشي
عدي…..يلا شوفي بتعملي ايه و سبعه هكلمك هبقي تحت اوك
تقي….اوك باي
عدي….باي
…………………
عند ليله و عشري خرج عشري من الاوضه بعد ما خد شاور بص علي ليله ملقهاش
عشري….ليله ليله ليله
مكانتش موجوده في البيت فضل ينادي عليها و بعدين طلع بهدوء علي الروف لمحها واقفه قريب من السور و باصه علي الشارع والهواء جامد و عمال يطير في شعرها
عشري…..بتعملي ايه في الجو ده؟
مردتش عليه و فضلت واقفه سرحانه مكانتش معاه
قرب منها بهدوء وقف وراها وضمها و باسها من خدها
ابتسمت ليله بهدوء و باسته من خده
ليله …بتعمل ايه هنا انت لسه واخد شاور هتبرد
عشري….انتي اللي بتعملي ايه عمال انادي عليكي واكلمك مش معايا
ليله….مسمعتكش يا عمري انا طلعت حطيت الهدوم عشان تنشف و وقفت شويه
عشري….والقمر بتاعي بقي سرحان فيه اوي كده
ليله…..ولا حاجه
عشري…..ولا حاجه ايه مالك
ليله….والله مافي الجو حلو و سرحت شويه
عشري….في مين بقي اللي واخد عقلك
ليله….امممممم واحد كده زي القمر
عشري…..بابتسامه طول بعرض هاا
ليله….بضحك اه و عيونه تجنن
عشري….عارفه انا بس هو متجوز واحده زي القمر عرفاها
ليله….اممممم لا انت تعرفها
عشري….اعرفها
ليله….شكلها عامل ازاي
عشري…..زي القمر مشوفتش ست في جمالها عليها ماشيه تدوخ و فيها انوثه مش موجوده في اي ست لما بتتكلم عادي تحسي كده انها طمعت في الدلع كله ليها هي بس حتي وهي زعلانه وهي متعصبه و هي بتتكلم عادي صوتها كل دلع و تجنن
ليله….بضحك ده انت طلعت تعرفها اوي بقي
عشري…..جداً اصلها مميزه حضورها طاغي لو قاعده وسط مليون شخص
ابتسمت ليله بحب و حضنت وشه بكفها وفضل هو وراها
ليله…..انت احسن انهارده
عشري……كتير الحمد لله قمر بتاعي مش هيقولي بجد هو ماله
ليله….يعني لو قولتلك هتعمل اللي انا عيزاه
عشري……قولي و جربي
لفت ليله وشها و مسكت في رقبته و بصتلوا
ليله…..مش عايزه اسيبك و امشي يا عشري
عشري….هو مش احنا اتكلمنا في الموضوع ده يا قلب عشري و قولتي حاضر واقتنعتي
ليله…امممم
عشري….ولما هو امممم بنرجع في كلامنا ليه
ليله….عشان مش عايزه اسيبك عايزه افضل في حضنك و عايزه اعوض الفتره اللي فاتت دي كلها
عشري….هنعوضها يا عمري و حياتك عندي نتجوز بس و هعوضك عن كل حاجه و هنسيكي كل حاجه ومش هسيبك لحظه بمجرد ما تدخلي البيت ده تاني مش هتطلعي منه
ليله…..بابتسامه هتحبسني تاني
عشري….لا بس مش هتباتي مره و هتفضلي في حضني علي طول
ليله….امممم بس اكيد هروح الشغل
عشري…..بس بليل هتبقي في حضني مش هتسيبي البيت
ليله…..ماشي
عشري……بحبك
ليله….وانا بموت فيك يلا خلينا ننزل الجو برد عليك
عشري…..يلا يا حبيبي
نزلوا علي تحت وقفل عشري باب الروف و راح شغل الدفايه الجو كان برد اوي
ليله….عشري هو مفيش سجاير
عشري…لا في جوه في الدريسنج هتلاقي درج تحت مليان سجاير
و ياريت لو تحني علي اهلي بسيجاره بقي انا خلاص بقيت احسن بمشي وبتحرك و باكل و الجرح تقريبا خف خالص
ليله….بابتسامه ماشي موافق
عشري….بسعاده وحياة امك
ليله….بضحك وحياة امي عشان كنت شاطر و سمعت الكلام بس
عشري…طيب تشربي قهوه علي ما تحيبي السجاير
ليله…..ماشي اشرب
راح عشري يعمل القهوه وهي دخلت تجيب السجاير فتحت الدرج لقت سجاير كتير اوي في الدرج و لقت سجاير شبه السيجار و سجاير رفيعه و علبه فضي كده فيها سجاير غريبه
ابتسمت بهدوء و خدت علبتين عشان كانوا بيشربوا نوعين مختلفين عن بعض
خرجت بهدوء حطت العلبه علي البار
ليله…اتفضل بس اتمني تشرب بعقل
عشري….حاضر والله امسكي قهوتك
ليله….تسلم ايدك يا عمري هنشرب هنا ولا تقعد هناك احسن؟
عشري….لا انا ليا مزاج نروح انا وانتي نقعد علي الارض قدام الشباك
ليله…ماشي يلا بينا خدت القهوه بتاعتها و راحت قعدت وراء الكنبه قدام الجدار الزجاجي اللي كاشف الشارع كله بمنظر يجنن مع شكل الغيوم
قرب منها خدت منه القهوه و الطفايه و قعد بهدوء قدامها علي الارض
ليله….مرتاح كده ولا تعبانه
عشري….لا تمام كده
ليله….طيب ايه رأيك نقوم نلف الكنبه و نخلي وشها هنا و نقعد
عشري….انا مرتاح بس لو حابه نلفها اوك
ليله….هو انا مرتاحه بس مش مرتاحه لقعدتك دي استني
قامت وقفت و قومته هو كمان بهدوء و لفت بهدوء الكنبه و هو ساعدها عشان تقيله عليها
عشري….استني يا قلبي تقيله عليكي
ليله….لا مش تقيله وسع كده عشان الجرح
لفت الكنبه و خلت وشها للشارع قدام الزجاج و قعدوا
ابتسمت ليله ابتسامه تجنن و لعوا السجاير و قعدوا باصين لبعض شويه بنظرات كلها حب
ليله…..خير بتبصلي كده ليه؟
عشري….بضحكه تجنن نفخ الدخان بحبك
ليله…..بضحكه هاديه و انا بحبك
عشري…..ليله ممكن أسألك سؤال و تردي عليا بصراحه ؟
ليله….نفخت الدخان بهدوء و ابتسمت أكيد اسأل
عشري….لما قلعتي خاتمك و جيتي هنا اديتي دهبك و كل حاجه لابويا وامي وانتي ماشيه كنتي عارفه ان ده قرار نهائي من جواكي
ابتسمت ليله ابتسامه تجنن و حطت السيجاره في بوئها و بصت علي الشارع ضحك عليها و علي اللغبطه اللي حصلت جواها دي
عشري….قولي قولي متتكسفيش مكنتيش طيقاني صح
بصتلوا ليله بهدوء
ليله…..لا يا عشري كنت بحاول اخرج غضبي بأي طريقه من جوايا انا مكنتس واخده قرار يا عشري و لاحاجه انا كنت عارفه اني هرجعلك تاني
عشري…..بأبتسامه ده عشان بتحبيني ولا عشان مصدقاني
ليله…..عشان بحبك
عشري….يعني انتي لسه مش مصدقاني
ليله….بالعكس عارف يا عشري انا خدت قرار اني ابعد عنك ده وهي مريم قاعده قدامي كنت مقرره اني اسمعك الاول لاني مش من الناس اللي بتمشي قبل ما تسمع و انا كنت عايزه اسمع منك و كنت مقرره ان لو كلامها طلع صح مش هكمل سمعتك و عرفت كل حاجه و خرجت بره عشان امشي و انا خارجه كان جوايا حاجه بتقولي متمشيش يمكن انا وقتها مسمعتش اي كلمه قولتها ولا اي تبرير قولته دخل دماغي بمجرد ما قولتلي ايوه حصل مسمعتش باقي التفاصيل ويمكن دي غلطتي كان لازم اسمع بهدوء بس كمان انا عارفه نفسي مكنتش ههدأ بسهوله لان الموضوع كان اكبر مني صدمني و اكيد مكانش هيعدي بسهوله بس لما خرجت بره فضل الصوت اللي جوايا ده عايزين اصدقك و سألتك ليه مسيبتهاش و ليه كنت عايز تكمل معاها وقولت ان في سبب كنت بحاول اسمع سبب يخليني ارتاح من جوايا
عشري….وارتاحتي
ليله….جداً و عشان تكون واثق اني سامحت يا عشري انا بمجرد ما سمعت ردك سامحتك قبل ما امشي من عند ايمي
عشري…..طيب لما انتي صدقتيني ليه روحتي قلعتي خاتمك و اديتي ابويا دهبك كله
ليله….صدقني معرفش انا قلبي صدقك يا عشري كان عايز يصدقك بس انا و عقلي كنا رافضين الموقف كله كان جوايا غضب ممكن يحرق الكل قلبي صدقك بس عقلي مصدقكش رفض حجات كتير كبر المواضيع وخلق جوايا سيناريوهات كانت بتزود غضبي
عشري…امممم زي اني كنت معاها و معاكي بحبها بكلمها
ليله….واكتر بكتير يا عشري انا تخيلتك معاها في كل الحالات و بأبشع صور ممكن قلبي يتحملها تخيلت لمسه ايدك ليها قربك منها كلامك ليها اللي كنت بسمعه منك لدرجه يا عشري ان شيطاني صورلي انك ممكن تكون قربت منها بما انها مش بنت.
عشري….غمض عينه بوجع و بعدين ابتسم بذمتك صدقتي شيطانك يا ليله تعرفي عني كده انا مليش في الحرام يا ليله
ليله….بحب عارفه بس والله كان غصب عني كل ما قلبي كان يهدأ و يقولي صدقيه عقلي يقولي لا و يبدأ يخليني اشوف حجات و اصدق حجات صعبه بجد فكرة يا عشري ان فجأه تتقلب حياتنا و فجأه كل حاجه حلوه عيشتها معاك خلاص مش هتبقي موجوده كانت صعبه عليا اوي.
عشري….طيب امتي عقلك صدقتي
ليله….بابتسامه هو الحقيقه اني اكتشفت انه كان مصدقك بس كان بيحاول يعمل نفسه مش مصدق بس اللحظه اللي فتحت فيها الموبايل و شوفت فيها رسايلك كانت لاحظه فاصله في حياتي كمان رسالة حماده ليا فوقتني
عشري…..والد ايمي
ليله….اه هبقي اسمعهالك و مش هو بس كلهم و رساله امونه
عشري….بابتسامه امي انا بعتتلك رساله
ليله….بضحكه جميله اه هي و ملك مجرد اهتمامها ده اصلاً اللي خلاني مش قادره ازعل منها
عشري…..طيب لما شوفتيني لاول مره بعد اختفائك ده حصل فيكي ايه لما كنا عند نادين
ضحكت ليله و بصت بعيد
ليله….اليوم ده كان نفس اليوم اللي فتحت فيه الموبايل بعد ما انت مشيت و حقيقي البوم من بدايته كان فاصل كبير في حياتي من اول ما قررت اني ارجع يومها كنت في الصيدليه بليل و كانت اول مره اتكلم اتكلمت مره قبلها مع ولد صغير ببيع ورد بس يادوب كلمتين و مركزتش في طريقه كلامي وقولت عشان بقالي ست ايام ساكته بس لحظه ما سمعت كلامي في الصيدليه خوفت اوي و كنت مصدومه و لاقيت نفسي بعيط كان الدكتور و البنت اللي معاه في الصيدليه بيحاولوا يهدوني و بصراحه كانوا محترمين اوي و الدكتور اللي طلب مني اروح المستشفي ضروري قررت يومها اني امشي اتحركت بعد الفجر علي طول طول الطريق كنت تعبانه مش بنام كويس مش شايفه بعيني من قلة الاكل كنت هعمل كذا حادثه لحد ما وصلت لنادين بليل بقي لما انتوا جيتوا صدمتي من تعبي و من الحاله اللي كنت فيها كانت مخلياني مش قادره ابص للشباب و لا طيقاهم و كنت مرعوبه الاقيك معاهم مسمعتش صوتك بس ريحتك كانت وصلالي
بصلها عشري بتأثر و ابتسامه هاديه
