لقاء كار.ثي

تقي…ليه انت كنت متوقع انها تضايق

عدي….لا خالص بالعكس بس اكيد حابب اطمن فاهمه قوليي بقي انتي ايه رايم في اللي اتقال امبارح عن تأجيل خطوه الجواز دي

تقي…..من غير ما تزعل مني ؟

عدي…..اكيد

تقي…..بص يا عدي في بداية تعارفنا خالص قبل ما نتكلم اصلاً في حاجه تخص علاقتنا لما انت سألتني عن موضوع الارتباط قولتلك اني مش بفكر خالص في الارتباط الوقت عشان مركزه في مستقبلي و عشان مش حابه حاجه تعطلني عن دراستي بس لما بدأت احس ان في مشاعر قويه من ناحيتك و كل يوم بتكبر اكتر مش هقولك اني نسيت كلامي ده بس انا كنت متطمنه و حاسه ان اختياري صح و لما اتكلمت معايا بعد كده و قولتلي علي موضوع الجواز جايز اكون اتاخدت اتخضيت بس كنت مبسوطه و اتحمست للفكره اوي لان باختصار انت عارف اني بحبك و اكيد عايزه اكون معاك و عشان كمان واثقه فيك و ان دراستي و مستقبلي انت مش هتاثر عليهم بالسلب.

بس خليني اقولك اعتراف لما ليله اتكلمت و وضحت رأيها حسيت للحظه ان معاها حق في كل كلمه انا وانت اتحمسنا و فرحنا و اكيد حابين الخطوه دي تحصل بس كمان ليله لفتت نظري لحاجه اولهم.

المسؤوليه بتاعت الجواز خوفت انها تأثر علي مستقبلي و دراستي و اخذل بابا و ماما بعد تعبهم معايا كل السنين دي خوفت كمان اخذل نفسي يا عدي لاني بجد جابه دراستي و نفسي انجح فيها و احقق نفسي عايزه شهادتي تبقي في ايدي

كمان اكيد عشان اعمل كده هأثر علي جوازنا و بيتنا يعني اكيد غصب عني يا اما هاجي علي دراستي او هاجي علي البيت و انا مش حابه ابداً اني لما ابدأ حياه جديده اكون مقصره فيها او مش قدها او يتقال اني عيله و مش قد المسؤوليه..

و ليله كمان قالت حاجه مهمه موضوع الغيره..

ودي اكتر حاجه خلتني احس انه لأ بلاش استعجال لان اكيد غصب عنك هتغير هتضايق و ده حقك و جايز انا احس ان غيرتك مضيقاني خصوصا لو حاجه ليها علاقه بمستقبلي اكيد انا ليا زمايل و في بينا كلام ليا اصحاب مقربين علاقتنا الحمد لله محترمه بس انت راجل وجايز تضايق و ده ممكن بعمل بينا مشاكل كتير تخلي الحماس و العلاقه الحلوه اللي بينا دي الوقت تضيع فا لو بتسألني عن رأيي في كلام ليله هي معاها حق انا وانت اتحمسنا اوي و اتشجعنا اكتر حاجه حلوه اكيد بس الافضل اننا نستني و منستعجلش عشان نحافظ عليها ولا ايه