لقاء كار.ثي

سليم…..طيب حليتي كام سؤال

نسمه….مش عارفه بس حوالي خمسه الامتحان كبير يا سليم جايز اللي حليته ينجحني بس مستحيل يخليني اجيب تقدير

سليم…..مش مهم في ستين داهيه الماده كلها المهم انك حليتي علي الاقل اللي ينجحك و ميخلكيش تشيلي الماده

نسمه….بدموع لا يا سليم انا تعبت والله كتير الترم اللي فات و كنت وخدتها جد مش انا قولتلك يا سليم اني عايزه اخلص اخر سنه بتقدير صح عشان والله انا بجد تعبت و كنت بذاكر و بعمل اللي عليا حرام المجهود ده يروح علي نجاح بس انا استاهل اني اجيب في اكتر ماده بحبها و مذكراها كويس تقدير ليه مجهودي يضيع عشان دكتور ميعرفش ربنا

سليم….اكيد حقك طبعا يا قلبي بس انا بتكلم ان علي الاقل متشيليهاش و بعدين ليه الولد مقعدتش وسكت بدل ما يضيع وقت اكتر

نسمه…..لانه مغلطتش يا سليم هو كان بيتكلم في حقه و حقنا النص ساعه دي ممكن نحل فيها سؤالين او تلاته كاملين و طبعا الوقت اللي ضاع اكتر من نص ساعه فات نص الوقت بالظبط و المفروض نحل فيه امتحان كامل و هو معروف انه شاطر والاول غلي دفعتنا طول السنين الي فاتت فا اكيد فارق معاه جدا كلنا تعبنا يا سليم كملت بانهيار و بعدين ممكن اوي اللي خليته مينجحنيش و اشيل الماده عادي لان انا كنت بكتب بسرعه ايدي بتترعش و متوترته و خطي زي الزفت و اتلغبطت كتير من كتر ماهو عمال يتكلم و مش ساكت و كأنه قاصد يبوظ اعصابنا الورقه كله شخبطه و شطب و خط وحش اوي و الله حرام بجد

سليم….بتأثر من عياطها مسك كفها طب وحياتي عندك اهدي اكيد والله العظيم هتعدي و هتجيبي تقدير كمان اللي حصل ده محصلش معاكي بس ده حصل مع اللجنه كلها و انتوا عملتوا شكوي و في مراقبين شهدوا معاكم يعني حتي لو كان الدكتور ده في نسب بينه وبين العميد مش هتخلص كده صدقيني هيخاف لان عددكم كبير و لو الولد ده فعلا الاول علي الدفعه و معروف انه شاطر اكيد هيتاخد بكلامه فا متخافيش

نسمه…..بدموع خطي كان وحش اوي يا سليم و كله لغبطه

سليم….حتي دي والله العظيم هتتاخد بعين الاعتبار طببعي تكتبوا بسرعه لان الوقت بسيط اهدي بقي عشان خاطري

بصت قدامها و فضلت تعيط و مفها بين ايده و هو واقف باصصلها

سليم…..كفايه عياط عشان خاطري و الله اروح اضربوا عشان خاطرك

ضحكت نسمه من بين دموعها و رجعت عيطت تاني