لقاء كار.ثي
لقاء كار.ثي
ليله….يعني انفع عروسه لابنك
امينه…..ادعي ينفعك هو عريس
عشري….في يا امينه انا واقف علي فكره
امينه…..واقف ولا جاعد مبنخافش
عشري…..بابتسامه مملاحظاش يا ست امينه ان لما بتتچمعي انتي و بت المارديني بتجلبي عليا عاد
بصتلوا ليله بابتسامه تجنن و هو بيتحول في ثانيه و يبقي صعيدي مع امينه
امينه…..لاه ملاحظه من الاخر اكده بنتفج عليك
عشري…..بتتفجي علي ولدك يا امينه ماشي ياستي ربنا يهني سعيد بسعيده
امينه…..بحب تعالي يا بت ادخلي
ليله…..البنات مش موجودين ساره وملك وكارين
امينه….دلوك ينزلوا محمد جالي انك چايه و اني خبرتهم بس رهف چوه
ليله…..ماشي طيب خليني اطمن عليها
امينه…..تعالي يا عيوني و انت رايح فين هتفضل ملازمنا اكده مواركش شغله ولا مشغله
ابتسم عشري و باس خد ليله بوسه سريعه
عشري…..اني عريس يا امااااه و مكاني چنب عروستي
بصتلوا ليله بصدمه و اتكسفت وفضلت تضحك
امينه….بضحك اتحشم يا واد.
عشري….اتحشمت سنين كتير معدتش متحمل يا امينه
امينه ….بضحك ربنا يكون في عونك يا ست العرايس ابني ناجص ربايه
ليله…..بضحك سامع
ضحكوا وراحوا جوه علي المجلس العربي كانت رهف قاعده جوه و قدامها ملازم و كتب.
امينه….تعالي يا ليله
ابتسمت رهف و بصت عليهم
ليله…..بابتسامه حمد الله علي سلامة القمر
رهف……بضحكه جميله يا ليله الله يسلمك
قربت ليله منها و سلمت عليها
ليله…..عامله ايه يا قلبي
رهف……بخير والله
ليله…..اخبار العمليه ايه ؟
رهف…..الحمد لله الدكتور قال والله اني بخير هو في آلم طبعا بس المسكن بيخليه يروح اه مش بيروح خالص بس ببقي حاسه يعني كأني عندي برد في عضمي
ليله…..معلش يا روحي ده طبيعي انتي لسه عامله العمليه امبارح يعني الجرح لسه جديد هتحتاجي كام يوم كده و هيبدأ الالم يروح
رهف…..الحمد لله والله
ليله….مش كنا قعدنا يومين تلاته في المستشفي سمعت انك مصممه تخرجي
رهف…..ليله انا بترعب من المستشفي اسألي تيته و بابا انا منمتش من امبارح في الاول كنت بنام واقوم من تاثير البنج بس لما راح مكنتش عارفه انام خالص لحد ما الصبح طلع بعد الفجر كده بشويه ماما كانت بايته معايا لما لقتني مش عارفه انام صحيت وقالتلي نامي انتي انا هصحي خلاص
عشري….بضحك الهبله بتخاف من العفاريت
