لقاء كار.ثي

سليم….لا اصلك حسستيني انك هتقفلي الوقت مش المفروض لسه هاوصلي و تطمنيني وكده

نسمه….بابتسامه اااا انت عايزني اطمنك

سليم….بضحك اللي انتي شيفاه

نسمه…..خلاص هطمنك هو انت هتنزل الوقت علي الكافيه

سليم…اه هقوم اخد شاور و البس و هنزل علي طول و بعدين هبقي اجيلك

نسمه…..اوك تمام انا كمان هنزل الوقت علي طول الساعه بقت عشره

سليم….انتي امتحانك امته ؟

نسمه…من 11 ونص لغايه الساعه اتنين

سليم….خلاص تمام يلا انزلي علي طول بقي عشان متتأخريش و ابقي ابعتيلي كده رقم العربيه و اسم الللي هتركبي معاه

نسمه….بابتسامه اتنهدت تنهيده جميله ماشي هبعتلك

سليم…بابتسامه خدي بالك من نفسك

نسمه….حاضر وانا كمان

سليم….ماشي يلا كلميني لما توصلي متنسيش لما تركبي تبعتيلي اللي قولتلك عليه

نسمه…..حاضر باي

سليم…..باي

باااااااااااااااك.

ابتسمت نسمه بسعاده و بعدين فاقت و بصت حواليها اللجنه كلها بقت كامله فضلت قاعده هي و زمايلخا مستنين الامتحان يدخل كانت عايزه تخلص بسرعه عشان تخرج تكمل فرحتها مع سليم كانت ضامنه الماده و مرتاحه جدا لانها فعلا سهله الوقت كان بيعدي وبدأ يحصل همس في المدرج لان الامتحان اتأخر بصت علي الساعه بتاعتها لقتها 12 الا ربع فات فات حوالي ربع ساعه عدي خمس دقايق كمان وفات من زمن المده المقرره هشرين دقيقه من اصل ساعتين ونص و خلاص النص ساعه بتروح

بدأ زمايلها همسهم يعلي و الشباب اللي معاها يتضايقوا اه الماده سهله و الكل بيحبها بس هي طويله و بتحتاج وقت كان في كام مراقب حوالي اربعه موجودين معاهم في المدرج بس الدكتور اللي هيقف عليهم و اللي معاه الورق لسه مطلعش المراقبين حاول ا يهدوهم و نزل واحد فيهم يشوف الدكتور و بعد كده قام كام واحد من الشباب خرجوا بره علي الباب و كان في كام حد في الدور مشرفين مراقبين امن اتكلموا معاهم و قالولهم الدكتور هيطلع الوقت و دخلوهم تاني ..

كان من ضمن الشباب دي شاب محترم جدا و مجتهد و مشهور في الجامعه بشطارته و ديما بيطلع الاول علي الدفعه الشاب ده اضايق بجد و بدأ يبان عليه العصبيه و التوتر لانه شايف ان كل دقيقه بتعدي هي حقه .

بعد ما فات اخر عشر دقايق من النص ساعه اخياً و صل الدكتور بكل برود و هو معاه ورق الامتحان وماشي علي مهله و سابقه المراقب اللي راح يستعجلوا و كان ماشي مبتسم و بيضحك كأنه ماشي في الشارع و معملش حاجه و مش مقدر النص ساعه اللي ضاعت من الشباب