لقاء كار.ثي

سليم……بص علي كفها اللي في ايده و شاف الحظاظه لسه لبساها ايه الحظاظه الحلوه دي مين جايبهالك

نسمه….بابتسامه حد كده

سليم….ابتسم ورفع حاجبه حد كده ؟ انا حد كده

نسمه…. بضحك مش قصدي والله خلاص حد اعرفوا

سليم…..تعرفيه منين ده بقي يقربلك ايه

نسمه…امممم ميقربليش اوي يعني بس معرفه

سليم……وايه كمان طيب هااا

نسمه….بضحك اه طيب و جدع و دمه خفيف و ديما يضحكني

سليم….غمزلها وضحك و ايه كمان

نسمه….بضحك اااا ما تبطل رخامه بقي ويلا خليني امشي

سليم….طيب بخيله في العزومه و قولنا ماشي بخيله كمان في الكلام لا لا كده كتير

نسمه….بضحك طيب عايز ايه انت

سليم…..كلمتين حلوين في حق صاحب الحظاظه

نسمه…..امممم انا صاحبة الحظاظه اصلا هي مبقتش بتاعته بس يعيني هو حد جميل اوي

سليم….بابتسامه ماشي يا ستي انا راضي خلاص نروح نفطر بقي

نسمه…..هو انا مش عايزه انزل من العربيه شكلي معيط و مش حلو

سليم….زي القمر حتي وانتي معيطه

ابتسمت بإحراج و بعدت عينها عنه

سليم….اممممم طيب انا هسكت خلاص و ايه رايك نجيب الفطار و ناكل في العربيه

نسمه….ماشي بس خليك واقف بقي ولا بتعرف تاكل وانت سايق

سليم…..اه عادي مش بتعرفي ولا ايه

نسمه….بضحك بصراحه لا بتلخم

سليم…..لا بعرف متقلقيش يلا خلينا نتحرك بقي عشان مأخركيش علي نعيمه والبنات

نسمه….انا ممكن مروحش علي فكره هروح

سليم….طب ليه

نسمه…..مودي باظ خالص والله يا سليم مش هعرف انزل معاهم

سليم….مفيش الكلام ده هتروحي و هتنزلي و هتتبسطي معاهم و هتنسي خالص اللي حصل و هتسمعي الكلام ماشي

نسمه……والله معنديش نفس

سليم…..هتروووحي و قولي حاضر

نسمه….بابتسامه ماشي حاضر

سليم….رفع حاجبه وابتسم ايوه كده

قفل الباب وراح يركب ابتسمت نسمه وفضلت بصاله و بعدين ركب و اتحركوا .

راح جاب ساندوتشات و عصير و بعدين اتحرك و فضلت هي تطلعلوا الاكل و تديلوا وياكلوا سوا كانت مضايقه جدا لسه بس هو كان عارف يروقها ويخليها تضحك

فتحت العصير واديته وهو بيشرب وقع عليه فضلت تضحك و هو يضحك خدت مناديل و مسحت العصير اللي وقع عشان ميعملش بيها حادثه و كملوا طريقهم بعد ما حسن مودها كتير …..

…………………..

اما عند ليله ونعيمه قبل كام ساعه
صحيت ليله علي الساعه 11 ونص قامت خدت شاور و لبست و جهزت
وخرجت بره عملت قهوه و قالت تشربها وتنزل…