لقاء كار.ثي

قابلها شاب صغير من اللي شغالين في المكان بابتسامه جميله.

الشاب…..نورتي المكان يا افندم اتفضلي

ليله….. بابتسامه ميرسي اوي و مبروك علي الافتتاح

الشاب……ميرسي جدا ده من ذوق حضرتك لمح الورد في ايدها حضرتك تحبي تقعدي فين بالظبط

ليله……اي مكان هو مصطفي موجود

الشاب…..اه طبعاً موجود اتفضلي وحالا هناديه لحضرتك

ليله….ميرسي اوي

قعدت ليله علي تربيزه جنبها زجاج بيبن الشارع كله سابت الورد من ايدها و فضلت تبص علي المكان بابتسامه مفيش صوت مفيش همس ولا كلام في ناس رايقه و كل واحد في دنيا تانيه ..

لمحت مصطفي جاي عليها و بيبتسم ابتسامه واسعه قامت وقفت وهي بتضحك

مصطفي…..هااااار اسود ليله هانك بنفسها مشرفاني في مكاني المتواضع

ليله…..بضحك يا عمري انت الف الف الف الف مبروك عقبال يارب ما اشوف المكان بتاعك منتشر في كل مصر و بره مصر و اشوفك اكبر رجل اعمال في الدنيا كلها

مصطفي….بضحك ايه كل ده طب انا راضي بفرع كمان او تلاته

ليله….بضحك خلي سقف طموحك عالي و اطمع في كرم ربنا

مصطفي….تفتكري

ليله…افتكر طبعاً لكل مجتهد نصيب

مصطفي….بضحك رفع ايده طيب يارب خليني اغني واحد في الدنيا عشان ادوس علي الخلق

ليله…..بضحك لا مش عالي اوي كده يا مصيبه

ضحك مصطفي

مصطفي……والله يا ليله من غير مجامله زيارتك ليا دي فرحتني اوي و شرف ليا و حياة ربنا خصوصا بعد اللي انتي كنتي فيه ده فا انك تيجي تباركيلي و انتي في الظروف دي حاجه كبيره اوي علي قلبي

ليله……يا حبيب قلبي انت اخويا الصغير و لولا الظروف والله يا مصطفي كنت جيتلك و وقفت معاك في الافتتاح بس انت عارف بقي

مصطفي……عارف والله و مستغرب انك جيتي كمان بس مبسوط

ليله…..مقدرش مجيش طبعاً يعني اخويا يكون بيفرح و اسيبوا يفرح لوحده

مصطفي…..الله بخليكي يارب علي راسي والله بص علي الورد تعبتي نفسك ليه

ابتسمت ليله ومسكت الورد مدت ايدها بيه

ليله…..دي حاجه بسيطه اوي مش مقامك يا صاصا مبروك يا حبيبي

مصطفي….بابتسامه خدوا منها الله يبارك فيكي يارب و بعدين مش مقامي ايه ده احلي بوكيه ورد جالي انا هاخده وانا مروح اصلا احتفظ بيه

ليله…..بضحك ماشي يا سيدي خده معاك

مصطفي…..واضح كده اني صاحب مكان فاشل سايبك واقفه وعنال ارغي اقعدي