لقاء كار.ثي

مصطفي….بصحك و صدمه ايه القلبه دي استهدي بالله مين زعلك

ليله….بضحك استني متضحكنيش خليني متقمصه الدور

مصطفي…..دور ايه حاسس انك هتمسكيني تهبديني في الارض وحدي الله

ليله…بضحك لا خلاص متخافش بص بجد والله العظيم انا المواقف دي بتوترني و مش بحبها بس من الاخر يعني سحبت ظرف من شنطتها وبصتلوا و ابتسمن دي حاجه بسيطه يا مصطفي مش مقامك والله العظيم

مصطفي….. بابتسامه اتكسف جدا لا لا لا استني بس هقولك مينفعش ابدا كده انتي زيارتك عندي بالدنيا كلها

ليله…..عارفه والله بس دي حاطه بسيطه انا مبعرفش اجيب هدايا للشباب و فكرت اجيبلك حاجه للمكان و عرفت انه اللهم بارك مش محتاج و اكيد مش هجيبلك حاجه ممكن متنفعكش فا انت جيب اللي علي مزاجك

مصطفي….طب بصي والله العظيم هزعل منك الورد كفايه عندي اوي

ليله…..اولا انا اختك الكبيره يعني مينفعش تقولي لا ثانيا الورد ده هديه للمكان مش ليك انما ده هديه ليك انت فا متعصبنيش بقي وخد يلا انا مرضتش اديك جوه عشان الصوت المزعج بتاعك ده

مصطفي .. .باحراج والله يا ليله انا ما عارف اقولك ايه بجد

ليله….ولا اي حاجه انا اختك يا اهبل و فرحانه بيك ايه مش عايزني افرح بيك يلا امسك

مصطفي….بابتسامه تجنن مسك الظرف ماشي يا ستي شكرا بجد و ربنا ما يحرمني منك و لا من زيارتك الغاليه علي قلبي دي رجع بص تاني للظرف وبصلها بطريقه مضحكه كام دول ؟

ضحكت ليله من قلبها و ضربته في كتفه

ليله…..انت مصيبه والله يا مصطفي ابقي عدهم علي مهلك بقي

مصطفي….بضحك تسلميلي يارب و بجد شكراً

ليله….حبيبي يا صاصا علي ايه بس يلا انا ماشيه عايز حاجه

مصطفي….عايز سلامتك علي معلك استني افتحلك الباب انتي صارفه و مكلفه

فضلت لياه ميته من الضحك لحد ما ركبت و هو كمان بيضحك دورت العربيه و طلعت و فضلت تضحك عليه و تهز راسها.

……………..

عند زوزو كانت قاعده تعمل الغداء و چوي جنبها بتساعدها و عماله ترغي معاها .

ايمي…..بهدوء بقولك ايه يا حودا

محمود…..قولي

ايمي…..انت رايح في حته

محمود…..لا انا كان عندي شغل من بليل لحد الضهر هرتاح شويه و عندي مشوار بليل

ايمي…..اممم طيب خلاص

محمود…..قولي عايزه

ايمي…..يعني بصراحه كنت هقولك لو ارتاحت شويه كده روح عدي علي المطعم بدل ريهام