لقاء كار.ثي

و كلهم قالوا محدش ليه دع ه بنور الدكتور اللي غلط

سليم….طيب فين العميد و فين الدكاتره ؟

نسمه… موجودين الدكاتره و المراقبين و المشرفين و حتي الامن كانوا بيحاولوا انهم يهدوا الموقف بس مكانوش عارفين الدكتور مستفز اوي و الشباب بداوا يتعصبوا عليه و العميد اتدخل بس في الاخر لما الموضوع وصل ليه كان فات وقت طويل من الامتحان باقي بس ساعه وربع و طبعاً ده وقت مش كافي خالص يا سليم حطت ايدها علي وشها وفضلت تعيط جامد

سليم…..طيب اهدي عشان خاطري براحه

رفعت وشها تاني و بصتلوا

نسمه…..هو حلف ان اللجنه كلها هتشيل الماده و طبعا كلنا عنلنا في شكوي بعد الامتحان و العميد سمعنا وكان في كام شاب مراقب مع الدكتور قالوا اللي حصل وانه هو اللي استفز نور و هو اللي متأخر و هو كمان اللي كان موترنا جداً بس الشكوي دي اتعملت بعد الامتحان ما خلص لكن قبل الامتحان و الوقت كان بيضيع العميد قال طيب روحوا ابدأوا الامتحان بتاعكم وانا هتدخل في الموضوع

سليم….طيب كويس يعني اكيد هو هيتصرف و خصوصاً لو الشكوي جماعيه من اللجنه كلها و كمان في ناس قالوا انه هو اللي غلطان

نسمه…..المشكله ان الدكتور ده متجوز اخت العميد يا سليم يعني ممكن يكون بيهدينا وخلاص عشان المشكله متكبرش هو اه العميد محترم و بنحبه جدا وهو بيحب الولد اللي اسمه نور ده بس مش عارفه

سليم….مفيش الكلام ده ادام شكوي جماعيه متقلقيش طيب انتوا ليه مخدتوش وقت اضافي حتي لو ربع ساعه

نسمه…..بدموع وانهيار لان في امتحان الوقت لو احنا اخر امتحان كان ممكن بس لسه في مادتين لدفعات غيرنا و المفروض احنا نخرج هما يدخلوا

سليم….طيب كده كده اللي حصل حصل انتي بقي حليتي كويس

نسمه…..بانهيار حليت ايه يا سليم بس في ساعه وربع ملحقتش اكيد اصلا لما رجعنا عشان الورق يتوزع و نحل هو فضل واقف علينا و في دكتور تاني قال انه يبدل معاه اللجنه عشان ميحصلش مشاكل بس الدكتور خلاص عند و صمم يفضل في لجنته و خلاها بجد زي الزفت والله يا سليم انا مش فارق معايا اللجنه تكون شديده لان الماده مش محتاجه وسهله و انا قولتلك اني مذاكراها كويس صح

سليم ….صح

نسمه …والله العظيم كنت مذكراها و دي اكتر ماده بحبها و كان عندي امل اجيب فيها تقدير كويس بس اللي حصل من الاول خالص بوظ اعصابنا و وترنا كلنا و ساعه وربع كانوا قليلين جدا انا لما مسكت الورقه الامتحان كويس بس مش قادره اركز عمال يتكلم و يستفز الشباب و فرحان في البنات عشان بيعيطوا بوظ اعصابي بجد حاولت احل بسرعه بس السؤال بياخد وقت
و المشكله انه مينفعش اختصار في اي اجابه