لقاء كار.ثي

محمود….هي مراحتش ولا ايه

ايمي…..ياض بطل غباء بقولك روح بدالها يعني اكيد هناك

محمود…..ماشي يا ستي هروح بس في ايه يعني هي عندها مشوار ولا ايه

ايمي…..لا بس بصراحه يعني قولت اخليها تيجي معايا انا و البنات انت عارف اننا هننزل نتفرج علي الفساتين و اختك لما عرفت جايه معانا وزمانها في الكريق و كمان اقي و نسمه يعني البنات كلهم نازلين والبت دي بحبها بصراحه و غلبانه كده و ملهاش حد غيرنا تيجي معانا و تشوف لو هتجيب حاجه فاهمني

محمود….اكيد طبعا خلاص هروح انا كدن كده مش ورايا حاجه اصلا بليل كنت هروح انا و تامر و الواد نادر نشوف حوار البدل ده بردو

ايمي….طيب ما تشوف رشيد و تروحوا معاهم هو و الشباب

محمود…..ماهو مقاليش و مش عارف هما هيروحوا ولا لا انهارده انا عندي شغل كتير الكام يوم الجايين وقولت فرضه انهارده

ايمي….هتصل انا عليه و اتاكد منه ولو رايحين اعملوا زينا وروحوا انتوا كمان مع بعض بس يعني لو فضيت روح بدالها ساعتين كده و وصي استاذ حازم هناك هو هيظبط الدنيا

محمود…..خلاص اشطا هقوم بس انام ساعه و لا اتنين كده انتي قولتي لسه هتتقابلوا سته يعني الحق انام شويه وبعدين هروح

ايمي….يعني اقولها خلاص

محمود….اه طبعاً قوليلها و اتفقي معاها يلا عشان تعمل حسابها

ايمي……خلاص ماشي استني اكلمها

اتصلت ايمي علي رقمها علي طول مش علي المكتب ثواني وردت

ريهام….هلا هلا هلا بام العيال القمر

ايمي….بضحك قلبي عامله ايه

ريهام….انتوا اللي عاملين ايه سمعت اني في مدعكه من غيري حاصله مش تقولولي طيب

ايمي…. بضحك خلصت علي خير يا معلمه متقلقيش كله تحت السيطره ليله فشخت الواقع

ريهام….بصحك والله العظيم يا ايمي امبارح بليل اما سلامه و ميدو حكوا اللي حصل انا مش عارفه ليه بقيت عماله اضحك رغم والله كنت مضايقه عشانها اوب بس تخيلت الموقف وهي طاحنه البت فطست من الضحك و كنت هموت واتفرج

ايمي……بضحك دي نعيمه بجلالة قدرها اللي بتموتوفي الخناق قالت انا خوفت علي البت من ليله وبقيت اهديها

ريهام….بضحك شكل كده فاتتنا معركه كبيره

ايمي……حصل بس المهم انها عدت علي خير

ريهام….اه والله ليله وعشري طيبين ويستاهلوا كل خير و بجد تعبوا و يستاهلوا يرتاحوا بقي و يفرحوا

ايمي….ان شاء الله كل حاجه هتتحسن