لقاء كار.ثي

محمود…. بضحك ايه كل ده ده انتي راضيه عنها اوي

ايمي…..البت تستاهل وبعدين ايه بكدب انا هي مش فيها كل المميزات دي

محمود….بصراحه هي تجنن و انتي مش بتكدبي

ايمي….طب ايه يا بارد يا تلاجه ما تتلحلح كده و اعمل منظر

محمود….. بابتسامه اااا طيب اعترف بحاجه بس تبقي سر من غير مسارح و خصوصا قدام امك وابوكي عشان لو عرفوا هيعملوا فيا زي ما عملوا فيكي مع رشيد لما جه اتقدملك امك كانت ناقص تقوله هنجهزك بس خدها

ايمي….بصحد اه متفكرنيش دي كانت بتدلل عليا قول يا سيدي مش هقول

محمود….بصراحه انا مركز معاها

ايمي…..او عييييييي

محمود….يخربيتك يا فضيحه اسكتي

ايمي…..وساكتليه يا واطي

محمود….ماهو انا ملحقتش يا ايمي انا قبل السفريه دي مكنتش اعرفها اه شوفتها بس محصلش بينا كلام او تعارف السفريه دي خلتني اركز و لفتت نظري بس انا محتاج وقت فهماني اكيد عابز اعرفها اكتر تعرفني اكتر اجس نبضها من بعيد يلبيد وبعدين انتي لسه قايله ريهام خام وانا واثق وابصم بالعشره ان مدخلش في حياتها شاب فهماني مش عايز ادخل هجم عليها عشان متبقاش متحمسه لحاجه عمرها ما عاشتها من غير تفكير عايزها تاخد وقتها و انا حابب افهمها اعرف نبداها بكلام بهزار بتعارف بحكاوي فهماني

ايمي…..جدع انت صح و انا معاك في اللي بتقوله ده بس المهم انك تكون بتتكلم جد مش بتشتغلني

محمود…والله العظيم مش بشتغلك ريهام عجباني و لفتت نظري و انتي اكتر حد عارف اني كنت مستحيل اقول الكلمه دي علي بنت بعد اللي انا كنت حاطت نفسي فيه طول السنين اللي فاتت بس لما حسيت اني بفكر بيها بدأت أحس اللي هو ايه ده ده ممكن اعملها تاني و بيني وبينك انا عايز الموضوع ياخد وقته عشان مظلمهاش عشان اتأكد اني مبقتش افكر في اي حاجه قديمه عايزها تنسيني يا ايمي عايز انسي معاها عايز ايديها كل اللي هي تستحقه ريهام مختلفه معندهاش تجارب خام زي ما قولتي فا انا عايز لو بقيت معاها ابقي استاهلها بجد

ايمي……بابتسامه جدع يا حودا وراجل و انا واثقه انها هتنسكي و هتلفا نظرك اكتر و هتتعلق بيها اكتر عشان بجد البت دي امها بتحبها و متربيه و انت وهي قلبكم مفيش زيه علي فكره انا فرحانه اوي والله العظيم بكلامك ده

محمود….بابتسامه عارف و ان شاء الله هفرحك اكتر بس خليني اخد وقت و من غير ضغط من زوزو بالذات