لقاء كار.ثي

و الامن اتدخل و راح نور بكل زمايله علي العميد و قالوا كل الي حصل و طبعا العميد كان شايف البنات منهارين و قهرتهم في عينهم و الشباب كلهم متعصبين عملوا شكوي جماعيه في الدكتور و في كام واحد من المراقبين قالوا انه فعلا اتأخر و هو اللي استفزهم و حولوا الدكتور للتحقيق.

نسمه كانت منهاره مع باقي زمايلها اللي في الاجان التانيه و كانوا عمالين يحاولوا يهدوا فيها كانت مقهوره و بتعيط بحرقه لانها متوقعتش ان اكتر ماده هي ضمناها و مقفلاها يحصل فيها كده ودي اخر سنه ليها كان نفسها تجيب تقدير او تنجح من غير مواد بس كانت مرعوبه من اللي حصل واتوترت جداً

سليم كام وصل من قبل الساعه اتنين و واقف ليها بره اتصل عليها الساعه اتنين و خمسه بالظبط مردتش كان موبايلها صامت و في الشنطه و من اللي حصل نسيت تفتحوا و كانت واقفه مع زمايلها بيحاولوا يهدوها ..

بدأ الدفعه بتاعت سنه رابعه تخرج و هي لحد اتنين وتلت لا خرجت ولا بترد و سمع الشباب و البنات بيتكلموا عن المشكله اللي حصلت و كان لامح بنات كتير بتعيط مكانش فاهم حاجه..

شاب…..يا ابني دي الدنيا كانت مقلوبه في الدور و بصراحه دكتور شعيب ده معروف دكتور رخم و لجنته زي الزفت و بصراحه نور عيل محترم يعني عشان يعمل مشكله زي دي لازم يكون الدكتور استفزه.

شاب اخر….والله حرام عليه البنات خارجين مموتين نفسهم من العياط و المشكله انها في اسهل ماده نكد عليهم منه لله.

بصلهم سليم و حس بقلق و توقع ان ممكن تكون المشكله اللي بيتكلم عنها الشباب تكون في لجنتها هي عشان اتأخرت
و بعدين رجع اتصل بيها تاني كانت سابت زمايلها و قالتلهم هتمشي عشان مش قادره طلعت موبايلها بالصدفه لقت سليم متصل بيها كذا مره و بيتصل تاني افتكرته و ردت و هي باين علي صوتها انها متدمره.

نسمه….الووو

سليم….انتي فين يا نسمه كل ده قلقتيني عليكي

نسمه….انا خارجه يا سليم

سليم….ايه ده مال صوتك في ايه

سكتت نسمه وفضلت تعيط مكانتش عارفه تتكلم لبست نضارتها و كملت مشي.

سليم….نسمه في ايه ردي عليا

نسمه…..انا جايه عليك هخرج

سليم…طيب بتعيطي ليه طيب فهمني في مشكله ولا الامتحان صعب

سمع صوت عياطها اكتر

سليم…طيب خلاص اهدي اهدي انا واقفلك يلا تعالي

نسمه….باي

سليم….سلام.

فضل سليم مستنيها و هو بيشرب سيجاره و قلقان صوت عياطها بالشكل ده ضايقه اوي.