لقاء كار.ثي

ليله… لا يا نوني هي مش محملاكي الذنب ولا مضايقه ان انتي تعرفي وهي لا انتي عارفه نادين كويس هي بس كانت عايزه تبقي معانا مش اكتر و فهمت خلاص و سكتت

نعيمه…..ماشي يا ستي

ليله….في حاجه بقي مهمه عايزه الفت نظرك ليها و حطيها حلقه في ودنك يا نوني

نعيمه……حاجه ايه ؟

ليله…..موضوع أيه عدي علي خير و موضوع عمر عدي علي خير و ربنا وقف معانا و مخذلناش و موجعش قلبنا علي اي حد من فتره بسيطه يا نوني انا زعلت منك او مش زعلت كلامك اثر فيا لما حصل موضوع هنا بنت حسان و انتي كمتي معترضه ان هنا تفضل مع سلمي و قولتي كلام كتير كده يومها انا قولتلك ايه فاكره؟؟

نعيمه….اه قولتيلي خدي بالك من كلامك عشان سلمي متزعلش وهي اللي اختارت

ليله…..لا مقصدش كده انا قولتلك يومها لما قولتيلي كلامك الخايب ده عايزه تبقي جدعه و الهبل اللي قولتيه وقتها ده انا يومها قولتلك انا لما بستجدع مع اي حد او بساعد اي حد مش شرط اني اعمل ده مع القريب زي ما انتي قولتي انا اعمل معاكم اي حاجه لكن حد برانا لا وقتها حاولت افهمك ان الجدع لازم يبقي جدع مع الكل و قولتلك اني لما بعمل كده مع اي حد حتي لو غريب عني بعمل ده لوجه الله و عشان يقعدلي في اعز ماليا انتوا او اخواتي و حصل يا نعيمه كلامي كان صح..

لما خدت هنا من سلمي يوم و حاولت اشيل عنها هي و حسان يمكن مكنتش مستنيه مقابل لان بعمل ده مع اختي و مع حسان اللي بعتبروا اخويا علا انا معرفهاش بس جايز اكون اشفقت عليها و في العموم حتي لو اعرفها مش هستجدع معاها عشان اخد منها مقابل بس صدقيني مفيش خير بيتعمل في اي بني ادم غير لما بيوصلك الرد و احلي رد يا نعيمه لما يجيلك من ربنا و لما ايه اتحطت في مصيبه ربنا ردلي فيها اللي عملتوا

هنا اللي كنتي معترضه علي وجودها مع سلمي هي اللي خرجت ايه من اللي كانت فيه شهادتها اللي فرقت

علا اللي كنتي شايفه انها غريبه عننا و ليه نقف معاها او مع طليقه حسان علي حد قولك ردت جميلنا في بنتها او جميل سلمي بلاش احنا ردت لسلمي اللي عملتوا و خلت بنتها تروح مكان زي ده وهي طفله صغيره مترددتش لحظه انها تنقذ ايه اخت سلمي من مصيبه وقعت فيها و لا قالت لا انا بنتي صغيره مقدرش اعرضها لموقف زي ده كانت ممكن تكتفي انها تقول لحسان اللي حصل بس هي طلعت جدعه و بعتت بنتها مع جوزها و خلتها قالت اللي شافته