لقاء كار.ثي

دقايق بسيطه و لمحها جايه من بعيد لابسه نضاره و لابسه بنطلون چينز و عليه بدي بنص كم بينك و معلقه السويت شيرت علي شنطتها

بعد العربيه و عدل نفسه قربت عليه وهي لسه بتعيط بس عياطها زاد لما شافته كأنها ما صدقت تستنجد بحد منها..

سليم…..ايه يا ماما في ايه ؟

و كأن كلمته دي زرار فتحها اكتر و انهارت

سليم….بصدمه ايه ده في ايه ؟
في ايه؟

محسش بنفسه غير وهو بيضم راسها وهي و لا اعترضت سندت راسها علي صدره وانهارت

سليم…..حط كفه علي راسها نسمه في ايه طيب اهدي طيب خلينا نركب طيب ونبعد عن هنا

هزت راسها فتحلها الباب ركبها و بعدين راح بسرعه ركب و طلع بالعربيه و هي عماله تعيط و مش قادره تتكلم

سليم….بهدوء طيب اهدي عشان خاطري حط كفه علي شعرها وفضل يحرك ايده براحه في اي شاب ضايقك طيب

هزت راسها بلأ كان بعد شويه عن الجامعه و رجع وقف في مكان هادي نزل وراح فتحلها الباب

سليم….تعالي انزلي في الهواء طيب

نسمه….بدموع لا مش عايزه

سند رجل علي الرصيف ورجل في الارض و مال شويه عليها

سليم….طيب زي ما تحبي بس عرفيني في ايه ؟ و ايه العياط ده كله اهدي شويه عشان خاطري حد ضايقك حد عملك حاجه

نسمه….بدموع لا بس حصل مشكله كبيره في اللجنه الامتحان المفروض ساعتين ونص ضاع الوقت كله و مبقاش فاضل غير ساعه وربع ملحقتش اعمل حاجه يا سليم

سليم…..طيب اهدي وحياتي متعيطييش مسح دموعها و بعدين مسك كفها طيب قوليلي مشكله ايه معاكي

نسمه….لا مش معايا مع ولد اسمه نور ده الاول علي الدفعه طول السنين اللي فاتت الدكتور اللي كان واقف مراقب علينا المفروض يكون موجود 11 ونص طالع اللجنه بعد نص ساعه فا الولد كان معترض لان الوقت اللي ضاع ده من وقتنا

سليم…..طيب و النص ساعه دي تفرق كتير معاكم عشان يعمل عليها مشكله

نسمه….ايوه يا سليم الماده سهله بس طويله جداً كل سؤال بياخد حوالي صفحه ونص او صفحتين يعني الوقت المحدد ده كله مش عشان الماده صعبه لكن عشان بتاخد وقت و طبيعي الوقت اللي بيروح ده مننا احنا الولد كان معترض و قالوا ان التاخير ده مش ذنبنا و الدكتور ده اصلا مفيش حد بيحبه و بجد رخم و مستفز و لجنته معروفه انها صعبه جدا هو استفز الولد و بصراحه نور ده محترم و مؤدب و معروف انه عمره ما بيغلط في حد ولا ليه في المشاكل و كان بيتكلم في حقه و حقنا طبعا المشكله كبرت و الدكتور بقي يستفزه و الوقت عمال يضيع اكتر و هو بيعند معانا مش راضي يوزع الورق غير لما نور يسكت و يقعد او يخرج و يلغيلوا الامتحان و باقي الشباب اتعصبوا جامد و الموضوع كبر و طلب الامن