لقاء كار.ثي

ليله…..بضحك اني لو حابه افصل هاجي الاقيك و اكيد مش هتسيبني في حالي

مصطفي ….بضحك ياستي والله تعالي انتي بس و مش هاجنبك جنبك

ليله…..حبيبي والله بهزر بجد المكان مفيهوش غلطه انت عارف ان انا مليش اوي في القراءه يعني بصراحه مش الجو بتاعي بس المكان يجبرك انك بجد تحبها شكل الكتب و اللوكيشن بتاعه يفتح نفسك اصلا

مصطفي…..والله يا ليله كلامك بجد فرحني اوي و شهادتك دي علي راسي

ليله…..انت تستاهل كل خير يا مصطفي و مش محتاج شهادتي صدقني عشان انت شاب طموح مجتهد محترم عندك فكره و موهبه و انا واثقه وافتكر كلامي دن كويس انك قريب هتكون حاجه كبيره

مصطفي…..ياستي الله يكرمك يارب

قرب شاب من اللي بيشتغلوا قدم المشروب و الكرواسون و معاه طبق كمان حلو معمول بالقهوه

الشاب…..بابتسامه اي خدمه تانيه

ليله…..ميرسي اوي بصت لمصطفي بعد ما مشي الشاب ايه كل ده بقولك مش بفطر

مصطفي…..وانا قولتلك هجرب فيكي و مليش دعوه الحجات دي الاسبيشيال للمكان اختراعات يعني لازم تجربيها و تدني رايك و بعدين انتوا مش عندكم مطعم يعني اكيد فاهمه و هتديني النصيحه الصح

ليله….اممممم اعمل فيها يعني فود بلوجر وكده

مصطفي…..ماشي موافق

ليله…..هتتقبل الانتقاد

مصطفي….ياستي اكتبي رأيك علي الحيطه اللي هناك دي انا عاملها مخصوص عشان كل اللي يدخل يقول رايه بصراحه في المكان في الخدمه في المشروبات الاكل

ليله…..الله بجد فكره تجنن مخدتش بالي منها

مصطفي….بضحك ما لازم متاخديش بالك لسه اللي مكتوب فيها قليل انا لسه فاتح امبارح يا ليله

ليله…..ان شاء الله قريب والجيست اللي هيجي المكان مش هيلاقي حته صغيره يكتب فيها و كويس ان الحيطه لسه فاضيه عشان اكتب براحتي

مصطفي……بضحح اه يبقي هتشتم واطلع مسرح ربنا يستر

ليله…..بضحك مش قولت بتتقبل الانتقاد اشرب بقي

مصطفي….ماشي يلا دوقي تحبي اسيبك لوحدك و تدوقي براحتك

ليله…..لو عندك شغل جوه قوم

مصطفي….بضحك صراحه لا انا خايف بس البس الحاجه دي في وشي انتي ست شريره و خايف برستيچي يضيع

ليله…..بضحك يا ابني بقي هتموتني اقول ايه علي اخواتك اللي مبوظين سمعتي دي

فضل مصطفي يضحك و هي مسكت السوكه و السكينه قطعت بيها الكرواسون و كلت حته و هي رافعه حاجبها و بعدين ابتسمت و هزت راسها و غمزتلوا