لقاء كار.ثي
لقاء كار.ثي
مصطفي….بابتسامه اه اوي انتي جيتي من السماء ليا والله يا لياه لسه بقولك عايزين بقي نزود كام صنف لحقتيني
ليله…لا اوعي تعمل كده اتقل واستني الحماس حلو بس لما يكون في الوقت الصح انت لسه فاتح امبارح معاك اصناف ماشاء الله تجنن و كفايه اوي اتقل شويه
مصطفي….ماشي هعمل كده والله وبجد نصيحتك دي فرقت معايا اوي
ليله….ولو نفذتها صدقني هتفرق معاك اكتر و اي قرار تحب انك تاخده شاركه مع حد فاهم و عنده خبره قبلك جايز ينصحك نصيحه تخليك تستني شويه او يقولك انك مش صح في القرار ده
مصطفي….والله العظيم انا بحبك اوي و انتي اجدع بنت في الدنيا
ليله….والله العظيم انت احلي شيف في الدنيا
مصطفي….طيب جربي الحلو بقي انا عارف ملكيش فيه اوي بس قوليلي رايك
ليله….ماشي يا سيدي هي جات علي الحلو فطرتني و شربتني حاجه غير القهوه وده ضدد طببعتي خد بالك
مصطفي….بضحك عقبال ما اخليكي تقراي كتاب
ليله…وهي بتاكل يخربيييييت و بيت شيطانك قسما بالله با مصطفي لو حرقت نفسك لا انا اللي هروقك ايه ده تحفه
مصطفي….بضحك احلفي
ليله…..والمصحف فظيت ورهيب اوعي يا مصطفي بجد تنزل بكل افكارك بسرعه اتقل الاصناف دي تستحق انها تاخد حقها بجد
مصطفي…..والله يا ليله انا مبسوط اوي برايك
ليله….انا مليش في الحلو بس انت جيبتني سكه عشان فيها قهوه و كمان مش مسكره اوي تحفه بجد
مصطفي…..الله يعدك يا ليله ويجبر بخاطرك والله فرحتيني اوي
ليله….والله مش بجبر بخاطرك حلوين اوي و يجننوا واستمر و هتنجح وهفكرك هتبقي اشهر و اشطر شيف حلواني في الدنيا وخد بالك انا مش ناسيه حوار البود كاست اللي وعدتك بيه بس اخلص من الفرح الاول واروق كده و هروق عليك
مصطفي….بضحك عارف والله من غير ما تقولي
ليله….ااااه طيب يا سدي انا مضطره بقي امشي عشان هروح اطمن علي اختي وابنها انت عارف امبارح كان يوم صعب عليهم و لسه هقابل البنات عشان ننزل نجيب الفساتين
مصطفي……خليكي شويه
ليله….والله هجيلك تاني و هقرفك و هيبقي مكاني المفضل من هنا ورايح
خصوصا انا مضايقه بس اوعي تفتن عليا و تقول اني عندك
مصطفي ….اقول ايه بس ده هخليهم يلفوا الدنيا عليكي و خصوصا جوزك خلاص مبقتش اخاف من ايده في ضهري ست مفتريه
ليله…..بضحك بلا خيبه مش اوي كده ده لو قفشني انا وانت هيطبقنا
