لقاء كار.ثي
لقاء كار.ثي
سليم…..بابتسامه طيب بس بقي عشان خاطري سحب منديل ومسح دموعها فداكي اي حاجه انتي عملتي اللي عليكي و ربنا عارف انك تعبتي و اكيد مش هيضيع مجهودك انتي و زمايلك متخافيش
سكتت و هو فضل ساكت وباصص عليها لما خلصت عياطها كله و كانت ماسكه في كفه
سليم…..بابتسامه هاديه احسن ؟
نسمه…..بصتلوا بهدوء و ابتسمت ابتسامه بسيطه الحمد لله اسفه بجد يا سليم دوشتك معايا و عطلتك كتير
سليم…..ولا يهمك اي حاجه المهم انك بخير
نسمه….بزعل هو انا ممكن اشيل الماده؟
سليم…..بابتسامه تؤ مش هتشيلي حاجه و متخافيش و انسي بقي الماده دي خالص و سيبيها علي ربنا وركزي في اخر مادتين عندك
نسمه….حاضر
سليم…..ممكن بقي القمر تضحك
ابتسمت باحراج و بصت بطرف عينها علي كفه اللي مش سايب كفها
سليم…..مسكها من مناخيرها وهو بيضحك مناخيرك حمراء خالص
نسمه….بضحك انت بتتريق عليا
سليم….اه عندك اعتراض
نسمه….لا مش عندي اعترض براحتك فرصتك مش قادره اتكلم اصلا و مصدعه خالص
سليم…..من كتر العياط و اكيد مفطرتيش صح
هزت راسها بلأ
سليم……ولا انا و عقاباً ليكي علي الخضه اللي اتخضتها دي هتعزميني علي الفطار قولتي ايه
نسمه….بأبتسامه حاضر عايز تاكل ايه ؟
سليم….بتفكير ابتسم امممممممم ممكن مندي و نص خروف وووو
نسمه….بابتسامه بصتلوا بصدمه وووو ايه انت لسه هتكمل
سليم…..ايه قليل ولا كتير
نسمه….بصوت هادي و هي بتضحك اللي انت شايفه
سليم….ما انا بقول بلاش خروف كامل عشان شويه و هتغدي فا كفايه نص خروف
فضلت تضحك و هي بصاله
سليم…..بابتسامه ايوه كده اضحكي مش عايزك تعيطي تاني ابداً
نسمه….حاضر طيب هتاكل مندي و نص خروف بجد
سليم….امممممم مش جاي معاكي الخروف شكلك طيب نبدل الاكل ناكل سمك
نسمه….بضحك انا مش هعزمك علي خاجه يا سليم خلاص
سليم…..اوبااااااا طلعتي بخيله مش عايزه تعزميني
نسمه….في حد يفطر مندي و نص خروف
سليم…..اه انا و باكل علي الغداء خروف و في العشا ممكن نص يعني خروفين في اليوم
نسمه….ايه الكدب ده انت رفيع
سليم…..ماهو مش بالوزن علي فكره
نسمه….بردوا كداب انا شوفتك وانت بتاكل لما سافرنا مش بتاكل كتير
سليم….بابتسامه وانتي بقي مركزه في اكلي ليه هاااا
نسمه…..بضحكه كسوف بطل رخامه مركزتش احنا كنا بناكل مع بعض عادي
