تعاهدنا

خلاف بسيط او متفقناش لا كنت هبقي في نظره

خاينه صدقيني يا ماما لما كنت بقولك اني مش برتاح

لطنط سهام وعهد كنت عايزه اجي احكيلك كل حاجه

بس كنت خايفه كنت بحاول انصحك وافتح عنيكي

عن حقيقه انتي مش شيفاها .صدقوني الناس دي

وحشه وانا معملتش حاجه وحيات اللي في بطني

اللي اتمنيته سنين انا وادم ده اللي حصل.

رقيه وحسن كانوا باصينلها بصدمه من اللي بيسمعوه

مش عارفين يصدقوها ولا يكذبوها كان عندها

قوه براعه وإقناع وتأثير خاص مش موجودين عند

اي بشر عاديين.

رقيه…..بس ادهم قال كلام غير ده يا ساره ادم قال

انك بتحبيه وقال انك هددتيه كذا مره وقال كمان

ان انتي اللي كنتي بتحاولي تقربي منه

حسن….مش بس كده يا ساره ادهم قال ان بسبب

اللي كنتي بتعمليه ساب الشغل معايا وقرر انه

يسافر عشان تقدري تنسيه وعشان متعمليش اي

تصرف يخليه يخسر اخوه.

ساره….بدموع تمثيل وصدمه مصطنعه مستحيل

ادهم لا يمكن يعمل كده وبعدين يعمل كده معايا

ليه ده انا كنت بحاول انقذه من عهد وامها كنت بحاول

اساعده صعب عليا واعتبرته اخويا اكيد في حاجه

غلط ومش بعيد تكون طنط سهام هي اللي وصتلتله

اي حاجه غلط عني زي ما كنت بتهددني

حسن….طيب وكلام سهام اللي تقريبا عكس كلامك

سهام تقريبا قالت نفس كلامك لكن بالعكس قالت

ان انتي اللي عامله كل ده

ساره….بدموع كدب كدب وانا مستحيل بعد انهارده

اسكت هفضحها هي وبنتها وهاخد حقي منها

حسن…ساره احنا مش عايزين شوشره احنا جينا اتكلمنا

معاكي عشان نفهم ومن غير ما ادم يعرف اي حاجه

لان اللي بيتقال ده صعب ادم يتحمله

ساره….ومين اللي بيعمل الشوشره دي يا بابا انا ولا هي

ده حتي ادهم فدرت تعمله غسيل مخ ومش بعيد تكون

شرطت عليه انها توافق علي جوازه من عهد قصاد

انه يتهمني بكلامه ده.

رقيه…وتفتكري يا ساره ادهم يجي علي اخوه ويكسره

عشان خاطر نفسه.

ساره….يعني تفتكري يا ماما انا اللي اعمل كده تفتكري

لو انا مش بحب ادم كنت هتجوزه هستفاد ايه من جوازي

بأدم لو انا بحب ادهم هستفاد ايه لما احمل من ادم

وانا مش بحبه ليه شاكين فيا انا ومصدقينهم هما

عشان انا مش بنتكم لو حضرتك يا بابا شايف انكم

كنتوا اهل ليا وعمركم ما أثرتوا معايا طيب هل انا عمري

في يوم كنت وحشه عمري ضايقت حد فيكم

ده انا اعتبرتكم اهلي وحياتي كلها افتكرولي غلطه