تعاهدنا

ادهم يطلب ايد عهد لكن اتفاجئنا كلنا بوجود عاصم واهله

وساعتها طنط سهام قالت انها اتفاجئت انهم كانوا بيحبوا

بعض والكلام اللي قالته وقتها .

بعدها انا كلمت طنط سهام بصراحه كان عندي فضول

اعرف ليه عملت كده لما هي موافقه علي ادهم

قالتلي انها غيرت رأيها بعد العروض اللي كانت عارفه ان

عاصم هيقدمها لعهد بصراحه وقتها صعب عليا ادهم

وصعبت عليا عهد لما شوفتها قاعده تعيط وساكته

وقت ما كنتوا بتحاولوا تقنعوا طنط سهام.

قالتلي بالنص ان عهد مش عارفه ازاي تبعد بشياكه

عن ادهم فامثلت انها مجبره وهددتني تاني قالتلي

انا بقولك كل حاجه بصراحه عشان عارفه انك مش هتفتحي

بوئك قالتلي انتي قولتي مره لادهم وجه بهدل الدنيا

وانا حبيت اربيه عشان يفكر الف مره قبل ما يتكلم

بالطريقه دي معايا عشان كده جبت عاصم لحد عندي

وجبته هو كمان وهو فاكر اني هوافق عليه لكن ردتله

اللي عمله الضعف وكسرت قلبه اما انتي هعديهالك

لكن المره اللي بعدها لو حاولتي تفتحي بوئك انا اللي

هسوأ سمعتك مع ادهم وساعتها محدش هيسمي عليكي

وقتها بعدت وانا خايفه تعمل كده فعلا وبصراحه خوفت

ادم يصدقها يمكن انا عارفه ادم ببحبني قد ايه بس كنت

خايفه يصدق خصوصا ان ادهم ليه كذا موقف معايا

بعد جوازي من ادم…وكملت باحراج مصطنع يعني ادهم

حاول في مره انه يقرب مني سكت ومرضتش اتكلم

عشان ميحصلش مشكله كبيره لكن في مره تانيه

كنت معديه قدام الاوضه بتاعته شدني جوه

وقتها قاومته وجريت وكنت منهاره ووقتها قولت لادم

ومقدرتش اخبي عليه كنت بصراحه خايفه من ادهم

وعلي قد ما كنت خايفه من رد فعل ادم لكن هو هداني

واتعامل مع الموقف بعقلانية كلم ادهم بهدوء ادم طيب

سامح ادم وقالي معلش ادم شاب ولسه صغير اكيد

الشيطان اتملك منه وعموما انا كلمته وهو مش هيقربلك

تاني وبعدها فعلا ادهم بعد ومبقاش يقعد في البيت

كتير كان محرج من ادم جدا.

وتقدروا طبعا تسألوا ادم عن اللي بقوله.

اما بخصوص طنط سهام انا قررت اسكت وخوفت

انها تقول لادم خفت الشيطان يلعب في عقله ويفتكر

الموقف ده خوفت يصدقها ويفكر اني فعلا حبيته وان

انا وهو بنخونه فا قررت اسكت هو ده كل اللي حصل

صدقوني انا مش بكدب انا لو كنت سكت سكت لاني

بحب ادم وخايفه بيتي يتخرب واللي في بطني يجي

الدنيا وانا وابوه بعيد عن بعض وياريتنا بعيد بسبب