لقاء كارثي

ليله…..بكره الافتااح خلاص صح

عشري…..اه ان شاء الله هو تقدري تقولي كده المعرض خلاص اتفتح الحمد لله كل حاجه وصلت و كله تمام

ليله….بقولك ايه صحيح هو احنا هنسافر ازاي

عشري….كويس انك فكرتيني نسيت اتصل بالشاب اللي هيحجز لينا بس يعني ايه هنسافر ازاي

ليله….يعني احنا ماشاء الله كتير اوي هنطلع كلنا كده بالعربيات وراء بعض

عشري….هو احنا قد ايه بالظبط سلامه و عسال قالوا ان امهم واخواتهم تمام و انا سليم وعدي تمام بردوا

ليله…..هو غالباً كلنا تمام محدش مش هيجي بس كام معرفش

عشري…..طب عديهم كده احنا كده الشباب و البنات 12 واخواتي 14

ليله….استني بص احنا هنعد اللي زياده علي سفريتنا الاولي تمام

عشري…..تمام

ليله….يعني اهل سلامه وعسال 3 اخواته و مامتهم و انت اتنين اخواتك و انا تقي يعني كده سته زياده و في تامر و اخوات نعيمه تلاته كمان يعني تسعه و محمود اخو ايمي عشره و احنا 12 يعني اربعه و عشرين

عشري…..هي اخت ايمي مش جايه هي و عمرو جوزها

ليله….معرفش بس محمود اكيد

عشري…..يعني لو جم معانا بقينا 26

ليله…..طيب يعني تفتكر هنروح كلنا بعربيات ايه هو موكب

عشري…..لا اكيد مش هنروح بعربيات كتير كده و بعدين كل بنت منكم هتركب مع حد فينا يعني انتوا مش معاكم عربيات

ليله….ايوه بس اللي معانا اكيد معاهم عربيات يعني لو انتوا ست عربيات زيد عليهم مثلا عربيه زياده لاهل سلامه وعسال و ممكن محمود وتامر يعني عشره

عشري….لا كتير اوي يعني عايزين نخف الحمل شويه

ليله….خلاص نركب مع بعض

عشري…..ماهو بردوا مش حاببن حد يتعب و نبقي متزنقين في بعض

ليله…..ماهي ملهاش حل غير كده

عشري…..خليني الاول اتثل بس بالراجل ده عشان مفيش وقت غير بكره يشوفلنا حاجه نقعد فيها

ليله….ومعاه الخميس طول اليوم احنا هنمشي بليل و بعدين اكيد هنلاقي احنا مسافرين في وقت هادي

عشري…..ايوه بس انا في حاجه كده معينه في دماغي محتاجه لفه كويسه

ليله ….حاجه ايه

عشري ….الشاليهات مش هتقضي يا ليله بتبقي صغيره واحنا عدد

ليله ….هو مش انتوا قولتوا احنا هنقعد لوحدنا و انتوا لوحدكم

عشري…..ايوه بس حتي لو شباب مع بعض و بنات مع بعض الشاليه صغير احنا الڤيلا اللي كنا فيها مكانتش كبيره و كانت اربع اوض و قسمنا نفسنا عليهم عايز اشوف حاجه اكبر شويه و فنفس الوقت تكونوا مرتاحين يعني انتوا مثلا سته و معاكم حنون و ريهام و تقي و نسمه يعني عشره و لو امنيه اخت ايمي جات بقيتوا 11 واحنا بردوا معانا عدي سليم تامر محمود نادر زيكم هنترمي في اوضتين فوق بعض

ليله….طيب بتفكر في ايه

عشري…..ڤلتين و كبار مش صغيرين و ياريت لو نلاقي حاجه نظامها يكون الڤلل لازقه في بعض عشان نبقي معاكم و جنبكم

ليله….طيب خلاص شوف كده هتعمل ايه مع الراجل

عشري…..استني هتصل عليه

جاب الرقم و اتصل عليه ثواني ورد عليه الشاب اللي بيتعامل معاه عشري.

عشري….الووو سمير

سمير….اهلا بالباشا بتاعنا

عشري….ازيك يا سمير عامل ايه

سمير ….كله تمام الحمد لله اخبارك انت ايه

عشري….زي الفل والله واحشني

سمير….والله انت اكتر و من كام يوم كنت في سيرتك مع ناس حبايبي

عشري…حبيبي يا سمير الله يسعدك

سمير…..مش هنشوفك قريب

عشري….مانا بكلمك عشان كده

سمير…..طيب كويس قولي محتاج ايه

عشري…..بص يا سمير ان شاء الله كده يوم الخميس قبل الفجر كده هتحرك و كنت محتاج ڤلتين كبار و يكونوا جنب بعض و خد بالك احنا عدد يعني حوالي 24 فرد شباب و حريم فا محتاج ڤيلا للشباب و ڤيلا للحريم بس مش عايزهم بعيد عن بعض

سمير…..عيوني عندي ڤلتين موجودين مع بعض اصلاً يعني اتنين مبني بس طبعاً الباب بالجنينه بحمام السباحه بالقاعده اللي بره مشتركين

بس كل مبني منفصل هي ڤيلا كبيره و تجنن في الجونه

عشري….لا استني جونه ايه انا عايز السخنه مش عايز ابعد كده

سمير…..مانت عارف نظام السخنه كويس كلها كمباوند و شاليهات مستحيل تلاقي فيها حاجه بالمواصافات دي يعني في ڤلل بس صغيره لو المساحه عندك مش فارقه اشوفلك ڤلتين حلوين يكونوا جنب بعض بس طبعاً مش بنفس النظام اللي بتقول عليه هما جنب بعض بس منفصلين

عشري….ودول كام اوضه

سمير…..يعني اربع اوض اتنين منهم ماستر و اتنين عادي بس الغرف العاديه فيها سريرين و الماستر سرير

عشري….لا دي متنفعش خالص يعني الشباب حوالي 11 والحريم زيهم مثلاً يعني لو مل اتنين في اوضه يبقي 8 افراد و انا بقولم احنا 11 كمان السراير قليله

سمير….ما عشان كده لما قولتلي اول حاجه جات في بالي الڤيلا بتاعت الجونه اصلا المبني الواحد فيه ست غرف و كل غرفه بسريرين و تقريباً كلهم ماستر نظام عالي و شغل فنادق و كمان جديده يعني سكن فيها حوالي مرتين مش اكتر

عشري….ايوه بس بعيده

سميره….بس تستاهل و الجو هناك الوقت تحفه و رايق لكن في السخنه مش هتلاقي اللي انت عايزه والله لو فيه قدامي حاجه هقولك اكيد بس كله هتلاقيه نفس النظام و التقسيمه و عموماً خليني اقفل معاك و ابعتلك شويه صور كده للي موجود في السخنه و هبعتلك بردوا بتاعت الجونه و قولي اللي انت عايزه انا معاك.

عشري….طيب ابعت علي طول الوقت و هشوف كده و ارجعلك

سمير….تمام حالا

عشري….يلا سلام

سمير…..سلام.

ليله….جونه ايه انا مش فاهمه

عشري …بيقولي ان النظام ده مش موجود في السخنه الڤلل صغيره و الشاليهات طبعاً اخرها غرفتين فا بيقولي ان في في الجونه ڤيلتين كبار مع بعض في نفس المكان

ليله….بس الجونه بعيد

عشري….ما انا بقولوا عشان كده بس هنشوف الصور

بدأ سمير يبعتلوا صور كتير للڤلل الموجوده في السخنه و كان باين انها فعلاً مساحتها صغيره و كمان مكانتش احسن حاجه.

ليله…..دول اصغر من بتاعت دهب متهيألي مع انها بردوا كانت اربع اوض

عشري…..لا لا دي اصغر حتي الغرف صغيره و بعدين لا مش حلوين و الفرش مش كويس

بعتلوا رساله و قالوا الصور اللي جايه دي بتاعة الجونه

عشري…..هيبعت صور بتاعت الجونه

ليله….نامت علي كتفه يلا فرجني

لف دراعه علي كتفها ضمها بحب و باس راسها

عشري…..بردانه

ليله….لا تمام

عشري….اهو بعت اوبااااااااااا

ليله…..ماشاء الله تجنن يا عشري

عشري….دول ڤلتين بجد عامله زي المجمع

ليله…..عشري دي حلوه بشكل غبي بس المشكله انها في الجونه

عشري….لا بس تجنن دي خمس نجوم استني كده

اتصل عشري عليه

سمير…..ايوه يا حبيبي

عشري…..سمير هي بتاعت الجونه دي نفس الصور

سمير….عيب انت عارف ان الصور اللي عندي علي الطبيعه و انا اللي مصور بنفسي

عشري…..دي تجنن بجد نفس طلبي

سمير…..ما انا قولتلك جات في دماغي علي طول

عشري….طب اكيد مفيش حاجه زي دي في السخنه

سمير….مستحيل والله لو في اكيد هقولك بس انت بتيجي ديماً وعارف نظام البلد هنا و اللي بعتهولك هو المتاح

عشري…..لا بس لا مبني ولا فرش حلو انا عايز حاجه من الاخر

سمير…..يبقي هي بتاعت الجونه

عشري….امممم طيب هي موجوده اكيد

سمير….اه فاضيه متقلقش شوف نفسك ورد عليا

عشري….طيب هتكلم انا كده معاهم و هرجعلك

سمير….وانا مستنيك

عشري…سلام يا حبيبي

سمير …مع السلامه

عشري….بص لليله ايه

ليله …ايه انت هي تجنن بس جونه ده احنا مرضيناش نروح دهب يعني نفس التوقيت تقريباً

عشري….هي الجونه اقرب شويه بس تستاهل قولتي ايه

ليله….بضحكه جميله انا معنديش مشكله علي فكره حتي لو دهب شوف رأي الباقي انا من رايي عشان تختصر وقت ابعتلهم كل الصور علي الشات اللي بينا و عرفهم اللي حصل و شوف رايهم

عشري…..طيب تمام استني كده نشوف هيقولوا ايه

ليله…..ماشي

بعت عشري الصور كلها و بعتلهم ڤويس باللي حصل و طلب منهم الرد
ثواني و بداوا يردوا عليه

حسان…..يخربيت عقلك جونه بعيد بس صراحه الڤيلا تجنن اخلي من التانين بكتير و الاحلي ان الڤلل في نفس المكان

عشري…..طب ايه قرروا

فضل….انا معنديش مشكله

عسال….حلوه اوي انا كمان تمام هي بعيده شويه بس اشطا

ايمي…..حلوه دي يا بلطجي انا موافقه اصلا مش بحب السخنه اوي

بعتتلها ليله ڤويس.

ليله….بضحك تموتي انتي في الصياعه و الكريق الطويل زيي

ايمي….بضحك بتعملي ايه مع البلطجي يا ست ليله هانم

ليله….ملكيش فيه يا رخمه و يلا قرروا عشان عشري يرد علي الراجل

رشيد….مساء الفل اللي هتتفقوا عليه انا تمام معنديش مشكله

سلامه….مسا مسا حلوه دي اوي يا عشري

عشري….طب ايه البنات عندكم مشكله سلمي و ايه انتوا فين ابوكم هيوافق و لا هيعترض

سلمي…..مساء الخير اخباركم ايه جميعاً لا يا عشري ميتهياليش يعني هيعترض المكان مش هيفرق يعني بس الشواقه كتير اوي

سلامه….علي اساس انتي اللي هتسوقي يعني والنبي اسكتي يا سلمي

حسان……اتكلم معاها عدل ياض بدل ما اجيلك

سلامه…..حبيبي انت هنا طيب استاذه سلمي متحمليش هم السواقه هترتاحي

عشري….بعت ڤويس و هو بيضحك انت خواف اوي ياض

ليله….سلامه يا جبان

سلامه….بضحك انا عايز اكل عيش يا ليله دي عيال مفتريه

ايه …الله حلوه اوي بجد هو احنا مينفعش نشتريها و نعيش فيها كلنا

سلامه…..بضحك بتاعت احلام العصر شرفت

عشري…..لا بص انتي وهي انا مش باخد رايكم في التشطيب انجزوا

نعيمه…..لو فضل موافق انا موافقه

ايمي…..احييييييه علي اللي شبشبي وحشها

فضل….بضحك مالك انتي يا رخمه ما تشوف مراتك يا عم رشيد

عشري…..بضحك طيب واضح انكم فاضيين و حاببن تنكشوا بعض و واضح كمان ان الكل موافق اروح انا بقي اعرف الراجل عشان يحجزها

رشيد….حسابها كام دي يا عشري

عشري…..معرفش يا رشيد مسألتش

سلامه….اكتر من عشر الاف في الاسبوع مش دافع

عشري…..بضحك لو مفيش بنات معانا في الشات كنت اديتك التحيه
و عرفتك العشر الاف دول تحطهم فين

سلامه…..بضحك وصلت يا صاحبي

فضل….بضحك عيل مهزق بتجيب لروحك البهدله

سلامه….انا مبردش علي رعاة غنم

رشيد….بضحك جدع ياض يا سلامه اتلم يار راعي الغنم منك ايه ملكوش دعوه بسلامه

فضل…..ما بلاش انت

سلامه….متردش عليهم يا رشيد و تنزل لمستواعن دول عايزين عصايه و شويه غنم يسرحوا بيهم

فضل…..هجيبلك انا العصايه و هاجي و انت عارف هعمل بيها ايه

حسان…..اتلم يا واطي منك ليه و يلا اتكلوا

سلامه….بضحك لا متجيش في عشر الاف سبقوا العصايه مفيش مكان

عسال….سلاااامه امسك العقل و انت اتكل

فضل…..اهلا بالمحترم بتاعنا

عسال….بضحك ما نلم لساننا شويه
في بنات

فضل…..اخوك اللي نكشني

عسال….معلش امسحها فيا انا

فضل….عشان خاطرك انت بس يا عم عسااال يا محترم

ايمي… بضحك واضح انك بتجز علي سنانك في محترم دي

فضل….حسيتي بيا صح

ايمي….اوي

عسال…..بضحك اعمل ايه طيب مضطر اتحملوا عشان خاطر عشري حبيبي

فضل…..حبيبك هاااا طب عليك و علي اخوك يا ميدو

عسال ….ايه و حشك البوكس

فضل…..بضحك كان علي خوانه يا واطي بس لو قفشتك هروق عليك

عسال…..انا مش هرد عليك و اعمل عقلي بعقلك بس لما اشوفك هنفخك

فضل…..متقدرش

عسال….بضحك اقولك انا هسلط عليك مصطفي هو جاي اصلا و ناويلكم علي نيه سوده و الله يا فضل لا اول مقلب يعملوا هيكون فيك

فضل….هنشوف يقرب بس هو و الله احدفكم كلكم في البسين الحلو ده

رشيد….واضح كده انها هتبقي سفريه عنب

عسال….حقي يا عم رشيد داخل. اقولوا امسحها فيا قل ادبوا

رشيد….علي حق يا ميدو ده مترباش بلطجي زي ابن خاله

عشري…..طب وليه كده جيت جنبك انا الوقت يا واطي

رشيد….بضحك ابه ده حبيبي انت لسه هنا

عشري….بضحك كنت بكلم الراجل و خلاص اتفقنا بقولكم ايه

رشيد….قول

عشري ….اجيب عربيه كبيره تاخدنا كلنا بدل ما نسوق الوقت ده كله و بدل ما نروح باسطول العربيات ده

رشيد….و هو بذمتك في عربيه تاخد العدد ده احنا كتير

عشري…..ياعم مش قصدي عربيه يعني سوبر چيت ميني باص مجهز للرحلات كده يعني

حسان…..انا موافق و جداً بجد علي الاقل مبقاش متوتر بسبب سواقتكم المهببه علي الطريق

عسال…..و انا موافق فكره حلوه عشان نبقي مع بعض.

فضل….ياعم سوبر چيت ايه احنا عددنا مش كبير للدرجه الچيت كبير علينا

عشري….ولا كبير ولا حاجه احنا 24 فرد

فضل…..بضحك انت بتتكلم جد

ايمي…..بضحك احيه ايه رحله المدرسه دي لا مستحيل

عشري…..والله احسبيهم هتلاقيهم زي ما قولتلك صحيح اختك و عمرو جايين ولا لا

ايمي….مش عارفه يا عشري والله انا قولت لامنيه قالتلي هتقولوا بس ممكن ميعرفوش عشان عمرو عنده شغل بس محمود جاي

عشري…..عموما لو جم مش هيزودوا كتير احما في كل الاحوالي كتير

فضل….بس الچيت كبير يا عشري

عشري….ولا كبير ولا حاجه علي الاقل لو حد تعب و حابب يريح يبقي في كراسي فاضيه

ايه…..انا موافقه جداً بس انا اللي هقعد وراء مليش دعوه

نادين…مساء الخير عاملين ايه ؟ وحشتوني اوي

ايمي….قلبي الصغنن

عشري….قلب اخوها القمر عامله ايه

نادين ….الحمد لله يا عشري اخباركم ايه ايمي يا قلبي

عسال بعتلها استيكر عليه بوسه

فضل…..اتلم يا عسال

عسال….بضحك يا جدع انت مالك و مالي

فضل…..بضحك دخلت قولتلنا اتلموا ما تتلم انت كمان

عسال ….انا ومراتي حرين انت لسه خاطب اخرج من الشات عشان انت لسه صغير

فضل….وديني ما هسيبك يا واطي

عشري…..نودي ايه رأيك في موضوع الجونه ده و ايه رأيك في الڤيلا

نادين….لسه شايفه كلامكم يا عشري حلوه اوي تجنن ولفتت نظري اصلا عشان كده دخلت اسالك علي حاجه

عشري…..حاجه ايه ؟

نادين….هي دي الڤيلا بتاعت استاذ حسين السعيد

عشري…..مين حسين السعيد ده لا معرفش

نادين .. طيب انت حجزتها من واحد اسمه سمير الريس

عشري….بضحك اوباااااا يخربيت عقلك شيطانه انتب تعرفي سمير

نادين…..بضحك اه طبعاً كنت بتعامل معاه اصلا ووانا اللي بايعه الڤيلا دي لاستاذ حسين من مده بسيطه..

عشري…..بتتكلمي جد

نادين …والله العظيم

ايمي….اللي مشرفانا

ليله….بت يا نادين دي بتاعت حسين السعيد بجد

نادين …اه هي والله انا عرفتها من الصور اصلا

ليله….انا مشوفتش الصور بس عارفه ان انتي كنتي بيعاها ليه

نادين…..لا بس هي تحفه علي فكره و نضيفه و جامده جداً

سلامه….مرات اخويا اللي مشرفانا بقولك ايه تخلي استاذ سمير بقي ينزلها من عشر الاف لخمسه

نادين…..بضحك حرام عليك يا مفتري دي الڤيلا من جوه تجنن و كل مبني يا عشري نسخه من التاني هما قد بعض بالظبط

عشري….طب يعني حلوه اكيد زي الصور علي ضمانتك

نادين….طبعاً يعني لو اتفقتوا خلاص اوك

عشري….طيب انتي عندك مشكله في الجونه

نادين….لا خالص لو ميدو موافق تمام

رشيد….عصافير الحب علي راي ايمي

عسال…..قلب ميدو انا موافق يا قلبي

عشري……طيب علي بركه الله و بخصوص الچيت اتفق ولا ايه

رشيد…خلاص تمام خلينا مع بعض وبدل ما نسافر بالعربيات دي كلها بس مش هنحتاج عربيه معانا هناك

عشري….هنعمل بيها ايه احنا مش هنتحرك في البلد يعني احنا رايحين نفصل في مكان حلو مع بعض و خلاص و لو احتاجنا متقلقش هتصل علي سمير يظبطنا

رشيد….تمام اتفقنا

عشري…..يلا اتكلوا بقي عشان اقعد مع حبيبتي

قفل عشري الشات و بص لليله

عشري…..عيال رغايه

ابتسمت ليله بحب و نامت علي كتفه.

………………..

انتهي اليوم بسعاده علي الجميع

وجه تاني يوم الخاص بأفتتاح الفرع الثاني لمعرض السيارات بتاعهم علي الساعه اربعه بعد العصر الشباب كلهم كانوا في المعرض كانوا مضغوطين جداً جايلهم ناس تقيله بيتعاملوا معاهم ديماً و وصل كمان ناس و معارف تقيله لعشري و فضل من سيناء معارف لرشيد و معارف تقيله لحسان و معارف سلامه و عسال

و من ضمن اللي كانوا مدعوين عل الافتتاح عادل والد نعيمه و احمد و حماده و الشباب حتي اخوات عشري كانوا موجودين

الناس كانت بتروح تبارك و تقعد شويه و تمشي و اللي بيتفرج علي العربيات اللي تجنن الشباب كانوا واقفين بكل هيبه بالبدل بتاعتهم و شكلهم يجنن و كل واحد فيهم واقف مع مجموعه من الناس بيرحبوا بيهم علي طريقتهم الخاصه

فضلوا علي الكلام ده من بداية الساعه خمسه لحد الساعه عشره و هما بيقابلوا في الناس و بيرحبوا بيهم المكان راق كتير عن الاول

و علي الساعه عشره ونص كده وصل البنات و كان سابقهم عربيه قدامهم مليانه ورد اتفقت معاهم ليله انهم يجيبوا ورد و يباركوا بطريقتهم

المكان كان يجنن و خيالي شيك جداً مساحته واسعه و المكان قدامه واسع جداً فا ظاهر اوي و كل العربيات فيه ظاهره وتجنن كان دورين و كله زجاج و متصمم بشكل يجنن.

نزلوا البنات و دخلوا بهدوء استقبلوهم الشباب و دخل وراء البنات ثلاث شباب يدخلوا في كم الورد اللي جابوا

عشري…..بضحك ايه يا مجانين ده كله

سلامه …الله المكان اتملأ ورد

رشيد….للشباب اللي شغالين في المعرض يا شباب ساعدوا الشباب و خدوا منهم الورد

ليله…..مبروك يا حبيبي مبروك ليكم كلكم

ايمي….المكان يجنن ماشاء الله ربنا يباركلكم فيه

رشيد….ايه الورد ده كله يا مجانين

ايمي….فكره ليله المجنونه

ليله….دي حاجه بسيطه يا رشيد ربنا يجعلوا وش الخير عليكم

سلمي….عقبال الفرع الميه ان شاء الله

نادين…..مبروك بجد المكان حلو اوي ماشاء الله

عسال…..طب يلا تعالوا اتفرجوا

ايه….بابتسامه هما مين الناس دي
العرب احتلت البلد ولا ايه

عشري…..بضحك دول قرايبي انا و فضل جايبن من سيناء

ليله…..عشري القمر واقف معاهم