لقاء كار.ثي

توما…..لا انسي ايه و دي حاجه تتنسي

ليله…..و البنات كلهم هيعملوا يعني انت و التيم بتاعك هتيجوا

توما…..انتي قولتي الفرح هيبقي امته بالظبط؟

ليله….احسب ثمان ايام من غير انهارده

توما…..اممم طيب انتي والبنات بس اللي هتعملوا

ليله…..امممم يعني بس تقدر تزود مثلا عليهم كام حد كمان

توما…..خلاص متشليش هم هجيبلك كام واحد شاطرين و هينجزوا معانا الليله دي كلها

ليله…..لا هما كلهم شاطرين و هينجزوا ان شاء الله

توما….تمام بس انتي هتيجي قبلها بيومين عشان الحمام المغربي و الكلام بتاع العروسه ده

ليله…..تمام معنديش مشكله اكيد هاجي

توما…..هتعملي حاجه في شعرك انتي او البنات يعني لو في حد هيعمل بردوا لازم اعرف عشان لو كده يبقي بكره او بعده مثلا تكونوا عندي عشان شريف يلحق يخلص

شريف….اه عشان الشعر ياخد فتره راحه

ليله….والله انا مش عارفه البنات ايه ظروفهم و بصراحه انا مش عارفه بردوا هعمل ايه انا يوم ما صبغت كانت اول مره اسلم فيها شعري للصبغه بس عشان بثق فيك انت وشريف مفكرتش بس بصراحه يعني انا مش عارفه اصبغ ولا لا انا مش عايزه اكون اوڤر يا توما عايزه اكون هاديه خالص و عاديه فاهمني

توما…..طيب تمام لو مش حابه تعملي صبغه بلاش كده كده انتي زي القمر و لون شعرك لسه حلو ..

ليله….ايه رأيك يا شريف

شريف…..قوليلي انتي اللون ده كان عجبك و لا مش ذوقك

ليله…..هو انا مش بحب الصبغه عموما ويمكن دي كانت تاني مره في حياتي اقرب من شعري بس بصراحه لا هو كان عجبني اوي و مفيش حد شافه و حس انه مغيرني او وحش عجب كل اللي شافه

شريف…..بس يبقي هنخليه علي نفس اللون بس بما ان اللون خف شويه هنرجع نعيد علي الاطراف مره تانيه عشان يظهر اكتر و مش هنلعب فيه اكتر من كده

ليله….طيب تمام و المفروض اجيلك امته

شريف….لو في حد من البنات هيصبغ تعالي معاه مفيش لما تيجي هنا للحمام المغربي و الشغل ده هعملهولك

ليله….طيب ده هيبقي قبلها بيومين مش وقت بسيط

شريف….ما انتي مش هتعملي حاجه كبيره دي الاطراف بس الكلام ده لو هتعملي في الشعر كله لازم وقت كافي عشان الشعر يرتاح فهمتي

ليله….طيب كويس اوي عموما بردوا هعرف من البنات و اعرفكم

شريف…..تمام ماشي

توما….بقولك ايه انا في العادي مستحيل اشتغل مع اي حد مع العروسه انا باخد العروسه بس و التيم بيكمل مع اي حد تبعها انما مش هكدب عليكي مش هقدر اقاوم عيون ايمي