لقاء كار.ثي

ليله…..يمكن كلامك مقنع بس في اوقات بتحتاج انك تنبه اللي حواليك بالخطر اللي ممكن يقرب منهم عشان لو مقولتش و حصل معاهم حاجه ممكن تندم المشكله يا توما اللي انا فيها ان اللي كانت السبب في زعلي قبل كده بيني و بين الشخص اللي بحبه هي نفسها اللي قررت ترجع تاني و تهددني في اعز الناس عليا عشان بس مش متقبله فكره اننا رجعنا لبعض و علي فكره انا قولت و نبهت لاني مكنتش هقدر اكتم الموضوع او تهديها اتعامل معاه علي انه حاجه عبيطه مش عارفه اللي عنلته ده غلط مني تهور خوف زياده بس مقدرتش اني اخبي

توما…متلوميش نفسك اللي عملتيه ده اسمه مسؤولية مش تهور يمكن انا ظش فاهم اوي امورك واصله لحد فين بس لو زي ما بتقولي كده لا انتي صح و كويس انك قولتي علي الاقل تبقي متطمنه

بصي يا ليله الناس اللي بتعيش على اللعب في أعصاب غيرها بتقع أول ما تلاقي هدوء حقيقي قدامها انتي عارفه انا بعد ما وقفت علي رجلي و قولت يارب انا وكلت امري و جيبلي حقي من اللي ظلمني و رجعت بصيت علي طريقي بعد فتره لقيتهم رجعوا و كانوا عايزين يأذوي لتاني مره تهديدات و انتقام مع ان انا اللي المفروض كنت انتقم ربنا وقع في طريقي يا ليله واحده متختلفش عنك انتي وايمي كانت بتحبني اوي

جوزها كان شغال حاجه تقيله في البلد و كان بيمو.ت فيها و اي طلب تطلبه ينفذه حكيتلوا حكايتي و الشهاده لله الراجل مقصرش معايا و تقدري تقولي كده ان الراجل ده و مراته ربنا بعتهم ليا تسمعي عن ملايكه الانس اهو هما دول و سبحان الله ربنا جابلي حقي و دعوتي ليه استجابت و شوفت حقي بيرجع قدام عيني من غير ما اعمل اي حاجه تضرني او تضر غيري لو انتي شايفه يا ليله ان الشخصيه دي مؤذيه بجد و اذاها ممكن تنفذه و مش مجرد تهديد او غيره حريم

اسبقيها بخطوه خدي حذرك احمي نفسك و احمي اللي حواليكي خدي عليها تسجيل خلي في حد شاهد يسمع تهديدها و قعيها في شر اعمالها باختصار وبعدين انتي فين جوزك يا اختي ما يتصرف هو سايبك ليه لدماغك تودي و تجيب و تشيلي هم لوحدك

ليله….بضحك ده مجنون انا عندي الدنيا كلها تتصرف و هو لا اخر مره كان هيتصرف كان هيرفع عليها سلاح

توما….لا لا كله الا الدم و بعدين هو فاكر كده انه بيخلص من المشكله ما هيروح في داهيه..

ليله….بضحك شوفت بقي بس عايزه اقولك كمان بخصوص موضوع التسجيل ده انا فعلا سجلت