لقاء كار.ثي

ليله…..بضحك دي لو عرفت انك مش هتعملها اصلا هتروح فينا كلنا في داهيه

توما….لا مقدرش هي عارفه اني بحب اشتغل في عنيها اوي الله اكبر قمر

ليله…..بضحك تجنن ايمي و الله يا توما لو وقتك يسمح تشتغل للكل اكيد اتمني بس انا عارفه انك مش هتقدر

توما…..مش هقدر بصراحه العروسه بتحتاج شغل و تركيز و لازم يكون معانا وقت كافي عشان لو في حاجه معجبتهاش نلحق نغير

ليله…..لا انت عارف مش براجع وراك لو خلصت بدري معايا ظبط البنات عيزاهم قمر

توما…..هما قمر من غير حاجه قوليلي فستانك شكله ايه حمسيني اكتر انا عارف ذوقك

ليله….بضحك طب من غير شتيمه انا لسه مجبتش الفستان

توما……يا خبر ابيض انتي بتخرجي صح

ليله…..لا والله ما انت عارف اللي فيها بقي قولتلك مكنتش رايقه خالص

توما…..و ده اسموا كلام بردوا دي اول حاجه كان لازم تعمليها قاعده انتب مركزه في المشاكل و القرف و سايبه اهم حاجه للعروسه لا ملكيش حق

ليله….هنزل بكره او بعده اشوف و ادعيلي الاقي حاجه حلوه

توما…..لسه بعده انتي لازم بكره ان مكانش انهارده

ليله…..لا النهارده خلاص بقي بكره بامر الله بس متقلقش يعني انا بعرف استقر علي اختياري بسرعه

توما…..لا مينفعش بردوا تتسرعي دي ليله العمر يعني لازم تكوني بيرفكت في كل حاجه

ليله….متشيلش هم ان شاء الله هظبط انا الدنيا المهم بقي و اهم حاجه في كل الرغي ده اعمل حسابك انت و شريف هتخلصوا و مش هتمشوا هتفضلوا معايا هنخلص فقره شغلكم و ندخل في فقره المعزومين يعني هتكمل معانا الفرح

توما….بابتسامه يا روحي عيوني ليكي بس كده هكمل معاكي متقلقيش

شريف…..الف مبروك و الله فرحان ليكي من قلبي

ليله….حبيب قلبي يا شريف عقبال ما تجوز بنوتك القمر

شريف…..في حياتك يارب

كملوا كلامهم و ضحكهم مع بعض و كملوا اتفاقات في كل التفاصيل..

……………….

اتصل عسال علي نادين..

عسال…..الوووو

نادين…..ايوه يا ميدو

عسال…..انتي فين يا نودي

نادين….نعممممم

عسال….هو ايه اللي نعم بسألك انتي فين؟

نادين…..بأبتسامه انت بتتكلم جد ولا بتهزر

عسال….بتكلم جد فين الهزار

نادين…..حبيبي انا اتصلت بيك من ربع ساعه بالظبط و قولتلك اني طلعت باماره ما كنت سامعه صوت خبط جامد و بقولك ايه الصوت ده قولتلي بدور علي الموبايل و بعدين قولتلي انا ناس اني بكلمك وعمال ادور عليه